Skipulags- og framkvæmdaráð
Dagskrá
1.Breyting deiliskipulag Holtahverfis
Málsnúmer 202408043Vakta málsnúmer
Fyrir fundi liggur tillaga að breytingu deiliskipulags í Holtahverfi unnin af Vigfúsi Sigurðssyni hjá Cowi. Breytingar lúta að stærðum lóða, breyttum byggingarrétti á lóðum og breyttri númeringu lóða að Hraunholti 7-25 skv. gildandi deiliskipulagi. Breytingar taka mið af áður fram komnum óskum lóðarhafa óbyggðra lóða.
Skipulags- og framkvæmdaráð felur skipulagsfulltrúa að kynna skipulagstillöguna eins og hún var lögð fram skv. ákvæðum skipulagslaga.
2.Stórinúpur óskar byggingarleyfis fyrir viðbyggingu
Málsnúmer 202408055Vakta málsnúmer
Óskað er byggingarleyfis fyrir 64,8 m² viðbyggingu við Lund gistiheimili. Teikningar eru unnar af Birni Sveinssyni byggingartæknifræðingi.
Skipulags- og framkvæmdaráð telur ekki að fyrirhuguð viðbygging hafi neikvæð áhrif á nágranna vegna umhverfisaðstæðna og felur skipulags- og byggingarfulltrúa að veita byggingarleyfi þegar fullnægjandi gögnum hefur verið skilað.
3.Erindi frá Fuglavernd vegna plægingar lands í Saltvík til skógræktar
Málsnúmer 202408059Vakta málsnúmer
Fuglavernd óskar eftir gögnum vegna framkvæmdaleyfis til jarðvinnslu vegna skógræktar í landi Saltvíkur.
Skipulags- og byggingarfulltrúa er falið að svara erindi Fuglaverndar og senda umbeðin gögn.
4.Krafa um ógildingu ákvarðana um framkvæmdaleyfi og stöðvun framkvæmda í landi Þverár
Málsnúmer 202408066Vakta málsnúmer
Tekið fyrir erindi frá Úrskurðarnefnd umhverfis- og auðlindamála, vegna stjórnsýslukæra nr. 89/2024 á Norðurþing frá félaginu Náttúrugrið, almannasamtökum á sviði líffræðilegs og jarðfræðilegs fjölbreytileika.
Kærð er ákvörðun sveitarstjórnar Norðurþings um að veita Yggdrasil Carbon framkvæmdaleyfi fyrir skógrækt í landi Saltvíkur og í landi Þverár í Reykjahverfi og brot á þátttökurétti í málsmeðferð þessarar ákvarðana.
Sveitarfélagið hefur móttekið kæruna með formlegum hætti og mun skila inn umsögn til Úrskurðarnefndar umhverfis- og auðlindamála í samráði við lögfræðing sveitarfélagsins í málinu innan tilskilins frests.
Kærð er ákvörðun sveitarstjórnar Norðurþings um að veita Yggdrasil Carbon framkvæmdaleyfi fyrir skógrækt í landi Saltvíkur og í landi Þverár í Reykjahverfi og brot á þátttökurétti í málsmeðferð þessarar ákvarðana.
Sveitarfélagið hefur móttekið kæruna með formlegum hætti og mun skila inn umsögn til Úrskurðarnefndar umhverfis- og auðlindamála í samráði við lögfræðing sveitarfélagsins í málinu innan tilskilins frests.
Gögn málsins kynnt.
5.Borgarhólsskóli - viðbygging, Fjölnotahúsnæði
Málsnúmer 202311123Vakta málsnúmer
Sviðsstjóri skipulags- og umhverfissviðs f.h. Norðurþings óskar þess að skipulags- og framkvæmdaráð láti vinna tillögu að breytingu deiliskipulags fyrir skólasvæðið á Húsavík vegna áforma um að byggja fjölnotahúsnæði við Borgarhólsskóla. Fyrir fundi liggja tillögur að hönnun hússins og afstöðu þess.
Skipulags- og framkvæmdaráð felur skipulagsfulltrúa að vinna tillögu að breytingu deiliskipulags skólasvæðisins sem miðar að því að heimila fyrirhugaða uppbyggingu.
6.Borgarhólsskóli - viðbygging, Fjölnotahúsnæði
Málsnúmer 202311123Vakta málsnúmer
Tillaga frá sviðsstjóra skipulags- og umhverfissviðs varðandi stærð á kjallara undir nýju fjölnotahúsnæði við Borgarhólsskóla.
Skipulags- og framkvæmdaráð samþykkir tillögu sviðsstjóra.
7.Framkvæmdaleyfi fyrir göngustíg
Málsnúmer 202408075Vakta málsnúmer
Orkuveita Húsavíkur sækir um leyfi fyrir stígagerð samhliða lagningu kaldavatnsstofns.
Skipulags- og framkvæmdaráð samþykkir erindi Orkuveitu Húsavíkur.
Fundi slitið - kl. 14:25.