Færsla þjónustustöðvar Norðurþings á Húsavík

Framkvæmda- og þjónustufulltrúa falið að hefja viðræður við Sorpsamlag Þingeyinga og bæjarráð um möguleika í flutningi Þjónustustöðvar í austari skemmu SÞ að Víðimóum og jafnframt verði kannað hvaða breytingar þarf að gera á húsnæðinu og hver kostnaður verður af flutningi og breytingum húsnæðisins að Víðimóum.

Bæjarstjóri kynnti stöðu málsins.

Framkvæmda- og hafnarnefnd óskar eftir afnotum af Orkustöð og þurkklefa Orkuveitu Húsavíkur meðan á flutningi stendur. Nefndin felur framkvæmda- og þjónustufulltrúa að láta gera kostnaðarmat á tilflutningi og hefja hönnun þeirra breytinga sem nauðsynlegar eru vegna nýrrar Þjónustustöðvar. Jafnframt óskar nefndin eftir því að bæjarráð hefji samninga við Sorpsamlag Þingeyinga um kaup eða leigu á húsnæði þess félags.

Bæjarstjóri og verkstjóri í Þjónustumiðstöð sátu fundinn undir þessum lið. Nefndin veitir framkvæmda- og þjónustufulltrúa og bæjarstjóra umboð til að ganga til samninga um afnot af húsnæði fyrir starfsemi Þjónustustöðvar í sumar. Í framhaldi verði unnið að varanlegri lausn.

Fyrir bæjarráð mættu Tryggvi Jóhannsson og Sveinn Hreinsson og fóru yfir hugmyndir að bráðabirgðalausn á færslu þjónustumiðstöðvar Norðurþings á Húsavík og viðruðu hugmyndir að framtíðarlausn fyrir þjónustumiðstöðina.

Ljóst er að ákveða þarf framtíðarstaðsetningu Þjónustustöðvar á Húsavík m.t.t. húsnæðis og starfsemi.

Sveinn Birgir Hreinsson, umsjónarmaður fasteigna sat fundinn undir þessum lið.

Framkvæmda-og þjónustufulltrúa er falið að svara erindinu.

Nefndin samþykkir að stofna vinnuhóp til að koma með tillögur fyrir nefndina að nýju. Miðað er við að vinnuhópurinn skili af sér á októberfundi síðla árs.
Nefndin er falið að kanna og skilgreina verkefni og þjónustustig Þjónustustöðvar Norðurþings á Húsavík. Meta þarf kosti varðandi húsnæði, mannafla og tæki nýrrar Þjónustustöðvar á Húsavík.
Vinnuhópinn skipa ásamt framkvæmda- og þjónustufulltrúa, formaður og varaformaður nefndarinnar.