Ketilsbraut 7-9, húsnæðisaðstæður

Sviðsstjóri upplýsti skipulags- og framkvæmdaráð um stöðu mála vegna gruns um myglusvepp í afmörkuðum rýmum í stjórnsýsluhúsi sveitarfélagsins á Húsavík.

Verkfræðistofan Verkís hefur verið fengin til að yfirfara alla bygginguna og útbúa aðgerðaáætlun til úrbóta.

Fyrir skipulags- og framkvæmdaráði liggur skýrsla um húsnæðisaðstæður að Ketilsbraut 7-9.

Fyrir byggðarráði liggur minnisblað frá Verkís um ástand innanhús í húsi stjórnsýslunnar að Ketilsbraut 7-9.

Fyrir byggðarráði liggja uppfærðar upplýsingar um ástand á húsnæði stjórnsýslu Norðurþings að Ketilsbraut 7-9, einnig liggja fyrir upplýsingar um hugsanlegar lausnir vegna þeirra kosta sem eru í húsnæðismálum stjórnsýslunnar.

Fyrir byggðarráði liggur að taka ákvörðun vegna tilboðs í eignina Stóragarð 1 á Húsavík.

Bókað á síðasta fundi: Fyrir byggðarráði liggur að taka ákvörðun um kaup á Stóragarði 1 fyrir stjórnsýsluhús. Tilboðið var gert með fyrirvara um samþykki byggðarráðs og hefur verið samþykkt af seljanda. Ráðið felur sveitarstjóra að afla frekari gagna og mun taka ákvörðun um kaupin á næsta fundi ráðsins 7. mars nk.

Fyrir byggðarráði liggja til kynningar þær skammtímalausnir sem farið hefur verið í vegna aðstæðna í stjórnsýsluhúsinu að Ketilsbraut 7.

Fyrir byggðarráði liggur að ræða áfram um lausnir á húsnæðismálum stjórnsýslunnar.

Byggðarráð heldur áfram umræðu sinni um húsnæðisaðstæður stjórnsýslunnar á Húsavík.

Á 461. fundi byggðarráðs frá 11. apríl sl. var eftirfarandi bókað "Byggðarráð felur sveitarstjóra að leita til arkitektastofu og meta þörf á því rými sem þarf undir stjórnsýslu sveitarfélagsins, einnig að stofna starfshóp um framtíðarhúsnæði undir starfsemina sem skilar sínum tillögum í maí mánuði." Nú liggur fyrir ráðinu tillaga að skipan starfshóps og drög að erindisbréfi hópsins.

Fyrir byggðarráði liggur minnisblað starfshóps sem settur var á fót í lok aprílmánaðar til að meta þá kosti sem eru í boði fyrir húsnæði stjórnsýslunnar með því markmiði að skila haldgóðri tillögu að framtíðarlausn fyrir stjórnsýsluhús á Húsavík.

Helstu verkefni starfshóps:
Greina starfsemi stjórnsýslu og meta stærð varanlegs húsnæðis fyrir starfsemina.
Skilgreina áskoranir og tækifæri við breytingu á húsnæði stjórnsýslunnar.
Meta kosti og galla þeirra leiða sem eru í boði.
Kostnaðargreina valkosti.
Leggja fram tillögur til byggðarráðs að varanlegri lausn fyrir starfsemi stjórnsýslu.

Á 468. fundi byggðarráðs var eftirfarandi bókað:

Byggðarráð leggur til við sveitarstjórn að farin verði leið 1 sem felur í sér endurbætur á Ketilsbraut 7-9. Það rými sem ekki þarf undir starfsemi stjórnsýsluhúss fái annað hlutverk fyrir aðra þætti starfsemi Norðurþings.
Samþykkt með atkvæðum Hafrúnar og Áka.
Hjálmar Bogi situr hjá.
Aldey og Benóný óska bókað að þau styðja að farin verði leið 1.

Fyrir byggðarráði liggur staða þeirrar undirbúningsvinnu sem fram hefur farið vegna fyrirhugaðra framkvæmda við húsnæðið að Ketilsbraut 7- 9 á Húsavík.