Upptaka á fyrirkomulagi landleigusamninga 2017

Fyrir liggur að skipuleggja umgjörð á leigu beitarhólfa á landi í eigu Norðurþings og koma þeim málum í fastar skorður sem auðvelt verður fyrir sveitarfélagið að hafa umsjón með.

Smári Jónas Lúðvíksson fer yfir mögulegar breytingar á tilhögun landleigusamninga við endurnýjun þeirra um næstu áramót.
Mælst er til þess að samningarnir verði endurnýjaðir til eins árs svo svigrúm gefist til þess að móta þá í samvinnu við hestamenn og aðra mótaðila sem nýta sér beitarlönd og beitarhólf í eigu sveitarfélagsins.

Fyrir liggja hugmyndir að breyttu fyrirkomulagi varðandi landleigusamninga sem gerðir eru í tengslum við leigu á beitarhólfum og aðra leigu lands í eigu Norðurþings.
Umræða hefur farið fram við forsvarsmenn Grana, hestamannafélagsins á Húsavík og þeim kynntar hugmyndirnar, en þær eru fyrst og fremst settar fram í því skyni að bæta umhirðu, utanumhald og eftirfylgni varðandi þessi mál.

Fyrir skipulags- og framkvæmdaráði liggja tillögur að breyttu fyrirkomulagi varðandi leigu á beitarhólfum og eftirfylgni með umhirðu þeirra.

Fyrir fundi liggja drög að grunnsamningum fyrir land í leigu úr sveitarsjóði og almennar úthlutunarreglur og viðmið í útleigu á landi til nýrra leigjenda.

Næstu skref er kynning á nýrri uppsetningu á opnum fundi með hagsmunaaðilum.

Endurupptaka á máli "upptaka á fyrirkomulagi Landleigusamninga 2017-2018" frá síðasta fundi.

Eftir opin samráðsfund og fund með stjórnum hestamannafélagsins Grana og Fjáreigendafélagi Húsavíkur eru lögð fram ný drög að samningum um leigu á ræktarlandi úr sveitarsjóði.
Fyrir fundi liggur að auki minnisblað frá fjármálastjóra vegna leigu á ræktarlandi, til viðmiðunar fyrir gjaldtöku.

Eftir opin samráðsfund og fund með stjórnum hestamannafélagsins Grana og Fjáreigendafélagi Húsavíkur eru lögð fram ný drög að samningum um leigu á ræktarlandi úr sveitarsjóði.
Fyrir fundi liggur að auki minnisblað frá fjármálastjóra vegna leigu á ræktarlandi, til viðmiðunar fyrir gjaldtöku.
Skipulags- og framkvæmdaráð samþykkir drögin og felur framkvæmda- og þjónustufulltrúa að ganga frá málinu.