Orkuveita Húsavíkur ohf

Norðurþing og Orkuveita Húsavíkur ohf. hafa sammælst um að nauðsynlegt sé að taka upp og skýra áður gerðan þjónustusamning milli aðila. Lögð hafa verið fram samningsdrög af hálfu Norðurþings sem kynnt hafa verið í byggðaráði og eins liggja fyrir breytingatillögur af hálfu stjórnar Orkuveitu Húsavíkur ohf. Fyrir liggur að ljúka umræðum um málið og undirrita samkomulagið þegar sátt liggur fyrir af hálfu beggja aðila um það sem þar kemur fram.

Vinna vegna stefnumótunar Orkuveitu Húsavíkur ohf. er að baki og í kjölfarið liggja eftir fjórar nær fullmótaðar stefnur varðandi rekstur félagsins til framtíðar og sem ætlunin er að fylgja. Eftir stendur að taka ákvörðun um lykilstærðir sem snúa að skyldum stjórnar OH gagnvart eiganda félagsins.

Aðalfundur Íslenskrar Orku ehf. var haldinn miðvikudaginn 26. febrúar sl. Til kynningar fyrir stjórn OH er lagður fram ársreikningur félagsins vegna rekstrarársins 2019.

Í kjölfar undangenginna samningafunda milli OH og "Þingorku ehf." vegna reksturs, fjármögnunar og fyrirkomulags aðila í tengslum við rekstur raforkuframleiðslu í orkustöð OH á Húsavík, liggja fyrir nokkuð skýrar línur í átt að samkomulagi milli áðurnefndra aðila. Óskað er umboðs til þess að ganga frá drögum að samkomulagi við "Þingorku ehf." á þeim grunni sem kynntur er fyrir stjórn Orkuveitu Húsavíkur ohf.
Sé það ákvörðun stjórnar OH að vinna skuli áfram að verkefninu m.v. fyrirliggjandi forsendur er óskað eftir framlengingu yfirlýsingar um einkaviðræður við Þingorku yfir þann tíma sem gengið verður frá lausum endum varðandi málið.

Gjaldskrá OH fyrir árið 2020 - Umræða um breytingar sem gerðar hafa verið á áður samþykktri gjaldskrá OH fyrir árið 2020 og bókuð afstaða stjórnar á þeim breytingum.