Fjölskylduráð

Bergþór Bjarnason fjármálastjóri kom á fundinn undir þessum lið.

Til kynningar er ársreikningur og ársskýrsla íþróttafélagsins Völsungs.

Fjölskylduráð bókaði m.a. eftirfarandi á fundi sínum 23. ágúst sl.
"Fjölskylduráð leggur til að stofnaður verði fimm manna starfshópur til að fjalla um og móta tillögur varðandi leikskólastarf með yngri börnum og aðlögun þeirra inn í leikskólann á komandi vetri.
Í hópnum verðir fræðslufulltrúi, kennsluráðgjafi, leikskólastjóri, aðstoðarleikskólastjóri, deildarstjóri og verkefnastjóri af Grænuvöllum.
Hópurinn skili niðurstöðum að fjórum viknum liðnum."

Starfshópurinn leggur nú fram tillögur sínar.

Skólastjóri Borgarhólsskóla leggur fram til kynningar skýrslu um innra mat skólans 2021-2022.

Skólastjóri Öxarfjarðarskóla óskar eftir breytingu á skóladagatali. Óskað er eftir því að starfsdagur verði færður frá 30. september til 7. nóvember.

Skólastjóri Grunnskóla Raufarhafnar óskar eftir breytingu á skóladagatali. Óskað er eftir því að starfsdagur verði færður frá 30. september til 7. nóvember.

Útkomuspá launa 2022 og launaáætlun 2023 á fræðslusviði eru lagðar fram til kynningar.

Lögð er fram til kynningar skýrsla yfirsálfræðings um núverandi stöðu starfseminnar og framtíðarhorfur.

Stefán John sækir um styrk að upphæð 499.000kr. í lista- og menningarsjóðs Norðurþings vegna hlaðvarpsins Draugasögur.

Meirihluti sveitarstjórnar leggur til að skipuð verði afmælisnefnd fyrir aldarafmæli íþróttafélagsins Völsungs á Húsavík. Tilgangur nefndarinnar verði að safna saman hugmyndum, útfæra og gera tillögu að afmælisgjöf sveitarfélagsins til Völsungs. Málinu verði vísað til Fjölskylduráðs til frekari útfærslu.

Íþróttafélagið Völsungur á Húsavík fagnar aldarafmæli árið 2027. Þann 12. apríl árið 1927 tóku 23 drengir sig saman og stofnuðu íþróttafélag. Stofnfélagar voru 27 en í upphafi var félagið kallað Víkingur. Í atkvæðagreiðslu skömmu eftir stofnun félagsins var kosið á milli nafnanna Hemingur og Völsungs með vísan í fornar norrænar sögur. Nafnið Völsungur hlaut fleiri atkvæði. Í fyrstu lögum félagsins mátti enginn meðlimur vera eldri en 16 ára. Það ber að fagna þessum tímamótum.

Til máls tóku: Hafrún, Soffía, Ingibjörg og Benóný.

Sveitarstjórn samþykkir tillöguna samhljóða.

Félag eldri borgara á Húsavík óskar eftir suðningi við útfærslu á verkefninu Bjartur lífstíll sem er unnið af ÍSÍ í samstarfi við landsamband eldri borgara.
Félagið óskar eftir
- styrk að upphæð 480 þúsund til að standa undir kostnaði við æfingar undir leiðsögn sjúkraþjálfara í aðstöðu þeirra.
- að félagið fái einn frítíma í viku í lauginni sérstaklega fyrir eldri borgara (9.30-11.00 á föstudögum)
- Afnot af tækjasal og æfingasal í íþróttahöll fyrir leikfimi og boccia.

Fanney Hreinsdóttir mun verða starfsmaður ráðsins fyrir hönd félagsþjónustunnar.
Tjörneshreppur hefur tilnefnt í ráðið en ekki hafa tilnefningar frá öðrum sveitarfélögum borist.

Félagsmálastjóri óskar eftir tilnefningu fulltrúa frá sveitarstjórn inn í Öldungaráð svo hægt sé að stofna ráðið sem fyrst.

Félag eldri borgara í Öxarfjarðarhéraði óskar eftir styrk.

Fyrir fjölskylduráði liggur gjaldskrá fyrir félagslegri heimaþjónustu 2023.

Gjaldskrá greiðslna til stuðningsfjölskyldna. Um er að ræða verktaka greiðslur. Hækkun nemu 5,5 % hækkun sem miðast við spár um launavísitölu.

Fyrir fjölskylduráði liggur 1. fundargerð Notendaráðs fatlaðs fólks í Norðurþingi, til kynningar.

Fyrir hönd V-listans óskar Ingibjörg Benediktsdóttir eftir upplýsingum um stöðu mála varðandi húsnæði frístundaheimilisins Túns.