Skipulags- og framkvæmdaráð

Verkefnastjóri á framkvæmdasviði og umsjónarmaður fasteigna Norðurþings óskar eftir söluheimild vegna fyrirhugaðrar sölu á félagslegri íbúð.

Á fundi fjölskylduráðs 23.11.2020 var eftirfarandi bókað: Fjölskylduráð samþykkir að viðkomandi íbúð fari í söluferli.

Fyrir skipulags- og framkvæmdaráði liggur fundargerð stýrihóps v. uppbyggingar og framtíðarnotkunar Kvíabekks og kostnaðaráætlun í uppgerð á þaki framhússins. Taka þarf ákvörðun hvort sækja eigi um styrk fyrir framkvæmdinni úr húsafriðunarsjóði Minjastofnunar.

Innan skamms mun fasteignin Víðilundur í Öxarfirði verða auglýst til sölu. Eignarhlutur Norðurþings í umræddri fasteign er 25% á móti 75% sem er í eigu Ríkisins.
Til kynningar fyrir skipulags- og framkvæmdaráð liggja gögn er varða stöðu eignarinnar, en söluheimild liggur þegar fyrir m.v. fyrri bókanir í tengslum við málið.

Á 83. fundi skipulags- og framkvæmdaráðs lá fyrir tillaga frá formanni ráðsins varðandi framkvæmdaáætlun framkvæmdasviðs Norðurþings og þær framkvæmdir sem mögulega væri skynsamlegt að ráðast í á árinu 2021. Ekki fékkst niðurstaða varðandi málið á þeim fundi og er það því tekið upp að nýju. Kallað er eftir afstöðu fulltrúa ráðsins til málsins.

Fjármálastjóri og sveitarstjóri mæta á fund ráðsins og fara yfir rekstur og gjaldfært viðhald Eignasjóðs og það svigrúm sem verður í fjárhagsáætlun 2021 til eignfærðra framkvæmda og fjárfestinga.

Fyrir liggur erindi frá framkvæmdastjóra verktakasviðs Íslenska Gámfélagsins þar sem kallað er eftir aðgerðum Norðurþings varðandi uppsetningu girðingar umhverfis lóð sorpmóttöku ÍG að Víðimóum 3 eins og gert er ráð fyrir í starfsleyfi.
Kallað er eftir afstöðu ráðsins til erindisins og þeirrar afmörkunar lóðar að Víðimóum 3 sem óskað er eftir til samræmis við útgefið starfsleyfi.

Dreifingu gors á Ærvíkurhöfða þetta haustið lauk 30.október s.l. Náttúrustofa Norðausturlands hefur skilað af sér minnisblaði um ásókn fugla í gorinn skv. þeirra athugunum nú í haust. Náttúrustofan framkvæmdi 28 heildartalningar á fuglum á losunarsvæðinu á tímabilinu frá 8. september til 5. október s.l. og komu einnig upp myndavélum til tímabundins eftirlits. Niðurstaða athugana er sú að fuglar, einkum stórir máfar, sóttu nokkuð í úrganginn. Viðvera máfanna á losunarstað var þó óregluleg og oft leið langur tími án þess að nokkur máfur sæist. Benti viðvera þeirra til þess að gorinn innihaldi ekki eftirsóknarverða fæðu heldur hafi máfar einkum sótt í gorlosunarsvæðið þegar lítið var að hafa annarsstaðar. Einnig sáust hrafnar í litlum mæli sækja í gorlosunarsvæðið.

Jón Helgi Björnsson á Laxamýri lýsir yfir andstöðu sinni við áframhaldandi losun gors á Ærvíkurhöfða í tölvupósti frá 23. nóvember. Í því samhengi nefnir hann nálægð við tún bújarðarinnar Laxamýrar og mögulega smithættu en jafnframt að gorinn laði "vargfugla" að svæðinu sem sé óheppilegt í ljósi lífríkis við Laxá.

Nú er lokið kynningu á drögum að aðalskipulagsbreytingu í Auðbrekku til samræmis við bókun ráðsins 10. nóvember s.l. Engar athugasemdir eða ábendingar bárust vegna skipulagsbreytingarinnar. Skipulags- og byggingarfulltrúi kynnti uppfærða tillögu skipulagsbreytingarinnar.

Nú er lokið kynningu skv. 3. mgr. 40. gr. skipulagslaga á drögum að deiliskipulagi svæðis fyrir heilbrigðisstofnanir á Húsavík til samræmis við bókun ráðsins 10. nóvember s.l. Athugasemd barst frá nágrönnum að Auðbrekku 6, en þau velta fyrir sér deilihönnun bílastæða og aðkomu við Auðbrekku og hvenær hún verður tilbúin. Skipulags- og byggingarfulltrúi kynnti lítillega uppfærða tillögu deiliskipulagsins.

Nú er lokið kynningu á drögum að breytingu deiliskipulags íbúðarsvæðis í Auðbrekku til samræmis við bókun ráðsins 10. nóvember s.l. Engar athugasemdir eða ábendingar bárust vegna skipulagsbreytingarinnar. Breytingartillagan felur í sér lítilsháttar breytingu á deiliskipulagsmörkum í ljósi tillögu að nýju deiliskipulagi fyrir heilbrigðisstofnanir.

Umhverfis- og samgöngunefnd kynnir nú frumvarp til laga um breytingu á skipulagslögum nr. 123/2010 (275. mál, þingskjal 307). Óskað er umsagna fyrir 2. desember n.k.

Nú er lokið kynningu breytingar deiliskipulags fyrir fiskeldi Rifóss við Lón í Kelduhverfi. Minjastofnun og Vegagerðin skiluðu umsögnum um skipulagsbreytinguna en hvorug stofnananna gerir athugasemd við hana. Skipulagsstofnun minnir á að það sé ekki lögbundið hlutverk stofnunarinnar að yfirfara deiliskipulagstillögur áður en þær eru afgreiddar endanlega heima í héraði.

Samherji fiskeldi ehf óskar umfjöllunar um hugmyndir að deiliskipulagi fyrir fiskeldi í Núpsmýri. Skipulagslýsing var kynnt vorið 2018 og bárust allmargar umsagnir eins og nánar er bókað í fundargerð ráðsins 26. júní 2018. Rekstraraðili stefnir að áframhaldandi uppbyggingu landeldis í Öxarfirði, en bæði starfsleyfi frá 1. febrúar 2019 og rekstrarleyfi frá 25. júní 2020 miða við hámarkslífmassa upp á 3.000 tonna framleiðslu af laxi og/eða bleikju. Fyrir liggja drög að deiliskipulagi sem samanstendur af greinargerð og uppdrætti. Deiliskipulagið nær til lóðar um fiskeldið en flatarmál hennar er 8,39 ha. Fiskeldinu er ætlað að rúmast innan þess 5,6 ha svæðis innan lóðarinnar sem skilgreint er sem iðnaðarsvæði i3 skv. aðalskipulagi Norðurþings 2010-2030.

428. fundargerð Hafnasambands Íslands lögð fram.

Fyrir ráðið liggur tillaga að framkvæmdaáætlun hafnasjóðs 2020-2026