Samkeppnislýsing vegna orkustöðvar OH

Lokið er fyrsta hluta verkefnis sem snýr að því að endurvekja rekstur raforkuframleiðslu í orkustöð OH að Hrísmóum. Samkeppnislýsing vegna verkefnisins var send út í byrjun mars og nú hafa 10 áhugasamir aðilar skilað inn tillögum sínum um rekstrarfyrirkomulag til samræmis við þær fjórar leiðir sem fyrirskrifaðar eru í samkeppnislýsingu.
Framkvæmdastjóri fer yfir og kynnir fyrir stjórn OH.

Dómnefnd hefur metið innsendar tillögur áhugasamra aðila í tengslum við samkeppnislýsingu orkustöðvar OH að Hrísmóum 1.
Lagður er til grundvallar rökstuðningur fyrir því að valdar tillögur verði skoðaðar betur og lagt er til að hafnar verði nánari viðræður við þá aðila.

1. Óskað er afstöðu stjórnar OH til þeirrar leiðar sem horfa skal til varðandi áframhald verkefnisins (leið 1-4 skv. samkeppnislýsingu).
2. Óskað er afstöðu stjórnar OH til niðurstöðu dómnefndar varðandi valdar tillögur, byggt á því hvaða leið verður valin í lið 1 (leið 3 eða 4 skv samkeppnislýsingu).
3. Óskað er umboðs framkvæmdastjóra til þess að hefja viðræður við valda aðila, byggt á niðurstöðu stjórnar OH við val á leiðum í liðum 1 og 2.

Haldnir hafa verið fundir með þeim þremur aðilum sem valdir hafa verið til áframhaldandi viðræðna í tengslum við rekstur orkustöðvar OH að Hrísmóum 1.
Fyrir stjórn Orkuveitu Húsavíkur ohf., eru lagðir fram áherslupunktar eftir þá fundi og farið yfir það hver stefnan verður í áframhaldandi vinnu í tengslum við verkefnið.

Framkvæmdastjóri fer yfir stöðu verkefnisins ásamt nálgun þeirra aðila sem valdir hafa verið til áframhaldandi viðræðna í tengslum við rekstur orkustöðvar OH að Hrísmóum.
Mat valnefndar liggur fyrir til ákvörðunar stjórnar OH um framhald verkefnisins.

Framkvæmdastjóri skýrir stöðu mála varðandi samkeppnislýsingu í tengslum við raforkuframleiðslu í orkustöð að Hrísmóum 1.

Framkvæmdastjóri skýrir stjórn OH frá stöðu mála varðandi samningaviðræður um rekstur orkuvers að Hrísmóum 1 með nýtingu afgangsvarma til raforkuframleiðslu.

Staða samningaviðræðna í tengslum við raforkuframleiðslu í orkustöð félagsins að Hrísmóum 1 á Húsavík.

Framvkæmdastjóri skýrir stöðu málsins og möguleg næstu skref í verkefninu.

Tveir samningafundir eru að baki milli OH og Þingorku þar sem rædd hefur verið möguleg aðkoma félaganna að raforkframleiðslu með lágvarma í orkustöð OH á Húsavík. Þriðji samningafundur á milli aðila er áætlaður föstudaginn 21. febrúar. Framkvæmdastjóri fer yfir stöðu verkefnisins og þá nálgun sem kynnt hefur verið.

Í kjölfar undangenginna samningafunda milli OH og "Þingorku ehf." vegna reksturs, fjármögnunar og fyrirkomulags aðila í tengslum við rekstur raforkuframleiðslu í orkustöð OH á Húsavík, liggja fyrir nokkuð skýrar línur í átt að samkomulagi milli áðurnefndra aðila. Óskað er umboðs til þess að ganga frá drögum að samkomulagi við "Þingorku ehf." á þeim grunni sem kynntur er fyrir stjórn Orkuveitu Húsavíkur ohf.
Sé það ákvörðun stjórnar OH að vinna skuli áfram að verkefninu m.v. fyrirliggjandi forsendur er óskað eftir framlengingu yfirlýsingar um einkaviðræður við Þingorku yfir þann tíma sem gengið verður frá lausum endum varðandi málið.

Framkvæmdastjóri fer yfir stöðu mála er varða fyrirhugaða raforkuframleiðslu í orkustöð OH á Húsavík.

Bergur Elías Ágústsson kallar eftir upplýsingum um eftirfarandi í tengslum við verkefni sem snýr að raforkuframleiðslu með lágvarma í orkustöð OH á Húsavík.

- Óskað er eftir því að samningsdrög við væntanlega framkvæmdaraðila verði lögð fram til kynningar og er þá vísað til fyrri samþykktar stjórnar.

- Óskað er eftir því að lagt verið fram kostnaðaryfirlit yfir þann kostnað sem til hefur fallið við verkefnið, lögfræðikostnað sem og annan kostnað sem til hefur fallið vegna verkefnisins.

Framkvæmdastjóri kynnir umbeðin gögn og fer yfir stöðu verkefnisins.

Framkvæmdastjóri fer yfir stöðu verkefnis er snýr að fullnýtingu þeirrar orku sem berst orkustöð félagsins að Hrísmóum 1 á Húsavík.

Fundir fulltrúa Orkuveitu Húsavíkur ohf. og þeirra aðila er skipa hóp Þingorku voru haldnir dagana 7. og 9. apríl sl. Rétt um ár var þá frá því aðilar ræddu síðast saman í tengslum við mögulega aðkomu Þingorku að rekstri einingar til raforkuframleiðslu í orkustöð OH að Hrísmóum á Húsavík og samningagerð vegna þess.
Framkvæmdastjóri fer yfir stöðu verkefnisins og það sem fram fór á fundum aðila í byrjun apríl sl.

Framkvæmdastjóri fer yfir þá stöðu sem uppi er í tengslum við viðræður við Þingorku varðandi orkunýtingu til raforkuframleiðslu í orkustöð OH á Húsavík.