Byggðarráð Norðurþings

Á 307. fundi byggðarráðs voru teknar fyrir bótakröfur Örlygs H Hnefils Örlygssonar og Örlygs Hnefils Jónssonar fyrir hönd Gistiheimilis Húsavíkur ehf. og Fasteignafélags Húsavíkur ehf. vegna tjóns sem þeir telja að félög þeirra hafi orðið fyrir vegna mistaka við hönnun og stjórnun gatnaframkvæmda á Höfða sem átti að ljúka 1. júlí 2018 en lauk ekki fyrr en í lok október 2018.
Á fundi ráðsins var bókað;
Fyrir byggðarráði liggur minnisblað lögfræðings sem fært er í trúnaðarmálabók.
Byggðarráð felur sveitarstjóra í samráði við lögfræðing sveitarfélagsins að vinna drög að svari við erindinu og leggja þau fyrir ráðið í næstu viku.

Fyrir byggðarráði liggja nú drög að svarbréfum.

Fyrir byggðarráði liggja drög að skipulagi og fjármögnun byggingar íbúðakjarna fyrir fatlaða sem byggja á samskonar verkefni sem unnið var hjá Hafnarfjarðarbæ. Um er að ræða uppbygging nýs íbúðakjarna fyrir fatlaða, með allt að sex íbúðum auk sameiginlegs rýmis og starfsmannaaðstöðu.

Boðað er til aðalfundar Eyþings föstudaginn 15. og laugardaginn 16. nóvember n.k. Með fundarboðinu barst tillaga stýrihóps um endurskipulagningu landshlutasamtakanna sem fela í sér samruna þeirra og beggja atvinnuþróunarfélaganna á Eyþingssvæðinu, þ.e. Atvinnuþróunarfélags Eyfirðinga og Atvinnuþróunarfélags Þingeyinga.

Fyrir byggðarráði liggja rekstraráætlanir HNÞ bs og MMÞ fyrir árið 2020.

Fyrir byggðarráði liggja drög að nýjum þjónustusamningi milli Orkuveitu Húsavíkur og Norðurþings.

Á 307. fundi byggðarráðs var brunavarnaáætlun Norðurþings 2020-2025 til umfjöllunar;

Á 96. fundi sveitarstjórnar Norðurþings þann 29. október s.l. var lögð fram brunavarnaáætlun fyrir starfssvæði Norðurþing 2020 til 2025 til samþykktar.

Á fundinum var bókað;

Til máls tók Silja Jóhannesdóttir og lagði fram eftirfarandi tillögu;

Þar sem ljóst má vera að fjárfestingum sveitarfélagsins fyrir árið 2020 verður mjög þröngur stakkur sniðinn er lagt til að brunavarnaráætlunin verði uppfærð m.t.t. þess að sveitarfélagið fari ekki í fjárfestingu nýrrar slökkvibifreiðar á árinu 2020 og að uppfærð rekstraráætlun verði sett inn í skjalið til samræmis við fjárhagsáætlun fyrir árið 2020.
Lagt er til að áætluninni verði vísað til byggðarráðs.
Til máls tóku; Óli Halldórsson, Hjálmar Bogi Hafliðason, Bergur Elías Ágústsson.
Samþykkt með öllum atkvæðum nema einu, Bergur Elías situr hjá.


Á 307. fundi byggðarráðs var bókað;
Byggðarráð felur sveitarstjóra að yfirfara brunavarnaáætlun í samráði við slökkviliðsstjóra með það að markmiði að endurskoða m.a. framkvæmdaáætlun og leggja fyrir byggðarráð að nýju.
Bent er á að Héraðsnefnd Þingeyinga bs. er að huga að framtíðarskipan slökkviliðsmála í sýslunni og mikilvægt að áætlunin sé í takti við þá stöðu.

Fyrir byggðarráði liggur nú uppfærð brunavarnaáætlun m.t.t. bókunar byggðarráðs.

Fyrir byggðarráði liggur til kynningar jafnréttisáætlun Norðurþings.
Fjölskylduráð samþykkti jafnréttisáætlun 2019-2022 ásamt framkvæmdaáætlun á fundi sínum þann 11. nóvember s.l. og vísaði henni til samþykktar í sveitarstjórn Norðurþings.

Fyrir byggðarráði liggur samantekt á rekstri Skjálftasetursins árið 2019 ásamt ársskýrslu Skjálftafélagsins.

Fyrir byggðarráði liggur fundargerð 10. fundar hverfisráðs Kelduhverfis frá 30. október s.l.

Fyrir byggðarráði liggur fundargerð hverfisráðs Reykjahverfis frá 28. október s.l.

Áframhald á umræðum um fjárhagsáætlun ársins 2020 og þriggja ára áætlun 2021-2023.

Til fundar við byggðarráð koma gestir frá Arctic Hydro og samstarfsaðilum innan lands sem kynna fyrir ráðinu hugmyndir að uppbyggingu vindmyllugarðs innan marka sveitarfélagsins.