Fráveitustofngjald verði hluti af gjaldskrá OH frá og með janúar 2023

Lagt fram til stjórnar að fráveitustofngjald verði hluti af gjaldskrá Orkuveitu Húsavíkur frá og með 1. janúar 2023 og taki mið af gjaldskrárhækkun 2023.

Á 130. fundi sveitarstjórnar samþykkti sveitarstjórn að Orkuveita Húsavíkur muni innheimta stofngjald vegna fráveitutengingar nýbygginga. Þá var sveitarstjóra falið að uppfæra opinber gögn sveitarfélagsins til samræmis við þá ákvörðun.

Nú liggja fyrir sveitarstjórn eftirfarandi uppfærð gögn:

Samþykkt um fráveitu til fyrri umræðu.

Samþykkt um gatnagerðargjald, stofngjald fráveitu, byggingarleyfisgjald, gjöld vegna skipulagsvinnu og afgreiðslu- og þjónustugjöld í Norðurþingi til samþykktar.

Á 138. fundi sveitarstjórnar var eftirfarandi bókað:

Sveitarstjórn samþykkir samhljóða að vísa samþykkt um fráveitu til síðari umræðu.

Fyrir sveitarstjórn liggur fráveitu samþykkt sveitarfélagsins til samþykktar.

Samþykktin fór fyrir Heilbrigðisnefnd Norðurlands eystra þar sem eftirfarandi var bókað:
Lögð voru fram drög að samþykkt um fráveitur í sveitarfélaginu Norðurþingi.
Heilbrigðisnefnd samþykkir drögin fyrir sitt leyti og vísar þeim til afgreiðslu sveitarstjórnar í samræmi 2.mgr. 59.gr. laga nr. 7/1998 um hollustuhætti og mengunarvarnir