Byggðarráð Norðurþings

Fyrir byggðarráði liggur erindi um hluthafafund í Fjárfestingarfélagi Norðurþings hf.

Fyrir byggðarráði liggur fundargerð 2. fundar skipulags- og framkvæmdaráðs frá 3. júlí s.l.

Fyrir byggðarráði liggur fundargerð 2. fundar fjölskylduráðs frá 2. júlí s.l.

Fyrir byggðarráði liggur fundargerð 179. fundar stjórnar Orkuveitu Húsavíkur ohf. frá 28. júní s.l.

Fyrir byggðarráði liggur fundargerð hluthafafundar Orkuveitu Húsavíkur ohf. frá 28. júní s.l.

Fyrir byggðarráði liggur fundargerð 861. fundar stjórnar Sambands íslenskra sveitarfélaga.

Fyrir byggðarráði liggur fundargerð 306. fundar stjórnar Eyþings frá 27. júní 2018.

Fyrir byggðarráð liggur fundarboð á Aðalfund Leigufélags Hvamms ehf 2018. Fundurinn verður haldinn fimmtudaginn 12. júlí 2018 í fundarsal á fyrstu hæð í húsnæði HSN, við Auðbrekku, Húsavík. Fundurinn verður haldinn að loknum fyrsta fundi nýrrar stjórnar Dvalarheimilisins aldraðra sf., og má því áætla að Aðalfundurinn hefjist kl. 16.00.

Eftirfarandi var bókað á 2. fundi skipulags- og framkvæmdaráðs:

Skipulags- og framkvæmdaráð leggur til við byggðaráð, í sumarleyfisumboði sveitarstjórnar, að afmörkun lóðarinnar verði samþykkt.

Eftirfarandi var bókað á 2. fundi skipulags- og framkvæmdaráðs:

Skipulags- og framkvæmdaráð leggur til við byggðaráð, í sumarleyfisumboði sveitarstjórnar, að afmörkun lóðarinnar verði samþykkt. Ennfremur leggur ráðið til að lóðin verði skráð sem íbúðarhúsalóð og fái heitið Höfði 2.

Eftirfarandi var bókað á 2. fundi skiplags- og framkvæmdaráðs;

Skipulags- og framkvæmdaráð leggur til við byggðarráð að eftirfarandi malbikunarframkvæmdir verði teknar inná framkvæmdaáætlun: Plan við Borgarhólsskóla Húsavík, Garðarsbraut Húsavík, sleppistæði við Auðbrekku á Húsavík, gangstétt við Ásgötu á Raufarhöfn, Hnitbjörg á Raufarhöfn, Stjórnsýsluhús á Raufarhöfn og íþróttahús á Raufarhöfn.

Alþingi samþykkti þann 12. júní sl. ný persónuverndarlög sem taka gildi 15. júlí n.k. Nokkurrar óvissu og óánægju hefur gætt meðal sveitarfélaga varðandi hvernig staðið hefur verið að löggjöfinni og að lítið hefur verið hlustað á sjónarmið um kostnað sveitarfélaganna við hina nýju löggjöf. Nú eru aðeins nokkrir dagar til stefnu hvað undirbúning varðar fyrir löggjöfina og því er mikilvægt að byggðarráð sé upplýst um stöðu mála er snýr að vinnu sveitarfélagsins í þeim efnum. Berglind Jóna Þorláksdóttir, skrifstofustjóri og Jón Höskuldsson fræðslufulltrúi koma til fundarins og upplýsa fundarmenn um þær breytingar í lagaumhverfinu sem hafa áhrif á rekstur og starfsemi sveitarfélagsins til framtíðar litið. Jafnframt verður farið yfir stöðuna á þeirri vinnu sem unnin hefur verið til undirbúnings þessum breytingum.

Fyrir byggðarráði liggur beiðni frá sýslumanninum á Norðurlandi eystra um umsögn vegna tímabundins áfengisleyfis fyrir Donda ehf. frá kl. 14:00 þann 27. júlí til kl. 01:00 þann 29. júlí.

Fyrir byggðarráði liggur boð á aðalfund Rifóss hf. þann 11. júlí n.k. í Skúlagarði.

Fyrir liggur að þingeysk sveitarfélög eiga óhjákvæmilega í samstarfi af ýmsum toga vegna nábýlis. Samstarfsmöguleikar geta verið fleiri en nú eru þegar.

Áfangastaðaáætlun Norðurlands DMP hefur verið birt á vef Markaðsstofu Norðurlands (MN). Áfangastaðaáætlun er sameiginleg viljayfirlýsing um hvernig stýra skuli áfangastað yfir ákveðið tímabil. Hlutverk mismunandi hagaðila
eru skilgreind, aðgerðaáætlun sett fram og farið yfir hvernig auðlindum skuli ráðstafað. Áfangastaðaáætlun er besta tækifærið fyrir íbúa og hagaðila áfangastaðar til að gera framtíðaráætlun svo að laða megi þá ferðaþjónustu sem þeir vilja inn á svæðið, og til að draga úr mögulegum neikvæðum áhrifum.

Í áætlanagerðinni er horft á ferðaþjónustu út frá víðu sjónarhorni og tillit tekið til margra ólíkra hagaðila við þróun áfangastaðarins. Áætlanagerðin tekur tillit til gesta, íbúa, fyrirtækja og umhverfisins og reynir að skapa jafnvægi þar á milli, og fullnægja þörfum þessara fjögurra þátta. Áfangastaðaáætlanir gera íbúum kleift að ákveða hvernig áhrif þeir vilja að ferðaþjónusta hafi á nánasta umhverfi, efnahag og samfélag og hvaða skref skuli taka að því marki.

