Framkvæmda- og hafnanefnd Norðurþings

21. fundur 20. ágúst 2012 kl. 16:00 - 19:00 í stjórnsýsluhúsi Norðurþings

Nefndarmenn

Þráinn Guðni Gunnarsson formaður
Jón Grímsson varaformaður
Hjálmar Bogi Hafliðason aðalmaður
Sigurgeir Höskuldsson aðalmaður
Áki Hauksson aðalmaður
Tryggvi Jóhannsson framkv.- og þjónustufulltrúi

Fundargerð ritaði: Tryggvi Jóhannsson Framkvæmda- og þjónustufulltrúi

Dagskrá

1.Hafnasambandsþing 2012

Málsnúmer 201208026 Vakta málsnúmer

Hafnasambandsþing verður haldið dagana 20,-21, september komandi. Hafnir Norðurþings eiga rétt á tveimur fulltrúum á þingið. Nefndin samþykkir að Þráinn Guðni Gunnarsson, Áki Hauksson verði fulltrúar Norðurþings. Til vara verði Tryggvi Jóhannsson, hafnastjóri.

2.Tillaga að breytingu á aðalskipulagi Norðurþings vegna miðhafnarsvæðis

Málsnúmer 201110042 Vakta málsnúmer

Fyrir nefndinni liggur tillaga að breyttu aðalskipulagi sveitarfélagsins fyrir árið 2010 - 2030. Kynningarferli er lokið. Ein athugasemd barst vegna breytingarinnar frá Braga Sigurðssyni. Bragi mótmælir eftirfarandi breytingu sem felst í að svæði undir blandaða landnotkun á hafnarsvæðinu (V1/H4) er stækkað á kostnað hreins hafnarsvæðis (H5). Meirihluti f&h nefndar telur að athugasemdin gefi ekki tilefni til breytingar á tillögunni og leggur til að breytt aðalskipulag verði staðfest í bæjarstjórn. Áki Hauksson og Hjálmar Bogi óska bókað: Við leggjumst gegn því að svæði (V1/H4) (blandað svæði) verði stækkað á kostnað hreins hafnarsvæðis H5 (hafnarsvæðis). Á umræddu svæði er athafnasvæði útgerðar og viktunarþjónustu sveitarfélagsins. Við teljum óskynsamlegt að ætla ferðafólki að þvera umrætt svæði, sérstaklega á háannatíma bæði ferðaþjónustu og útgerðar enda bendir Siglingastofnun á það í athugasemd við skipulagið. Siglingastofnun bendir á að verði fyrirhuguð breyting gerð á aðalskipulaginu telur hún að færa þurfi hafnarvogina/viktunarþjónusta sveitarfélagsins. Undirritaðir vilja taka fram að verkefnið Garðarshólmur er áhugavert og spennandi verkefni sem mun auka menningu og þekkingu á svæðinu. Engu að síður finnst víða húsnæði fyrir slíka starfsemi á Húsavík.

3.Endurskoðun deiliskipulags miðhafnarsvæðis

Málsnúmer 201105013 Vakta málsnúmer

Fyrir nefndinni liggur til umsagnar tillaga að nýju deiliskipulagi á miðhafnarsvæðinu á Húsavík. Nefndin gerir ekki athugasemdir við afgreiðslu s&b nefndar á tillögunni og leggur til að deiliskipulagið verði samþykkt í bæjarstjórn.

4.Íbúar Raufarhafnar krefjast að lokið verði við viðgerðir á félagsheimili bæjarins og benda á slæmt ástand bryggju við smábátahöfn á staðnum

Málsnúmer 201207033 Vakta málsnúmer

Fyrir nefndinni liggur undirskriftarlisti frá íbúum Raufarhafnar þar sem þess er krafist að lokið verði við viðgerðir á félagsheimili bæjarsins og húsið málað. Jafnframt er vakin athygli á ástandi trébryggju við smábátahöfn, hún talin hættuleg mönnum og að verða ónothæf með öllu. Svo skynsamlegt sé mála útveggina á félagsheimilinu Hnitbjörg á Raufarhöfn þarf að endurbyggja stóran hluta af þaki hússins til að koma í veg fyrir vatnsflæði ofan í útveggina. Nefndin mun leggja til að fjármunum verði veitt til verksins við fjárhagsáætlun 2013. Fulltrúi Þinglistans vill láta bóka Ekki ættu ráðamenn Norðurþings að vera í vandræðum með fjármagn til að klára viðgerðir og málun á félagsheimilinu á Raufarhöfn miðað við þær framkvæmdir sem þegar eru í gangi með opnum víxlum. Nægt fé virðist vera í töfrahatti Norðurþings til framkvæmda eftir að kanínurnar voru fjarlægður úr honum. Fulltrúi Þinglistans leggur fram þá tillöggu að félagsheimilið á Raufarhöfn verði málað grænum að lit sem tónar út í gervigraslitinn með vallaráferð, það ætti verulega að liðka fyrir fjármagni til að klára viðgerðir og málun á félagsheimilinu á Raufarhöfn í ár. Meirihluti nefndarinnar tekur ekki afstöðu til þess hvaða litur eða áferð mun prýða húsið. Nefndin tekur undir áhyggjur íbúa Raufarhafnar vegna ástands smábátabryggju og mun leggja til við Siglingastofnun að endurbætur verði gerðar. Nefndin felur hafnastjóra að senda erindi til Siglingastofnunar um úttekt á bryggjunni.

5.Stefán H. Grímsson f.h. Sel sf. óskar eftir að fá á leigu lóð sunnan verbúðar á Kópaskeri

Málsnúmer 201207036 Vakta málsnúmer

Nefndin tekur jákvætt í erindið og felur f&þ fulltrúa að gera drög að samningi og leggja fyrir nefndina. Jón Grímsson vék af fundi við afgreiðslu málsins.

6.Landleigusamningar hestamanna og fjáreigenda á fyrirhuguðu iðnaðarsvæði

Málsnúmer 201208037 Vakta málsnúmer

Um ræðir iðnaðarlóðina á Bakka. Nefndin leggur til að samkomulag við fjáreigendur og hestamenn verði sagt upp enda fyrirhuguð iðnaðaruppbygging á svæðinu.

Fundi slitið - kl. 19:00.