Bæjarráð Norðurþings

Fyrir bæjarráði liggur annars vegar minnisblað þar sem fram koma upplýsingar um stöðu á útboðum vegna ganga- og vegagerðar vegna Bakka og hins vegar erindi frá Siglingasviði Vegagerðarinnar þar sem sveitarfélaginu er boðin aðkoma að útboði á stálþili vegna lengingar á Bökugarði.

Fyrir bæjarráði liggur erindi frá EAB, New Energy Europe, en félagið hefur áhuga á samstarfi við sveitarfélagið um uppsetningu á vindorkugarði í nágrenni Húsavíkur. Meðfylgjandi erindinu er viljayfirlýsing (e: Memorandum of Understanging) þar sem fram koma þau atriði sem aðilar eru sammála um að vinna að. Með vilayfirlýsingunni er samstarfið komið í formlegri farveg og hægt að stíga næstu skref sem eru að tryggja land undir vindmyllugarðinn og koma upp mælingamöstrum til frekari rannsókna á vindskilyrðum á svæðinu.

Fyrir bæjarráði er til umfjöllunar færsla Þjónustustöðvar Norðurþings frá Höfða 9 á Húsavík og í húsnæði Sorpsamlags Þingeyinga ehf., í Víðimóum.

Fyrir bæjarráði liggur fundarboð svæðisráðs Norðursvæðis Vatnajökulsþjóðgarðs en eins og fram kemur í fundarboðinu þá eru sveitarstjórnum á starfssvæði Norðursvæðis boðið til fundar um ýmis sameiginleg hagsmunamál Þjóðgarðsins og sveitarfélaganna.
Fundurinn verður haldinn í sal Framsýnar, Garðarsbraut 26 á Húsavík sama dag og ársfundur Norðursvæðis fer fram.

Fyrir bæjarráði liggur styrkbeiðni frá flugklasaverkefninu Air 66N sem rekið er af Markaðsskrifstofu Norðurlands.
Eins og fram kemur í erindinu þá er óskað eftir beinu fjárframlagi til verkefnisins sem nemur 300 krónum á hvern íbúa á ári í 3 ár. Þessir fjármunir verði nýttir til þeirra verkefna sem framundan eru hjá Flugklasanum Air 66N og lýst er í yfirliti sem fylgir erindinu.

Fyrir bæjarráði liggur erindi sem tekið var fyrir á 125. fundi bæjarráðs þar sem verkefni og starfsemi Norðurhjara var kynnt. Í afgreiðslu bæjarráðs var fjármálastjóra falið að taka saman upplýsingar um heildarframlög sveitarfélagsins til ferðamála og leggja fyrir bæjarráð að nýju. Meðfylgjandi erindinu liggja upplýsingar um ýmsar styrkveitingar og rekstrarframlög til félagasamtaka og stofnana fyrir árið 2014. Sveitarfélagið er m.a. að styrkja Markaðsskrifstofu Norðurlands, Atvinnuþróunarfélag Þingeyinga og Húsavíkurstofu. En heildar styrkir og framlög fyrir árið 2014 nam um 13 mkr. Norðurhjari fékk ekki styrk eða rekstrarframlag á árinu 2014.

Fyrir bæjarráði liggur beiðni um umsögn frá Velferðarnefnd Alþingis um tillögu til þingsályktunar um seinkun klukkunar og bjartari morgna, 338. mál.

Fyrir bæjarráði liggja 4. og 5. fundargerð stjórnar Dvalarheimili aldraðra, DA ásamt uppfærðri fjárahagsáætlun ársins 2014 sem er grunnur fjárframlaga eigenda fyrir rekstarárið 2015.
Fram kemur í 4. fundargerð stjórnar, dagskrárlið 5., að formanni stjórnar og varaformanni er falið að hefja könnunarviðræður við ríkisvaldið um mögulega yfirtöku ríkisins á rekstri hjúkrunar- og dvalarrýma frá og með næstkomandi áramótum.
Í fjárhagsáætlun fyrir rekstrarárið 2015 kemur fram að heildarframlög eigenda eru áætluð um 28,5 mkr. og þar af er hlutur Norðurþings 21,5 mkr.

Fyrir bæjarráði liggur til umsagnar frá Efnahags- og viðskiptanefnd Alþingis, tillaga til þingsályktunar um mat á heildarhagsmunum vegna hvalveiða, 34. mál.