Mötuneyti Borgarhólsskóla 2012

Fyrir bæjarráði liggur erindi frá kennurum og öðrum fagaðilum Borgarhólsskóla þar sem skorað er á sveitarfélagið að tryggja að rekstur skólamötuneyti verði starfrækt í Borgarhólsskóla frá og með næsta skólaári. Bæjarráð þakkar bréfriturum fyrir erindið og vísar því til fræðslu- og menningarnefndar til umfjöllunar.

;Fræðslu- og menningarnefnd þakkar kennurum og öðrum fagaðilum Borgarhólsskóla fyrir áhugann á velferð nemenda í skólanum. Verið er að vinna málinu framgang.

Fyrir fundinum lá tilboð frá "basalt arkitektar" í hönnun nýs eldhúss við Borgarhólsskóla. Framkvæmda- og hafnanefnd áréttar að ekki hafi verið samþykkt að ráðast í verkið og ekki veitt fé til þess.Nefndin óskar eftir að bæjarráð veiti fé til hönnunar nýbyggingarinnar og breytinga á eldra húsi.

Fyrir bæjarráði liggur erindi vegna mötuneytis við Borgarhólsskóla sem tekið hefur verið fyrir á fundi framkvæmda- og hafnanefndar. Eftirfarandi eru afgreiðsla framkvæmda og hafnanefndar: "Fyrir fundinum lá tilboð frá "basalt arkitektar" í hönnun nýs eldhúss við Borgarhólsskóla.
Framkvæmda- og hafnanefnd áréttar að ekki hafi verið samþykkt að ráðast í verkið og ekki veitt fé til þess.Nefndin óskar eftir að bæjarráð veiti fé til hönnunar nýbyggingarinnar og breytinga á eldra húsi." Bæjarráð samþykkir fyrirliggjandi beiðni um fjárframlega til hönnunar á nýbyggingu undir mötuneyti við Borgarhólsskóla að upphæð 1.800.000.- fyrir utan vsk.

Fræðslu- og menningarfulltrúi fór yfir stöðu mála, verið er að skoða áframhaldandi samstarf við Fosshótel Húsavík. Bygging mötuneytis við Borgarhólsskóla verður skoðuð við fjárhagsáætlunargerð fyrir árið 2013.

Fyrir bæjarráði liggur til afgreiðslu tilboð í mötuneyti við Borgarhólsskóla. Opnun tilboða fór fram mánudaginn 24. júní s.l. en verkkaupi er sveitarfélagið Norðurþing. Eitt tilboð barst frá H-3 ehf að Höfða 3 á Húsavík. Heildartilboðsfjárhæð með virðisaukaskatti, 24.999.348.- krónur.Kostnaðaráætlun Basalt - arkitektastofu og Mannvits hljóðar upp á 22.987.158.- krónur. Bæjarráð samþykkir að ganga skuli til viðræðna við H-3 ehf. um verkið og þá í samræmi við þær viðskiptareglur sem í gildi eru.

Þórgunnur R. Vigfúsdóttir skólastjóri Borgarhólsskóla og Katý Bjarnadóttir áheyrnarfulltrúi frá Tjörneshreppi mættu á fundinn. Fyrir fundinum liggur samantekt frá umsjónarmanni fasteigna vegna kostnaðar við byggingu mötuneytis og breytingar á aðkomu að sal Borgarhólsskóla.Þórgunnur sagði frá fyrstu dögum af rekstri mötuneytis, þátttaka er mjög góð, um 96% nemenda skólans eru skráðir í mötuneyti. Starfsemin fer vel af stað. Fulltrúar Borgarhólsskóla viku af fundi kl.15:30