Byggðarráð Norðurþings

Fyrir byggðarráði liggur styrkbeiðni frá Björgunarsveitinni Garðari vegna endurnýjunar á björgunarbát sveitarinnar.

Björgunarbátasjóður Norðurlands sendi Norðurþingi erindi um ósk um stuðning við kaup á nýju björgunarskipi. Heimahöfn þess verður í Fjallabyggð, en starfssvæðið nær frá Skagatá í vestri til Tjörness í austri og það mun því tryggja öryggi og sinna sæfarendum á svæði sveitarfélags ykkar.

Á fundi byggðaráðs 1. september 2022 var sveitarstjóra falið að setja saman vinnuhóp starfsfólks vegna Rammasamnings ríkis og sveitarfélaga um aukið framboð íbúða 2023 - 2032 og sameiginlega sýn og stefnu í húsnæðismálum. Vinnuhópurinn skili stöðumati í október.

Með fundarboði fylgja gögn frá fundi vinnuhópsins með fulltrúum HMS sem sýna stöðu húsnæðisframboðs í Norðurþingi m.v. ágúst 2022. Næstu skref eru að uppfæra húsnæðisáætlun og í framhaldinu er hægt að ganga frá samningi við Ríkið um uppbyggingu áranna 2023-2032.

Fyrir byggðaráði liggur að taka ákvörðun um þátttöku í verkefninu og að taka ákvörðun um hvort starf verkefnisstjóra verði auglýst.

Á 374. fundi byggðarráðs var tekin fyrir skýrsla Húsnæðis- og mannvirkjastofnunnar vegna úttektar á Slökkviliði Norðurþings 2021. Á fundinum var bókað; Byggðarráð felur sveitarstjóra að leggja mat á kostnað við þau atriði sem HMS hefur metið að þarfnist úrbóta, forgangsraða þeim og leggja fyrir ráðið að nýju. Jafnframt felur byggðarráð sveitarstjóra að tryggja að bætt verði úr eftirfarandi: brunavarnaáætlun verði birt á vef sveitarfélagsins, brunaeftirlitsáætlun lögð fram fyrir 2021 og 2022, komið verði á skipulegum æfingum Slökkviliðs Norðurþings á ný, sem og heilsufarsskoðun liðsins.

Í janúar lagði sveitarstjóri fram minnisblað vegna athugasemdanna og við hverju hafði þá þegar verið brugðist.

Með fundarboði fylgir staðan á forgangsröðun úrbóta í byrjun október 2022 ásamt minnisblaði um þau verkefni sem enn á eftir að bregðast við.

Fyrir byggðarráði liggja drög að tekjuáætlun vegna fjárhagsáætlunar 2023.

Fyrir byggðarráði liggur erindi sem barst til sveitarstjórnar í september frá handverkshóppnum Kaðlín sem óskar eftir að fá vigtarhúsið til leigu og afnota fyrir sína starfsemi.

Bókun hafnarstjórnar frá 23.09.2022; Stjórn Hafnasjóðs Norðurþings bendir á að sveitarstórn hefur þegar samþykkt fundargerð Stjórnar Hafnasjóðs Norðurþings frá 31. ágúst þar sem kom fram að auglýsa ætti húsið til sölu og að það yrði fjarlægt af hafnarsvæðinu á Húsavík.

Fyrir byggðarráði liggur erindi frá Markaðsstofu Norðurlands sem snýr að stuðningi við Flugklasann Air66N.

Fyrir byggðarráði liggur erindi frá Gallup: Árlega þjónustukönnun okkar meðal stærstu sveitarfélaga landsins fer af stað nú í lok október eða í byrjun nóvember.

Norðurþing hefur verið með í þessari könnun síðustu ár.

Fyrir byggðarráði liggur til kynningar skýrsla Flugklasans AIR 66N um starfið síðustu mánuði.

Fyrir byggðarráði liggur fundarboð: Ársfundur SSKS (Samtök sveitarfélaga á köldum svæðum) haldinn á Hilton Reykjavík Nordica föstudaginn 14. október kl. 12:30.

Á 129. fundi fjölskylduráðs 4. október 2022, var eftirfarandi bókað: Fjölskylduráð samþykkir gjaldskrárnar og vísar þeim til kynningar í byggðarráði og samþykktar í sveitarstjórn.

Fyrir byggðarráði liggur til kynningar fyndargerð aðalfundar Leigufélags Hvamms ehf.
Fundurinn var haldin á Skrifstofu stéttarfélaganna, Garðarsbraut 26 Húsavík, þann 06.09.2022.

Fyrir byggðarráði liggur til kynningar fundargerð 913. fundar stjórnar Sambands íslenskra sveitarfélaga haldinn miðvikudaginn 28. september kl. 12:00 á Akureyri.

Fyrir byggðarráði liggur beiðni um styrk að að upphæð 250.000 kr. frá Þekkingarneti Þingeyinga til að halda fjórðu alþjóðlegu ráðstefnuna um jarðskjálfta á Norðurlandi, NorthQuake 2022, á Húsavík dagana 18.-20. október.