Byggðarráð Norðurþings

Gunnar Gíslason framkvæmdastjóri GPG Seafood ehf. kemur á fund byggðarráðs og ræðir stöðu og framtíðarsýn fyrirtækisins. Sömuleiðis fer sveitarstjóri yfir stöðu ýmissa verkefna sem verið hafa í farvatninu undanfarna mánuði og tengjast atvinnuuppbyggingu í sveitarfélaginu.

Á 348. fundi byggðarráðs var bókað;
Hilmar Gunnlaugsson lögfræðingur sat fundinn undir þessum lið.
Byggðarráð felur sveitarstjóra að senda umsögn til Samkeppniseftirlitsins í samráði við lögfræðing sveitarfélagsins.

Vegna þeirra náttúruhamfara sem áttu sér stað á Seyðisfirði í lok síðasta árs mun Norðurþing styrkja Björgunarsveitina Ísólf og Rauða krossinn í Múlasýslu um 250.000 krónur hvort félag, eða samtals um 500.000 krónur.

Fyrir byggðarráði liggur útkomuspá vegna skatttekna og framlaga Jöfnunarsjóðs fyrir árið 2020. Einnig er lagt fram rekstraryfirlit málaflokka fyrir tímabilið janúar til nóvember 2020.

Fyrir byggðarráði liggur til kynningar niðurstaða úr þjónustukönnun Gallup fyrir árið 2020.

Fyrir byggðarráði liggur tillaga frá stafrænu ráði sveitarfélaga í þremur liðum;

1. Að stofnað verði miðlægt tækniteymi Sambands íslenskra sveitarfélaga (árlegur kostnaður 45 mkr.) sem sinna mun innleiðingu rafrænna lausna, gagnauppbyggingu og tengingu gagna gagnvart öllum sveitarfélögum landsins eins og nánar er útlistað í kynningunni.
2. Að sveitarfélög greiði fjárhæð sem er 200.000 kr. föst fjárhæð og svo m.v. íbúafjölda sem skipti framangreindri fjárhæð 45 mkr á milli sveitarfélaganna.
3. Að formlegt samþykktarferli verði fyrir sveitarfélög á vali á forgangsverkefnum notað einu sinni til tvisvar á ári.

Á 347. fundi byggðarráðs var bókað;
Byggðarráð samþykkir að ráða tímabundið í starf atvinnu- og samfélagsfulltrúa í Öxarfirði til eins árs. Sveitarstjóra er falið að ganga frá starfslýsingu og ráðningarsamningi og kynna fyrir ráðinu í janúar.

Á 85. fundi skipulags- og framkvæmdaráðs var bókað;
Aðgerðir á næsta ári munu nema um tæpar 24 milljónir og svo vinna starfsmanna. Undirrituð telur mikilvægt að halda áfram ferlinu til að stefna verði til sem unnið er eftir. Undirrituð leggur til að Skipulags- og framkvæmdaráð beini drögunum til byggðaráðs til umfjöllunar og til fjölskylduráðs til kynningar. Einnig að ráðið vísi drögunum til hagaðila sem nefndir eru í þeim til umsagnar og að drögin verða tekin aftur fyrir á nýju ári.
Silja Jóhannesdóttir.

Tillagan er samþykkt.

Fyrir byggðarráði liggur bréf frá Samtökum grænkera á Íslandi þar sem fylgt er eftir áskorun sem send var á alla leik- og grunnskóla landsins þar sem skólarnir voru hvattir til að bjóða oftar eða að lágmarki einu sinni í viku upp á grænkerafæði fyrir alla nemendur sína til að minnka kolefnisspor sitt. Í kjölfar áskorunarinnar skora samtökin á sveitarfélög að setja skýr markmið varðandi aukið framboð grænkerafæðis í skólum.

Fyrir byggðarráði liggur ársskýrsla Skjálftasetursins vegna 2019 og 2020.

Fyrir byggðarráði liggur fundargerð stjórnar Dvalarheimilis aldraðra sf. frá 10. desember sl.

Fyrir byggðarráði liggur bréf Velferðarvaktarinnar, dags. 7. desember 2020, sem fjallar um tillögur til stjórnvalda, bæði ríkis og sveitarfélaga, í mótvægisaðgerðum vegna COVID-19 faraldursins.

Grænbók um byggðamál hefur verið lögð fram í samráðsgátt stjórnvalda. Grænbókinni er ætlað að meta stöðu byggðamála og vera grundvöllur fyrir nýja stefnumótun í byggðamálum til fimmtán ára og aðgerðaáætlun til fimm ára.
Frestur til að skila umsögnum og ábendingum rennur út 25. janúar.

Umhverfis- og samgöngunefnd Alþingis óskar eftir umsögn um frumvarp til laga um Hálendisþjóðgarð, 369.mál.
Þess er óskað að undirrituð umsögn berist eigi síðar en 1. febrúar 2021 nk.

Velferðarnefnd Alþingis óskar eftir umsögn um frumvarp til laga um Barna- og fjölskyldustofu, 355.mál.
Þess er óskað að undirrituð umsögn berist eigi síðar en 11. janúar nk

Stjórnskipunar- og eftirlitsnefnd Alþingis óskar eftir umsögn um frumvarp til laga um kosningalög,339. mál.
Þess er óskað að undirrituð umsögn berist eigi síðar en 12. janúar nk.

Efnahags- og viðskiptanefnd Alþingis óskar eftir umsögn um tillögu til þingsályktunar um græna atvinnubyltingu,360. mál.
Þess er óskað að undirrituð umsögn berist eigi síðar en 12. janúar nk.

Samgöngu- og sveitarstjórnarráðuneytið óskar eftir umsögn um drög að frumvarpi um breytingar á ýmsum lögum vegna áhrifa Covid-19 á sveitarfélög. Umsagnarfrestur er til 07.01.2021.