Fjölskylduráð

Fjölskylduráð samþykkir fyrirliggjandi viðauka og vísar þeim til samþykktar í byggðarráði.

Lagt fram til kynningar.

Fjölskylduráð felur félagsmálastjóra að bregðast við athugasemdum Gæða- og eftirlitsstofnunar velferðarmála.

Fjölskylduráð samþykkir að styrkja Ísfell ehf. um 50.000 kr.

Fjölskylduráð þakkar Brynju Rún Benediktsdóttur fyrir erindið og ítarlega greinargerð sem felur í sér margar góðar hugmyndir sem snúa að leiksvæðum barna á Húsavík. Ráðið mun hafa erindið til hliðsjónar við hönnun og skipulag leiksvæða og annarra grænna svæða.

Fjölskylduráð hefur á undanförnum árum tekið ákvarðanir um að byggja upp tvö leiksvæði annars vegar í norðurbæ og hinsvegar suðurbæ ásamt því að gera endurbætur á skólalóðum Grænuvalla og Borgarhólsskóla. Vilji er til þess að svæðin höfði til barna á mismunandi þroskastigum og að þau verði meiri samverurými en leikvellirnir hafa hingað til verið í bænum til að mynda að þar verði komið fyrir borðum og bekkjum.

Fjölskylduráð er opið fyrir samstarfi við félagasamtök og fyrirtæki hér eftir sem hingað til.

Fjölskylduráð tekur jákvætt í erindið og felur íþrótta- og tómstundafulltrúa að vinna málið áfram og leggja fyrir ráðið að nýju.

Fjölskylduráð felur íþrótta- og tómstundafulltrúa að kanna kostnað við að ljúka við stefnu í íþrótta- og tómstundamálum ásamt þarfagreiningu á viðhaldi og uppbyggingu íþróttamannvirkja og leggja fyrir ráðið að nýju.

Lagt fram til kynningar.

Fjölskylduráð þakkar hverfisráði erindið, unnið er að því að skólasund fari fram í Lundi í haust.