Í þessari vinnu kemur fram mikilvæg stöðugreining á Norðurlandi varðandi ferðaþjónustuna auk þess sem búið er með samstarfi sveitarfélaga, fyrirtækja og íbúa að forgangsraða verkefnum fyrir svæðið. Mikilvæg grunnvinna á Norðurlandi á vegum ferðaþjónustunnar í samstarfi við MN síðastliðin ár gerði það að verkum að á stuttum tíma er búið að vinna mikilvægt plagg sem nýta verður til uppbyggingar greinarinnar á svæðinu. Þannig að svo megi verða má vænta mikilla samskipta m.a. Markaðsstofu Norðurlands við sveitarfélögin, ferðaþjónustuna og hagsmunaaðila til að tryggja að verkefnið komi að gagni og verði ferðaþjónustunni til framþróunar á öllum svæðum.

Fyrir byggðarráði liggja drög að verksamningi við Trésmiðjuna Rein ehf. til uppbyggingar slökkvistöðvar við Norðurgarð 5 á Húsavík.

Verktakinn tekur að sér að reisa slökkvistöð og aðstöðu fyrir hafnir Norðurþings við Norðurgarð á Húsavík, eins og lýst er í útboðsgögnum „Slökkvistöð og hafnir - Norðurgarður 5“, útboðsnúmer 177003. Engin tilboð bárust í verkið áður en frestur til innsendingar rann út og því hefur Norðurþing ákveðið að semja sérstaklega um verkið í ljósi brýnnar þarfar sveitarfélagsins að koma upp umræddri aðstöðu.

Innifalið í samningsverðinu er allur efniskostnaður, kostnaður við vinnu, vélar, áhöld, vinnuaðstöðu, tryggingar, flutninga, o.s.frv. svo og öll þau lög- og samningsbundnu gjöld sem leiða af því að hafa menn og tæki í vinnu og selja efni og vinnu, þ.m.t. virðisaukaskattur.

Samningsfjárhæð er, samkvæmt tilboði verktaka og með leiðréttingum samkvæmt ákvæðum útboðsgagna kr. 247.223.692,- með virðisaukaskatti. Áætluð verklok eru í ágúst mánuði 2019.

Fyrir byggðarráði liggur staðfesting 19. liðar í fundargerð 1. fundar skipulags- og framkvæmdaráðs frá 26. júní s.l.

Vegagerðin og Slökkvilið Norðurþings hafa undanfarin misseri farið yfir öryggismál í nýjum Húsavíkurhöfðagöngum og drög að viðbragðsáætlun. Aðilar eru sammála um að til þess að ná ásættanlegu öryggi hvað varðar bruna og slys í göngunum þarf að efla þann búnað sem slökkviliðið hefur yfir að ráða. Vegagerðin hefur samþykkt að greiða styrk að upphæð 4 mkr með VSK til kaupa á búnaði sem nýst getur slökkviliðinu ef upp koma þannig aðstæður í göngunum. Styrkurinn er skilyrtur við að fjárhæðin sé notuð til innkaupa á búnaði, en ekki nýttur vegna æfinga eða annars rekstrar liðsins. Slökkviliðið tekur að sér að sjá um göngin hvað þeirra verksvið varðar með fyrirliggjandi búnaði eftir þessa viðbót.

Með samningi þeim sem nú liggur fyrir byggðarráði er greint á um að Slökkvilið Norðurþings skuli annast sjúkraflutninga fyrir Heilbrigðisstofnun Norðurlands á Húsavík eins og nánar er lýst, á þjónustusvæði HSN-Húsavík. Slökkvilið Norðurþings munu annast framkvæmd samningsins en áætlaður heildarfjöldi sjúkraflutninga á starfssvæðinu er áætlaður um 400 á ársgrundvelli. Meginverkefni þessa samnings snýr að mönnun slökkviliðs Norðurþings á sjúkrabíl 2 hjá HSN-Húsavík (2. viðbragð), og leggur slökkviliðið til þess mannskap. Jafnframt verða slökkviliðs- og sjúkraflutningamenn á vegum Norðurþings tiltækir til afleysinga á bíl 1 eins og verið hefur auk þess sem sjúkraflutningamenn á vegum HSN munu styrkja slökkviliðið með því að ganga í gegnum grunnmenntun í brunavörnum. Samstarfssamningnum er ætlað að verða ánægjulegt og öflugt skref í átt að enn tryggari sjúkraflutningaþjónustu og eldvörnum á svæðinu.

Fyrir byggðarráði liggja drög að samningi við PACTA Lögmenn um verkefnastjórnun, ráðgjöf og lögfræðiþjónstu við innleiðngu nauðsynlegra breytinga á vinnslu, skráningu, meðhöndlun og vistun persónuupplýsinga til samræmis við reglugerð ESB 2016/679 og lög um persónuvernd og vinnslu persónuupplýsinga staðfest á Alþingi í júní s.l. Með samningnum skuldbinda PACTA Lögmenn sig til þess að sinna störfum fyrir sveitarfélagið með þeim hætti að við framkvæmdina koma þeir fram í nafni og umboði Norðurþings.