Grænuvellir - Starfsemi

Fjölskylduráð þakkar Helgu fyrir komuna á fundinn.
Fjölskylduráð leggur til að stofnaður verði fimm manna starfshópur til að fjalla um og móta tillögur varðandi leikskólastarf með yngri börnum og aðlögun þeirra inn í leikskólann á komandi vetri.
Í hópnum verðir fræðslufulltrúi, kennsluráðgjafi, leikskólastjóri, aðstoðarleikskólastjóri, deildarstjóri og verkefnastjóri af Grænuvöllum.
Hópurinn skili niðurstöðum að fjórum viknum liðnum.

Helga Jónsdóttir, Ágústa Pálsdóttir og Unnur Guðmundsdóttir starfsmenn leikskólans Grænuvalla mættu á fundinn undir þessum lið. Fjölskylduráð þakkar þeim fyrir komuna.
Fjölskylduráð leggur til að farin verði leið eitt, sem felur í sér aukningu stöðugilda um tvö og fjölgun inn á deildum svo unnt verði að mæta þörfum barna og foreldra um vistun. Fræðslufulltrúa er falið að kostnaðarmeta aðrar tillögur í skjalinu og leggja fyrir ráðið að nýju.

Ingibjörg, Ingibjörg Hanna og Jóna Björg óska bókað: Í ljósi þess að illa hefur gengið að fullmanna leikskólann Grænuvelli og engar umsóknir borist eftir auglýsingar um starfsfólk í leikskólann á Kópaskeri fara fulltrúar M-, S- og V- lista fram á að starfsfólk allra leikskóla í Norðurþingi njóti forgangs varðandi leikskólapláss.
Fjölskylduráð vísar vinnuskjalinu til umræðu um fjárhagsáætlun fræðslusviðs 2023.

Fjölskylduráð þakkar Sigríði Valdísi fyrir komuna á fundinn. Ráðið felur fræðslufulltrúa að taka saman upplýsingar varðandi heimgreiðslur annarra sveitarfélaga. Fjölskylduráð hefur til umfjöllunar fyrirkomulag og áskoranir leikskólamála til skemmri og lengri tíma.

Lagt fram til kynningar.

Lagt fram til kynningar.

Í ljósi þess að illa gengur að manna leikskólann liggur fyrir að ekki er nægt starfsfólk til að taka á móti nýjum nemendum í lok ágúst.

Auglýst hefur verið í tvígang, í seinna skiptið með þeim fríðindum sem nú bjóðast starfsfólki leikskóla. Umsóknarfrestur rennur út 8. júlí. Ein umsókn hefur borist en það vantar sjö starfsmenn miðað við umsóknir um vistun í lok ágúst. Ef þau börn yrðu tekin inn yrði heildarfjöldi barna 152 strax í upphafi skólaárs. Fyrirséð er að miðað við núverandi upplýsingar að heildarfjöldi nemenda í nóvember yrði 160 og 165 í janúar 2024. Gera má ráð fyrir að ef aðlaganir stæðust og yrðu sambærilegar við fyrri ár yrðu 175 börn á Grænuvöllum vorið 2024.

Fjölskylduráð mun á næsta fundi skipa í starfshóp með það að markmiði að gera vinnustaðinn eftirsóknarverðari og leita leiða til að draga úr starfsmannaveltu.

Fræðslufulltrúa falið að vinna áfram að erindsbréfi og starfshópurinn verður að fullu mótaður á næsta fundi fjölskylduráðs.

Fjölskylduráð samþykkir erindisbréf starfshóps um bættar starfsaðstæður á leikskólanum Grænuvöllum.

Ráðið mun halda áfram að fjalla um málið á næstu fundum þegar niðurstaða spretthóps liggur fyrir.

Ráðið þakkar Sigríði Valdísi leikskólastjóra fyrir komuna á fundinn.
Lagt fram til kynningar.

Lagt fram til kynningar.

Fjölskylduráð þakkar spretthópnum fyrir fram komnar tillögur og góða vinnu.

Fjölskylduráð felur fræðslufulltrúa að útfæra tillögurnar og leggja fyrir ráðið á næsta fundi.

Tillögu 5, hvað varðar úrbætur á hljóðvist, er vísað til umfjöllunar og útfærslu í skipulags- og framkvæmdaráði.

Sviðsstjóra umhverfis- og skipulagssviðs er falið að fá sérfræðinga til að gera úttekt á hljóðvist á Grænuvöllum og koma með tillögur til úrbóta.

Fjölskylduráð samþykkir að vinna fjárhagsáætlun fræðslusviðs miðað við að tillögur 2, 4 og 7 verði innleiddar í upphafi næsta árs.

Samkvæmt upplýsingum frá leikskólastjóra verður ekki hægt að taka inn börn í aðlögun í nóvember eins og áformað hafði verið vegna mönnunarvanda. Gert er ráð fyrir að næsta aðlögun verði í janúar verði mönnun fullnægjandi.

Fræðslufulltrúa er falið að auglýsa áfram eftir starfsfólki á leikskólann Grænuvelli í samráði við leikskólastjóra.