Breyting deiliskipulag Holtahverfis

Fyrir fundi liggur tillaga að breytingu deiliskipulags í Holtahverfi unnin af Vigfúsi Sigurðssyni hjá Cowi. Breytingar lúta að stærðum lóða, breyttum byggingarrétti á lóðum og breyttri númeringu lóða að Hraunholti 7-25 skv. gildandi deiliskipulagi. Breytingar taka mið af áður fram komnum óskum lóðarhafa óbyggðra lóða.

Nú er lokið kynningarferli breytingar deiliskipulags Holtahverfis. Umsagnir bárust frá þremur aðilum. Heilbrigðiseftirlit Norðurlands eystra og slökkviliðsstjóri tilkynntu að ekki væru athugasemdir við breytinguna af hálfu þeirra stofnana. Guðný María Waage kom á framfæri ábendingu vegna stafsetningarvillu.

Á 201. fundi skipulags- og framkvæmdaráðs var eftirfarandi bókað: Skipulags- og framkvæmdaráð þakkar ábendingar. Ráðið leggur til við sveitarstjórn að skipulagsbreytingin verði samþykkt.