Framtíð Fjárfestingafélags Þingeyinga hf.

Borist hefur erindi frá Fjárfestingafélagi Þingeyinga hf. þar sem óskað er eftir afstöðu Norðurþings til mögulegrar framtíðar félagsins.

Borist hefur erindi frá Fjárfestingafélagi Þingeyinga hf. þar sem óskað er eftir afstöðu Norðurþings til mögulegrar framtíðar félagsins.

Á 375. fundi byggðarráðs var eftirfarandi bókað um málið;
Byggðarráð er jákvætt fyrir eflingu Fjárfestingafélags Þingeyinga hf. og vísar málinu til umfjöllunar í sveitarstjórn.
Byggðarráð felur sveitarstjóra að taka saman minnisblað með yfirliti yfir eignarhluti Aðalsjóðs Norðurþings og Fjárfestingafélags Norðurþings í félögum og aðra eignarhluta innan samstæðu Norðurþings sem gætu fallið vel að starfsemi Fjárfestingafélags Þingeyinga.

Fyrir byggðarráði liggur yfirlit yfir þau félög sem til greina koma að verði færð inn í Fjárfestingafélag Þingeyinga samanber bókun á 117. fundi sveitarstjórnar Norðurþings.
Einnig liggja fyrir byggðarráði samþykktir umræddra félaga, ásamt ráðleggingum endurskoðanda Deloitte varðandi verðmat eignarhlutanna.
Taka þarf afstöðu til þess hvernig meta eigi verðmæti þessara hluta áður en næstu skref verða tekin.

Á 117. fundi sveitarstjórnar Norðurþings var til umræðu erindi frá Fjárfestingafélagi Þingeyinga hf. þar sem óskað var eftir afstöðu Norðurþings til mögulegrar framtiðar félagsins.
Á fundinum var eftirfarandi bókað;
Bergur leggur fram eftirfarandi tillögu.
Um er að ræða gamla Atvinnuþróunarfélag Þingeyinga hf. sem breytt var í Atvinnuþróunarfélaga Þingeyinga ses. og síðan aftur, með nafnabreytingu í Fjárfestingafélag Þingeyinga hf. Eitt stykki hringur takk.
Í Fjárfestingarfélagi Þingeyinga hf., er að finna nokkrar eignir og því er spurt með hvaða hætti Norðurþing geti styrkt félagið með eignasafni sínu í félögum sem ekki tilheyra kjarnastarfsemi Norðurþings, þannig að virkt fjárfestingarfélag geti litið dagsins ljóss í Þingeyjarsýslu. Markmiðið er að búa til félag sem getur orðið áhrifavaldur til góðar verka í atvinnumálum svæðisins, ekki stórt en vonandi skynsamt.
Í ljósi framangreinds, leggur undirritaður fram þá tillögu að skoðað verið að eftirfarandi félög verði lögð inn í Fjárfestingafélag Þingeyinga hf. Félögin eru;
Skúlagarður- fasteignafélag ehf., Verslunarhúsið á Kópaskeri ehf., Greið leið ehf., Seljalax hf., Fjallalamb hf., Síldarvinnslan hf., Sparisjóður Suður-Þingeyinga sem og tvö félög í eigu Orkuveitu Húsavíkur ohf. (með samþykki stjórnar þess félags) þ.e. Sjóböðin ehf. og Mýsköpun ehf.
Mikilvægt er að framangreindar eignir verði endurmetnar áður en endanleg afgreiðsla málsins verði staðfest, sem og mögulegar tæknilegar fyrirstöður.
Bergur Elías Ágústsson.

Sveitarstjórn samþykkir samhljóða tillögu Bergs.

Pétur Snæbjörnsson og Valdimar Halldórsson koma á fundinn og kynna stöðu Fjárfestingafélags Þingeyinga hf. og framtíðarsýn.

Byggðarráð heldur áfram umræðu sinni um framtíð Fjárfestingafélags Þingeyinga hf.

Byggðarráð heldur áfram umræðu sinni um framtíð Fjárfestingafélags Þingeyinga hf. Fyrir liggur verðmat endurskoðanda á verðmæti félaga eignasafnsins.

Fyrir byggðarráði liggja til kynningar tillögur um næstu skref í ferlinu.

Fyrir stjórn liggur erindi frá Fjárfestingafélagi Þingeyinga hf. um að Orkuveita Húsavíkur ohf. skoði að leggja inn hluta af eignahlutum sínum inn í félagið til hlutafjáraukningar.

Fyrir byggðarráði liggja til umræðu hugmyndir vegna samruna félaga í eignasafni sveitarfélagsins.