Byggðarráð Norðurþings

Guðbjartur Ellert Jónsson óskar eftir, fyrir næsta fund byggðarráðs, að farið verði yfir samninga um sölu eigna sem þegar hafa verið gerðir og uppgjör þeirra. Jafnframt er óskað eftir upplýsingum um hvaða eignir eigi að selja samkvæmt tillögum í fjárhagsáætlun fyrir árið 2019.

Fyrirspurn um ráðningarsamning frá Guðbjarti Ellerti Jónssyni.

Norðurþingi barst bréf frá atvinnu- og nýsköpunarráðuneytinu þess efnis að mistök urðu við útreikning á byggðakvóta þetta haustið þar sem rangar tölur bárust frá Fiskistofu um landaðan afla á ákveðnum höfnum. Leiðrétt skipting á alemnnum byggðakvóta vegna fiskveiðiársins 2018/2019 er sú að Kópasker fær 15 tonn í stað 19, en Raufarhöfn fær úthlutað óbreyttu magni, þ.e. 134 tonnum.

Á 17. fundi fjölskylduráðs Norðurþings var bókað:
Niðurstaða útgönguspár fjárhagsáætlunar fræðslusviðs 2018 bendir til þess að svigrúm sé innan rekstursins til þess að mæta kostnaði við innleiðingu morgunverðar og ávaxtastundar í Borgarhólsskóla. Fjölskylduráð samþykkir að draga ósk sína um aukafjárveitingu vegna málsins til baka. Ákvörðuninni er vísað til byggðaráðs.

Sveitarstjóri gerir grein fyrir framvindu mála er varðar framtíðarrekstur gisti- og veitingaþjónustu í Skúlagarði.

Til kynningar fyrir byggðarráði er framlögð stefna byggingafélagsins Sandfells ehf. á hendur Norðurþingi til heimtu skaðabóta fyrir ólögmæta synjun stöðuleyfis.

Leigusamningur um afnot Heiðarbæjar veitinga sf. af fasteigninni í Heiðarbæ rennur út 31. desember 2018. Samningurinn og framhald atvinnustarfseminnar í Heiðarbæjar er lagt til umræðu í byggðarráði.

Fyrir byggðarráði liggur fundargerð 7. fundar hverfisráðs Öxarfjarðar frá 4. desember s.l.

Fyrir byggðarráði liggur fundargerð stjórnar Dvalarheimilis aldraðra á Húsavík frá 18. desember. Þar var til umræðu samningur ríkisins við aðildarsveitarfélög DA um uppbyggingu nýs hjúkrunarheimilis á Húsavík.