Krafa um ógildingu ákvarðana um framkvæmdaleyfi og stöðvun framkvæmda í landi Þverár

Tekið fyrir erindi frá Úrskurðarnefnd umhverfis- og auðlindamála, vegna stjórnsýslukæra nr. 89/2024 á Norðurþing frá félaginu Náttúrugrið, almannasamtökum á sviði líffræðilegs og jarðfræðilegs fjölbreytileika.
Kærð er ákvörðun sveitarstjórnar Norðurþings um að veita Yggdrasil Carbon framkvæmdaleyfi fyrir skógrækt í landi Saltvíkur og í landi Þverár í Reykjahverfi og brot á þátttökurétti í málsmeðferð þessarar ákvarðana.
Sveitarfélagið hefur móttekið kæruna með formlegum hætti og mun skila inn umsögn til Úrskurðarnefndar umhverfis- og auðlindamála í samráði við lögfræðing sveitarfélagsins í málinu innan tilskilins frests.

Fyrir byggðarráði liggur til kynningar stjórnsýslukæra, móttekin 22. ágúst 2024 ásamt umboði, þar sem kærð er ákvörðun sveitarstjórnar Norðurþings um að veita Yggdrasil Carbon framkvæmdaleyfi fyrir skógrækt í landi Saltvíkur og í landi Þverár í Reykjahverfi og brot á þátttökurétti í málsmeðferð þessarar ákvarðana.

Fyrir byggðarráði liggur greinargerð frá lögmanni sveitarfélagsins vegna athugasemda vegna kæru á ákvörðun Norðurþings um útgáfu á framkvæmdaleyfum vegna skógræktar í landi Þverár og Saltvíkur.

Fyrir byggðarráði liggur úrskurður Úrskurðarnefndar umhverfis- og auðlindamála í máli nr. 89/2024, kæra á annars vegar ákvörðun sveitarstjórnar Norðurþings frá 4. apríl 2024 um að samþykkja framkvæmdaleyfi fyrir skógrækt í landi Saltvíkur og hins vegar ákvörðun sveitarstjórnar frá 27. júní 2024 og ákvörðun byggðarráðs frá 15. ágúst s.l. um að samþykkja framkvæmdaleyfi fyrir skógrækt í landi Þverár í Reykjahverfi.

Úrskurðarorð eru þau að kærumáli þessu er vísað frá úrskurðarnefndinni.