Uppfærslur á samningi umhverfis- og auðlindaráðuneytisins og sveitarfélaga um rekstur Náttúrustofa

Samband íslenskra sveitarfélaga og umhverfis- og auðlindaráðuneytið hafa undanfarið unnið að endurskoðun á samningsformi milli UAR og náttúrustofa.
Óskað er eftir að sveitarfélög sem koma að rekstri náttúrustofanna taki málið fyrir og sendi athugasemdir ef einhverjar eru fyrir 14. desember.

Fyrir byggðarráði liggur samningur um rekstur Náttúrustofu Norðausturlands milli Norðurþings, Skútustaðahrepps og Tjörneshrepps annars vegar og Umhverfis- og auðlindaráðuneytisins hins vegar. Samningurinn er til fimm ára, framlag ríkis til rekstursins er 20,7 m.kr. á fjárlögum árið 2019 og greiða sveitarfélögin a.m.k. 30% af framlagi ríkisins.

Tekið fyrir erindi frá Náttúrustofu Norðausturlands þar sem vakin er athygli á því að samningur um rekstur stofunnar, milli sveitarfélaga og ríkis, rennur út í lok þessa árs.
Samningurinn er gerður árið 2019 á grundvelli 9. gr. laga nr. 60/1992 um Náttúrufræðistofnun og náttúrustofur með síðari breytingum og gildir í 5 ár eða til ársloka 2023.

Fyrir byggðarráði liggur viðauki við samning milli Norðurþings, Skútustaðahrepps og Tjörneshrepps og umhverfis- og auðlindaráðuneytis um rekstur Náttúrustofu Norðausturlands. Viðaukinn felur í sér framlengingu á gildistíma núverandi samnings þannig að samningurinn renni út í árslok 2024.