Tómstunda- og æskulýðsnefnd Norðurþings

Sex ungmenni ásamt leiðtogum fóru til St. Pétursborgar á ráðstefnu á vegum Nordic Youth Meeting, samtaka er stuðla að samskiptum ungmenna milli landa. Ungmennin komu og kynntu hvað var gert á ráðstefnunni. Í kynningu þeirra kom fram mikil ánægja með ferðina og þau tengsl sem þar mynduðst. Þau hvetja til áframhaldandi þátttöku í ungmennasamskiptum milli landa. Einnig kom fram að þau hvetja til þess að haldin verði sambærileg ráðstefna á Húsavík.

Tómstunda- og æskulýðsnefnd leggur til við bæjarstjórn að Ungmennaráð verði endurvakið og vistað undir málaflokki 06. Nefndin leggur til að Ungmennaráð fái allt að eina milljón til ráðstöfunar í málaflokknum.Tómstunda- og æskulýðsnefnd leggur til að erindisbréf Ungmennaráðs verði tekið upp og samþykkt af Tómstunda- og æskulýðsnefnd.

Óli Halldórsson sendir inn erindi er varðar opnunartíma Sundlaugarinnar á Húsavík. Bréfritari lýsir yfir óánægju sinni með opnunartíma sundlaugarinnar. Bréfritari vill breyta opnunartíma í lauginni.Tómstunda- og æskulýðsnefnd þakkar bréfritara fyrir erindið og felur tómstunda- og æskulýðsfulltrúa að svara bréfritara til samræmis við afgreiðslu nefndarinnar á lið fjögur í fundargerðinni.

Tómstunda- og æskulýðsnefnd ákveður eftirfarandi: Sundlaug Húsavíkur virkir dagar 6:45-9:30 og 16:00-21:00. Helgaropnun frá 10:00-18:00. Sundlaugin á Raufarhöfn með tveggja tíma opnun fjóra daga vikunnar í samráði við tómstunda- og æskulýðsfulltrúa.

Tómstunda- og æskulýðsnefnd fagnar ákvörðun Framkvæmda- og hafnarnefndar Norðurþings frá 10.07 2013 er varðar endurnýjun á leikvöllum í Norðurþingi.Jafnframt ákveður nefndin að merkja, kortleggja og auglýsa alla leikvelli á vegum sveitarfélagsins.

Nefndin fór yfir málefni málaflokksins.Nefndin ákveður að styrkja nemendafélag Framhaldsskóla Húsavíkur með fríum aðgangi að sundlauginni á Húsavík gegn framvísun nemendaskírteina.

Tómstunda- og æskulýðsfulltrúi fór yfir starfsemi málaflokksins.