Skipulags- og framkvæmdaráð

Verkfræðistofan Vatnaskil hefur lokið vinnu við greiningu og kortlagningu aðrennslissvæða í tengslum við vatnsverndarsvæði vatnsbóla Húsavíkur. Ágúst Guðmundsson frá Vatnaskilum kynnir niðurstöður þeirrar vinnu og fer yfir hver væru næstu skref að þeirra mati.

Fyrir liggur verðmat fasteignasölu á húsnæði slökkviliðs á Kópaskeri að Bakkagötu 4.
Taka þarf afstöðu til þess hvort halda skuli áfram áformum um sameiningu slökkvistöðvar og þjónustumiðstöðvar á Kópaskeri m.v. þær forsendur sem fyrir liggja og á hvaða grunni verði gengið frá sölu eignarinnar, komi til þess.

Fyrir skipulags- og framkvæmdaráði liggur greinargerð verkfræðistofunnar Eflu um kostnað og ávinning við fjárfestingu í varmadælum í húsnæði íþróttamiðstöðvar og grunnskóla á Raufarhöfn.
Veitt hefur verið vilyrði fyrir 12,5 m.kr. styrk frá Orkusjóði til verkefnisins.
Taka þarf ákvörðun um næstu skref til þess að koma málinu áfram.

Fyrir liggur erindi frá umsjónarmanni Hvamms þar sem óskað er eftir aðkomu sveitarfélagsins að endurnýjun og upphitun gangstíga á svæðinu við Pálsgarð.

Fyrir liggja hugmyndir að breyttu fyrirkomulagi varðandi landleigusamninga sem gerðir eru í tengslum við leigu á beitarhólfum og aðra leigu lands í eigu Norðurþings.
Umræða hefur farið fram við forsvarsmenn Grana, hestamannafélagsins á Húsavík og þeim kynntar hugmyndirnar, en þær eru fyrst og fremst settar fram í því skyni að bæta umhirðu, utanumhald og eftirfylgni varðandi þessi mál.

Landgræðsla ríkisins óskar eftir styrk að upphæð kr. 450.000 vegna uppgræðsluverkefna ársins 2018.

Erindi barst frá Kolviði, sjóði, 12.04.2018, um samstarf við Norðurþing. Bókun framkvæmdanefndar 9. maí 2018: Framkvæmdanefnd samþykkir að ganga til samstarfs við Kolvið um að gera Norðurþing að kolefnisjöfnuðu sveitarfélagi.

Fyrir liggur tilkynning frá Vegagerðinni varðandi niðurfellingu Núpskötluvegar nr. 8952-01 af vegaskrá.

Fyrir liggur ósk frá Samherja fiskeldi ehf. um áframhaldandi leigu húsnæðis í eigu Norðurþings að Bakkagötu 15b.

Erindi barst frá Ágústi Sigurði Óskarssyni á Húsavík sem óskar eftir skýrum svörum varðandi verklag við snjómokstur og hálkuvarnir.

Landsnet vinnur að undirbúningi við mótun kerfisáætlunar fyrir tímabilið 2019-2028, sem er ætlað að gefa heildarsýn yfir þróun flutningskerfis raforku á næstu árum. Landsnet mun vinna umhverfismat fyrir kerfisáætlun í samræmi við lög nr. 105/2006 um umhverfismat áætlana. Landsnet kynnir nú verkefnis- og matslýsingu áætlunarinnar. Í verkefnis- og matslýsingu er m.a. gerð grein fyrir:
- Meginforsendum kerfisáætlunar.
- Efnistökum umhverfisskýrslu.
- Hverjir eru helstu áhrifaþættir áætlunarinnar.
- Hverjir eru helstu umhverfisþættir sem kunna að verða fyrir áhrifum.
- Valkostum til skoðunar.
- Gögnum sem lögð verða til grundvallar.
- Matsspurningum og viðmiðum við mat á
vægi og umfangi umhverfisáhrifa.
Verkefnis- og matslýsingin er aðgengileg á heimasíðu Landsnets www.landsnet.is.
Frestur til að gera athugasemdir eða koma með ábendingar við matslýsinguna er til og með 19. desember 2018.

Óskað er eftir umsögn um rekstrarleyfi til handa Húsavik Öl fyrir umfangslitlum áfengisveitingastað að Héðinsbraut 4. Unnið er að breytingum húsnæðis og gerð útipalls til samræmis við samþykktar teikningar.

Óskað er eftir byggingarleyfi fyrir 92 m² viðbyggingu við íbúðarhúsið í Reistarnesi á Melrakkasléttu. Viðbygging er úr timbri og klædd Steni klæðningu eða sambærilegu. Teikning er unnin af Marínó Eggertssyni.

Nú liggur fyrir úrskurður Úrskurðarnefndar umhverfis- og auðlindamála vegna kæru Gentle Giants - Hvalaferða ehf. á ákvörðun skipulags- og byggingarfulltrúa Norðurþings um að fjarlægja skuli óleyfisframkvæmdir að Hafnarstétt 13. Málið var tekið til endanlegs úrskurðar hjá úrskurðarnefndinni.

Skipulags- og byggingarfulltrúi kynnti úrskurðinn.

Úrskurðarnefndin hafnar kröfu kæranda um ógildingu ákvörðunar byggingarfulltrúa um að óleyfisframkvæmdir utan lóðarmarka Hafnarstéttar 13 skuli fjarlægðar.
Skipulags- og byggingarfulltrúi vinnur nú að framgangi málsins til samræmis við fyrri ákvarðanir.

Eigendur Hafnarstéttar 7 óska eftir byggingarleyfi fyrir breytingum á húsinu. Breytingar fela í sér nokkra stækkun húsnæðisins og endurnýjun á iðnaðarhurðum. Teikningar af fyrirhuguðum breytingum eru unnar af Almari Eggertssyni hjá Faglausn. Þær voru samþykktar af byggingarfulltrúa 11. desember 2018.