Skipulagsbreytingar hjá Norðurþingi

Lagt fram til kynningar og vísað til byggðaráðs til kynningar.

Gunnar Hrafn Gunnarsson framkvæmda- og þjónustufulltrúi sat fundinn undir þessum lið.

Byggðarráð þakkar Gunnari Hrafni fyrir yfirferðina.
Lagt fram til kynningar.

Tillaga
Undirritaðir leggja til að það starf sem verður til við sameiningu bæjarverkstjóra og umhverfisstjóra (áður garðyrkjustjóra) verði auglýst laust til umsóknar að loknum skipulagsbreytingum á framkvæmdasvæði, sem undirritaðir samþykkja.

Greinargerð
Undanfarin ár hafa verið uppi hugmyndir um endurskoðun Þjónustustöðvar á Húsavík og stofnaðir starfshópar þar um. Nú liggja fyrir tillögur að skipulagsbreytingum sem er mikilvægt að séu sýnilegar. Sömuleiðis þarf erindisbréf fyrir nýtt starf að liggja fyrir.
Nýtt starf sem sameinar bæjarverkstjóra á Húsavík og Umhverfisstjóra (áður garðyrkjustjóra) Norðurþings er ábyrgðarmikið starf og felur í sér nokkur mannaforráð. Það samræmist góðum starfsháttum að auglýsa slíkt starf laust til umsóknar.

Guðmundur Halldórsson, Heiðar Hrafn Halldórsson, Hjálmar Bogi Hafliðason og
Kristján Friðrik Sigurðsson

Kristinn Jóhann Lund og Silja Jóhannesdóttir eru á móti tillögunni og samþykkja skipulagsbreytinguna eins og hún liggur fyrir.

Skipulags- og framkvæmdaráð heldur áfram með málið á næsta fundi. Ráðið þakkar Smára Jónasi Lúðvíkssyni fyrir samstarfið og óskar honum velfarnaðar á nýjum vettvangi.

Skipulags- og framkvæmdaráð samþykkir að auglýsa eftir verkstjóra í þjónustumiðstöð á Húsavík þar sem m.a. verður lögð áhersla á garðyrkju og umhverfismál.