Öryggi barna vegna umferðar á skólalóð Borgarhólsskóla

Fyrir fjölskylduráði liggja ábendingar frá foreldrum barna í verðandi 1. bekk Borgarhólsskóla, áhyggjur af öryggismálum á skólalóðinni vegna bílaumferðar.

Með fundarboðinu fylgir minnisblað sveitarstjóra, samantekt af þeim aðgerðum sem gripið hefur verið til af hálfu skólans og framkvæmdasviðs með það að markmiði að takmarka og stýra umferð á lóðinni.

Á fundi fjölskylduráðs þann 9.7. sl. var eftirfarandi bókað:
Fjölskylduráð felur sveitarstjóra í samráði við skólastjóra og yfirmatráð að leita leiða til að takmarka enn frekar umferð á skólalóðinni og leggja fyrir ráðið aftur í ágúst.

Sviðstjóri velferðarsviðs leggur nú fram minnisblað um þær aðgerðir sem gripið hefur verið til þess að auka öryggi nemenda á skólalóð Borgarhólsskóla. Auk þess er lögð fram til kynningar skýrsla Heilbrigðiseftirlitsins um öryggismál á skólalóðinni.

Sveitarfélaginu Norðurþing barst bréf frá Heilbrigðiseftirliti Norðurlands eystra 15. ágúst sl. vegna umferðar á skólalóð Borgarhólsskóla. Starfsmenn framkvæmdasviðs hafa unnið að tímabundnum endurbótum í samráði við skólastjórnendur Borgarhólsskóla en varanlegri lausnir þarfnast frekari undirbúnings.

Norðurþing hefur sent bréf á Heilbrigðiseftirlitið þar sem fram kemur beiðni um frest ásamt tillögu að tímasettri framkvæmdaáætlun.

Fyrir skipulags- og framkvæmdaráði liggur að taka afstöðu til tímasetninga í tímasettri framkvæmdaáætlun um öryggi barna á skólalóð Borgarhólsskóla.

Fjölskylduráð fjallar um þau úrræði sem gripið hefur verið til til að auka öryggi nemenda á skólalóð Borgarhólsskóla og erindi skólastjóra um veittar heimildir til aksturs á lóðinni.

Útfærsla vöruafgreiðsluports á lóð Borgarhólsskóla og drög að kostnaði vegna þess eru lögð fram til kynningar.

Á 212. fundi fjölskylduráðs var eftirfarandi bókað:
Fjölskylduráð samþykkir fyrirliggjandi útfærslu að vöruporti á lóð Borgarhólsskóla og vísar drögum að kostnaði vegna framkvæmdarinnar til skipulags- og framkvæmdaráðs.