Skipulags- og framkvæmdaráð
Dagskrá
1.Fjárhagsáætlun hafnasjóðs 2020.
Málsnúmer 201909117Vakta málsnúmer
Lagt fram til kynningar.
2.Breyting á aðalskipulagi vegna fiskeldis á Röndinni
Málsnúmer 201909029Vakta málsnúmer
Frumtillaga að aðalskipulagsbreytingu vegna fyrirhugaðs fiskeldis á Röndinni, Kópaskeri, var kynnt í Öxi á Kópaskeri 25. september s.l. Í kjölfar fundarins hefur nú verið útbúin tillaga að breytingu aðalskipulagsins. Skipulagsbreytingin felst í grófum dráttum í því að athafnasvæði A3 er breytt í iðnaðarsvæði I1. Skipulags- og byggingarfulltrúi kynnti tillögu skipulagsráðgjafa að aðalskipulagsbreytingu.
Skipulags- og framkvæmdarráð leggur til við sveitarstjórn að tillaga að breytingu aðalskipulags verði kynnt skv. ákvæðum skipulagslaga.
3.Samkomulag um fyrirkomulag skipulagsvinnu á Röndinni á Kópaskeri
Málsnúmer 201811029Vakta málsnúmer
Frumtillaga að deiliskipulagi vegna fyrirhugaðs fiskeldis á Röndinni, Kópaskeri, var kynnt í Öxi á Kópaskeri 25. september s.l. Í kjölfar fundarins hefur nú verið útbúin tillaga að deiliskipulaginu. Skipulagstillagan er sett fram á einum uppdrætti (A1, mkv. 1:1000) auk greinargerðar. Greinargerð skipulagstillögunnar innifelur einnig umhverfisskýrslu. Skipulagstillagan gerir ráð fyrir einni lóð (34.375 m²) undir fiskeldi á skipulagreitnum. Á lóðinni er gert ráð fyrir fjórum byggingarreitum fyrir fiskeldisker, byggingarreitur fyrir þjónustuhús auk þess sem afmarkaðir eru byggingarreitir fyrir fóðursíló og seyrutanka.
Skipulags- og framkvæmdaráð leggur til við sveitarstjórn að tillaga að deiliskipulagi verði kynnt skv. ákvæðum skipulagslaga, samhliða breytingu aðalskipulags sama svæðis.
4.Fjárhagsáætlun skipulags- og byggingarmála 2020
Málsnúmer 201909127Vakta málsnúmer
Skipulags- og byggingarfulltrúi kynnti tillögu sína að fjárhagsáætlun skipulags- og byggingarmála fyrir árið 2020. Tillagan er til samræmis við framlagðan fjárhagsramma.
Skipulags- og framkvæmdaráð samþykkir framlagða tillögu og vísar henni til byggðaráðs.
5.Rekstraráætlun 2020 - 11 Umhverfismál
Málsnúmer 201909125Vakta málsnúmer
Til yfirferðar og umfjöllunar í skipulags- og framkvæmdaráði liggja fyrir útgönguspár fyrir rekstrarárið 2019 vegna reksturs málaflokka 08-Hreinlætismál og 11-Umhverfismál. Einnig liggja fyrir áætlanir vegna reksturs sömu málaflokka fyrir rekstrarárið 2020.
Lagt fram til kynningar.
6.Gjaldskrá sorphirðu 2020
Málsnúmer 201910030Vakta málsnúmer
Fyrir skipulags- og framkvæmdaráði liggja drög að gjaldskrá vegna sorphirðu fyrir árið 2020.
Skipulags- og framkvæmdaráð samþykkir fyrirliggjandi gjaldskrá sem felur í sér almenna hækkun á sorphirðugjaldi og gjaldi fyrir urðun á urðunarstöðum um 2,5%. Ráðið vísar gjaldskránni til samþykktar í sveitarstjórn.
7.Umræður um fjárhagsáætlun 2020
Málsnúmer 201910049Vakta málsnúmer
Lagt fram til kynningar.
8.Fyrirspurn vegna skipulagsbreytinga á framkvæmdasviði
Málsnúmer 201910040Vakta málsnúmer
Fyrirspurn frá Hjálmari Boga Hafliðasyni vegna skipulagsbreytinga á framkvæmdasviði.
Undirritaður óskar eftir skriflegu svari vegna auglýsingar á nýju starfi sem varð til við sameiningu bæjarverkstjóra á Húsavík og umhverfisstjóra Norðurþings. Á fundi skipulags- og framkvæmdaráðs þann 11. júní síðastliðinn var samþykkt að auglýsa starfið laust til umsóknar.
a)
Hvar er vinna við auglýsingarferlið?
b)
Hvaða áherslur liggja til grundvallar auglýsingunni?
c)
Liggur fyrir erindisbréf vegna þessa nýja starfs?
Óskað er eftir svari fyrir næsta fund ráðsins.
Hjálmar Bogi Hafliðason.
Skipulags- og framkvæmdaráð felur sveitarstjóra að svara erindinu og leggja fyrir ráðið að viku liðinni.
a)
Hvar er vinna við auglýsingarferlið?
b)
Hvaða áherslur liggja til grundvallar auglýsingunni?
c)
Liggur fyrir erindisbréf vegna þessa nýja starfs?
Óskað er eftir svari fyrir næsta fund ráðsins.
Hjálmar Bogi Hafliðason.
Skipulags- og framkvæmdaráð felur sveitarstjóra að svara erindinu og leggja fyrir ráðið að viku liðinni.
Fundi slitið - kl. 16:20.
Þórir Örn Gunnarsson hafnastjóri sat fundinn undir lið 1.
Gaukur Hjartarson skipulags- og byggingarfulltrúi sat fundinn undir liðum 2-4.
Smári Jónas Lúðvíksson umhverfisstjóri sat fundinn undir liðum 5-6.
Kristjan Þór Magnusson sveitarstjóri sat fundinn undir lið 8.
Sesselja Árnadóttir hjá KPMG sat fundinn undir lið 8, í síma.