Byggðarráð Norðurþings

Fyrir byggðarráði liggja til kynningar niðurstöður Íbúakönnunar landshlutanna 2023, einnig liggur fyrir ráðinu útdráttur þar sem niðurstöður fyrir Þingeyjarsýslur eru teknar sérstaklega fyrir.

Fyrir byggðarráði liggur til kynningar stjórnsýslukæra, móttekin 22. ágúst 2024 ásamt umboði, þar sem kærð er ákvörðun sveitarstjórnar Norðurþings um að veita Yggdrasil Carbon framkvæmdaleyfi fyrir skógrækt í landi Saltvíkur og í landi Þverár í Reykjahverfi og brot á þátttökurétti í málsmeðferð þessarar ákvarðana.

Fyrir byggðarráði liggur viðauki að upphæð 68.277.570 kr. vegna rekstrarhalla og framkvæmda á árinu 2024 samkvæmt rekstraráætlun sem samþykkt var á aðalfundi DA sf. þann 10. júlí sl.

Fyrir byggðarráði liggur til kynningar staða mála vegna Helguskúrs.

Fyrir byggðarráði liggur staða þeirrar undirbúningsvinnu sem fram hefur farið vegna fyrirhugaðra framkvæmda við húsnæðið að Ketilsbraut 7- 9 á Húsavík.

Fyrir byggðarráði liggur erindi frá Þekkingarnetinu, ósk um tilnefningu í stjórn sjálfseignastofnunarinnar. Í nýjum samþykktum er stjórnarmönnum fækkað úr átta í fimm. Sveitarfélögin í Þingeyjarsýslum skulu koma sér saman um tilnefningu eins aðalmanns og eins varamanns.

Fyrir byggðarráði liggur til kynningar fundargerð stjórnarfundar Dvalarheimilis aldraðra sf. frá miðvikudeginum 21. ágúst sl.
Fyrir ráðinu liggur einnig drög að erindisbréfi vegna skipunar starfshóps sem hefur það hlutverk að skoða leiðir um framtíðar notagildi eigna Dvalarheimilis aldraðra með tilkomu nýs hjúkrunarheimilis. Fyrir ráðinu liggur að tilnefna einn fulltrúa fyrir hönd sveitarfélagsins.

Fyrir fjölskylduráði liggur að tilnefna fulltrúa í umsjónarnefnd um náttúruvættið Dettifoss, Selfoss og Hafragilsfoss og nágrenni, þar sem Sigríður Þorvaldsdóttir hefur sagt sig úr nefndinni. Varafulltrúi hennar er Aldey Unnar Traustadóttir.