Samstarf Grunnskóla Raufarhafnar og Öxarfjarðarskóla

Fræðslufulltrúi kynnti hugmyndir að auknu samstarfi og sameiginlegri skólastjórnun Grunnskóla Raufarhafnar og Öxarfjarðarskóla. Hugmyndin verður þvínæst kynnt á samráðsfundum með foreldrum og starfsmönnum í febrúar. Nemendum verða einnig kynntar hugmyndirnar. Ákvörðun um málið verður tekin á fundi fjölskylduráðs í kjölfarið. Ef sameiginleg skólastjórnun verður niðurstaðan verður gengið frá ráðningu skólastjóra eins fljótt og unnt er.
Markmið samstarfsins og sameiginlegrar skólastjórnunar er að efla báða skóla sem staðsettir eru í brothættum byggðum og auka samstarf með samræmingu skólastarfs, samnýtingu mannauðs, þekkingar og reynslu svo úr verði öflugt lærdómssamfélag.

Fundargerðir fundanna voru lagðar fram og afstaða foreldra og starfsfólks kynntar.
Fjölskylduráð samþykkir að Grunnskóla Raufarhafnar og Öxarfjarðarskóla verði stýrt af sama skólastjóra frá og með skólaárinu 2021- 2022. Stefnt er að auknu samstarfi nemenda, foreldra og starfsfólks.
Yfirmarkmið þessa eru aukið samststarf, efling skólanna og aukin gæði náms. Auk þess eru eftirfarandi markmið höfð að leiðarljósi:
Efla báða skóla sem staðsettir eru í brothættum byggðum.
Auka samstarf með samræmingu skólastarfs og samnýtingu mannauðs, þekkingar og reynslu svo úr verði öflugt lærdómssamfélag.
Nýta fagþekkingu starfsfólks á báðum stöðum.
Efla þjónustu við nemendur, tryggja fjölbreytt og einstaklingsmiðað nám og jafna aðgang nemenda að námi.
Styrkja nemendur félagslega.
Nýta aðstöðu á báðum stöðum.
Efla innleiðingarferli skólastefnu Norðurþings og tryggja að framtíðarsýn hennar verði að veruleika, hlutverki sveitarfélagsins sé betur sinnt og meginmarkmið hennar náist.

Þannig verði frekar tryggt að ákvæðum laga um grunnskóla, Aðalnámskrár og skólastefnu Norðurþings sé framfylgt.

Ráðið felur fræðslufulltrúa að ganga frá ráðningu skólastjóra til næstu 2ja ára.

Fjölskylduráð þakkar Hrund fyrir góða yfirferð og fagnar því að vel hafi tekist til. Ráðið ákveður að skólastjórn verði áfram sameiginleg og staða skólastjóra auglýst. Fræðslufulltrúa falið að skoða útfærslur að auknu samstarfi í samráði við foreldra, börn, starfsfólk og skólastjóra.

Lagt fram til kynningar. Fjölskylduráð mun halda áfram umfjöllun um málið á næsta fundi ráðsins.

Fjölskylduráð felur fræðslufulltrúa að undirbúa og hefja viðtöl við foreldra grunn- og leikskólabarna á Raufarhöfn og kynna fyrir þeim þá kosti sem eru til umfjöllunar varðandi skólahald á Raufarhöfn.

Fræðslufulltrúi upplýsti um framvindu mála.

Fjölskylduráð felur fræðslufulltrúa að auglýsa eftir tveimur skólastjórum, í Öxarfjarðaskóla og í Grunnskóla Raufarhafnar.

Fjölskylduráð felur fræðslufulltrúa að vinna áfram að umsókn um þróunarskólaleyfi og undirbúa samning við Ásgarð um skólastjórn á Raufarhöfn.

Ráðið þakkar fyrir kynninguna og lýsir yfir ánægju með fyrirkomulag samstarfsins.