Skipulags- og byggingarnefnd Norðurþings

Óskað er eftir að skilgreindur verði byggingarreitur norðan við húsnæði Hvalasafnsins að Hafnarstétt 1. Skipulags- og byggingarnefnd samþykkir að skilgreindur verði í deiliskipulagstillögu byggingarreitur fyrir viðbyggingu við Hvalasafnið til samræmis við hugmyndir sem fram koma í erindi. Nefndin telur þó ekki rétt að byggingarreitur gangi nær gangstétt í Naustagili en 4 m.

Kynnt var svar Mannvirkjastofnunar vegna fyrirspurnar um stiga og brú um Hafnarstétt 11. Skipulags- og byggingarnefnd felur skipulagsráðgjafa að skilgreina byggingarrétt til norðurs úr Hvalasafni til samræmis við afgreiðslu liðar 1. Um er að ræða breytingu frá tillögu nefndarinnar frá 1. mars s.l. Nefndin leggur til við bæjarstjórn að tillaga að deiliskipulagi með ofangreindum breytingum verði kynnt til samræmis við ákvæði skipulagslaga.

Óskað er umsagnar Norðurþings um hvort og á hvaða forsendum lagning jarðstrengs meðfram virkjanavegi milli Þeistareykja og Húsavíkur væri háð mati á á umhverfisáhrifum að teknu tilliti til 3. viðauka laga um mat á umhverfisáhrifum nr. 106/2000. Skipulags- og byggingarnefnd telur rafstreng í vegkanti ekki líklegan til að hafa veruleg umhverfisáhrif og að framkvæmdin skuli ekki háð mati á umhverfisáhrifum.

Óskað er eftir stöðuleyfi fyrir gistiskála austan bílskúrs við Skúlagarð. Skálinn stendur nú við norðurenda Skúlagarðs. Skipulags- og byggingarnefnd leggur til við bæjarstjórn að fallist verði á stöðuleyfi fyrir húsinu á nýjum stað til 31. mars 2013, enda standi það ekki nær öðrum mannvirkjum en 8 m.

Óskað er eftir leyfi til að einangra húsið að utan með 50 mm frauðplasteinangrun og klæða múrklæðningu. Skipulags- og byggingarfulltrúi svaraði erindi 22. mars s.l.