Breyting deiliskipulags suðurhafnarsvæðis

Fyrir liggur tillaga að breytingu deiliskipulags suðurhafnarsvæðis. Í grunninn er tillagan unnin vegna sameininga fjögurra lóða í Suðurgarð 4. Í ljósi þess að GPG fiskverkun nýtir minna pláss til suðurs en gert var ráð fyrir í gildandi deiliskipulagi skapast þar rýmildi fyrir nýja lóð syðst sem fær heitið Búðarfjara 1. Lóðarhafi Búðarfjöru 1 (sem við breytinguna verður Búðarfjara 3) hefur óskað eftir að mænisstefnu húss verði snúið, hámarksvegghæð og mænishæð verði aukin í 8 m og 10 m (úr 7 m og 9 m) og heimilað verði nýtingarhlutfall 0,6 og felur skipulagstillagan tillögu að þeim breytingum. Sömu ákvæði gildi um allar lóðir innan athafnasvæðis.

Kynningartíma á breytingum deiliskipulags suðurhafnarsvæðis er nú lokið. Umsagnir bárust frá þremur aðilum, þ.e. Heilbrigðiseftirliti Norðurlands eystra, Rarik og Skipulagsstofnun. Umsagnirnar bera ekki með sér athugasemdir við breytinguna.

Kynningartíma á breytingum deiliskipulags suðurhafnarsvæðis er nú lokið. Umsagnir bárust frá þremur aðilum, þ.e. Heilbrigðiseftirliti Norðurlands eystra, Rarik og Skipulagsstofnun. Umsagnirnar bera ekki með sér athugasemdir við breytinguna.

Á 213. fundi skipulags- og framkvæmdaráðs var eftirfarandi bókað:
Skipulags- og framkvæmdaráð leggur til við sveitarstjórn að skipulagstillagan verði samþykkt án breytinga frá kynntri tillögu. Skipulagsfulltrúa verði falið að auglýsa gildistöku deiliskipulagsins.