Raufarhöfn Varmadæla - íþróttamiðstöð/skóli

Íþrótta og tómstundafulltrúi kynnti mögulegar orkusparandi aðgerðir í skóla og íþróttamannvirki á Raufarhöfn.

Farið var af stað með þetta verkefni í nafni Norðurþings, sem snýr að varmadæluvæðingu fyrir skóla og íþróttahús á Raufarhöfn.
Verkefnið felur í sér hreinsanir á eldri holum á staðnum og hugsanlega borun nýrra hola ef þarf.
Þessu verkefni er ef til vill betur komið fyrir hjá Orkuveitu Húsavíkur, en framkvæmdanefnd þarf að taka afstöðu til þess hvort orkuveitunni skuli falið verkefnið.

Fyrir skipulags- og framkvæmdaráði liggur greinargerð verkfræðistofunnar Eflu um kostnað og ávinning við fjárfestingu í varmadælum í húsnæði íþróttamiðstöðvar og grunnskóla á Raufarhöfn.
Veitt hefur verið vilyrði fyrir 12,5 m.kr. styrk frá Orkusjóði til verkefnisins.
Taka þarf ákvörðun um næstu skref til þess að koma málinu áfram.

Skipulags- og framkvæmdaráð hefur vísað hugmydum um varmadæluvæðingu skóla og íþróttamiðstöðvar á Raufarhöfn til Orkuveitu Húsavíkur til skoðunar.

Taka þarf ákvörðun um hvort farið verði í kaup og uppsetningu varmadælubúnaðar til kyndingar í íþróttamiðstöð og skólahúsnæði á Raufarhöfn á árinu 2020.

Á fundi skipulags- og framkvæmdaráðs þann 17. desember 2019 var bókað undir máli 201608149.
"Skipulags- og framkvæmdaráð vísar erindinu til stjórnar Orkuveitu Húsavíkur í von um jákvæð viðbrögð."

Gert hefur verið samkomulag við Orkusjóð um að áður úthlutuðum, en ónotuðum styrk frá 2016 sem ætlaður var til varmadæluvæðingar Íþróttamiðstöðvar á Raufarhöfn, verði nýttur til sambærilegra verkefna við áhaldahús, félagsheimili og skrifstofu Norðurþings á Raufarhöfn.