Orkuveita Húsavíkur ohf

Meirihluti stjórnar samþykkir fyrirliggjandi fjárhagsáætlun fyrir árið 2025.

Undirritaður samþykkir ekki fjárhagsáætlun Orkuveitu Húsavíkur fyrir árið 2025. Í fjárhagsáætlun er gert ráð fyrir að gjaldskrá fyrir kalt vatn og fráveitu fylgi hækkun fasteignagjalda í Norðurþingi og hækki þar með um 7,6% á árinu 2025. Slík hækkun er að mati undirritaðs of há, sérstaklega í ljósi mjög sterkrar stöðu Orkuveitu Húsavíkur.
Valdimar Halldórsson

Í ljósi sterkrar stöðu Orkuveitu Húsavíkur hefur stjórn ákveðið að stilla gjaldskráhækkun í hóf miðað við þróun vísitölu. Meirihluti stjórnar samþykkir að hækka gjaldskrá um 5%.

Undirritaður er andsnúinn 5,0% hækkun á gjaldskrá á heitu vatni og telur að eðlilegra hefði verið að miða við 2,5% hækkun sem er í samræmi við kjarasamningsviðmiðun á hækkun á gjaldskrám ríkisins þegar aðilar vinnumarkaðarins undirrituðu kjarasamninga fyrr á árinu.
Valdimar Halldórsson

Miðað við forsendur fjárhagsáætlunar þá er gert ráð fyrir lækkun á afkomu Orkuveitu Húsavíkur um 11% á árinu 2025. Það er því ljóst að hófleg hækkun sem lögð er til hækkunar gjaldskrár að þessu sinni, er lægri en forsendur vísitöluhækkunar á því tímabili sem er til viðmiðunar gjaldskrárhækkanir hafa einnig verið það síðustu ár.
Gjaldskrár Orkuveitu Húsavíkur eru með þeim lægstu á norður- og austurlandi miðað við opinberan samanburð og hefur raunlækkun verið síðustu ár. Því ber að fagna.
Sigurgeir Höskuldsson og Eysteinn Heiðar Kristjánsson.

Stjórn Orkuveitu Húsavíkur ohf. samþykkir hagstæðasta tilboð í skotbómulyftara fyrir verkstæði Orkuveitunnar.