Afsláttur af gatnagerðagjöldum í Norðurþingi.

Sveitarstjórn Norðurþings samþykkti á fundi sínum þann 19. september 2017 að framlengja áður veittan 50% afslátt af gatnagerðargjöldum fyrir tilteknar lóðir miðað við að hús á lóðunum yrðu fokheld fyrir árslok 2018.
Nú er ljóst að mörgum áður tilgreindra lóða er enn óráðstafað.

Á 4. fundi skipulags- og framkvæmdaráðs þann 17. júlí s.l. var bókað;
Skipulags- og framkvæmdaráð Norðurþings leggur til við byggðaráð, í sumarleyfisumboði sveitarstjórnar, að framlengdur verði 50% afsláttur gatnagerðargjalda af eftirtöldum lóðum á Húsavik:

Stakkholt 7
Lyngbrekka 6, 8, 9 og 11
Urðargerði 5
Steinagerði 5
Lyngholt 26-32
Lyngholt 42-52
Grundargarður 2

Afsláttur verði veittur til að hvetja til uppbyggingar íbúðarhúsnæðis á Húsavik.
Miðast afsláttur vegna lóðanna við að húsnæði verði fokhelt fyrir lok árs 2020. Verði fokheldi ekki náð innan tilgreinds tíma verði gatnagagerðargjöld innheimt að fullu skv. gildandi gjaldskrá.

Á fundi skipulags- og framkvæmdaráðs 17. júlí s.l. var gerð tillaga til byggðarráðs um tímabundinn 50% afslátt af gatnagerðargjöldum fyrir tilteknar íbúðarhúsalóðir í Norðurþingi. Byggingarfulltrúi gerði grein fyrir að lítið hefur verið spurt um þessar tilteknu lóðir síðan afsláttur var ákveðinn. Sérstaklega gerði byggingarfulltrúi grein fyrir að lóðir að Urðargerði 5 og Steinagerði 5 hafa verið boðnar á afslætti til langs tíma. Þessar tvær lóðir eru erfiðari en aðrar af tilteknum lóðum þar sem innan þeirra er umtalsverður hæðarmunur.

Á 15. fundi skipulags- og framkvæmdaráðs var eftirfarandi bókað:

Skipulags- og framkvæmdaráð leggur til við sveitarstjórn að lóðirnar að Urðargerði 5 og Steinagerði 5 verði boðnar á 100% afslætti gatnagerðargjalda gegn því skilyrði að fokheldi nýbygginga á lóðunum verði náð eigi síðar en 31. desember 2021.

Um er að ræða íbúðarhúsalóðir í grónum íbúðarhverfum sem lengi hafa staðið auðar og hafa ekki farið út þrátt fyrir boðnar á verulegum afslætti áður. Lóðirnar standa báðar í töluverðum halla og eru því kostnaðarsamar í uppbyggingu.

Samkvæmt samþykkt 258. fundar byggðaráðs er í gildi 50% afsláttur frá gildandi gjaldskrá af gatnagerðargjöldum af lóðunum Stakkholti 7, Lyngbrekku 6, 8, 9 og 11, Lyngholti 26-32 og Lyngholti 42-52. Afsláttur er skilyrtur af því að fokheldi bygginga á lóðunum verði náð fyrir árslok 2020. Ennfremur er í gildi 100% afsláttur af lóðunum að Urðargerði 5 og Steinagerði 5 skv. samþykkt á 86. fundi sveitarstjórnar sem skilyrtur er af fokheldi fyrir árslok 2021.

Í ljósi þess að gildandi afsláttarákvæði eru að renna sitt skeið og að enn er tilefni til að hvetja til uppbyggingar íbúðarhúsnæðis á Húsavík leggur ráðið til að afsláttarákvæði ofangreindra lóða verði framlengd og miðuð við að fokheldi bygginga verði náð fyrir árslok 2022.

Á 75. fundi skipulags- og framkvæmdaráðs var eftirfarandi bókað:
Skipulags- og framkvæmdaráð leggur til við sveitarstjórn að boðinn verði 50% afsláttur frá gildandi gjaldskrá af gatnagerðargjöldum eftirtalinna lóða svo fremi að fokheldisstigi bygginga verði náð fyrir árslok 2022. Lóðir sem afsláttur nái til séu: Stakkholt 7, Lyngbrekka 6, 8, 9 og 11, Lyngholt 26-32 og Lyngholt 42-52. Ennfremur verði boðinn 100% afsláttur af gatnagerðargjöldum fyrir lóðirnar að Urðargerði 5 og Steinagerði 5 svo fremi að fokheldi bygginga verði náð fyrir árslok 2022.

Framlenging á afslætti af gatnagerðargjöldum af ákveðnum lóðum í Norðurþingi.

Á 134. fundi skipulags- og framkvæmdaráðs var eftirfarandi bókað:

Skipulags- og framkvæmdaráð leggur til við sveitarstjórn að boðinn verði áframhaldandi 50% afsláttur frá gildandi gjaldskrá af gatnagerðargjöldum eftirtalinna lóða svo fremi að fokheldisstigi bygginga verði náð fyrir árslok 2024. Lóðir sem afsláttur nái til séu: Lyngbrekka 6, 8, 9 og 11. Ennfremur verði boðinn 100% afsláttur af gatnagerðargjöldum fyrir lóðina að Urðargerði 5 svo fremi að fokheldisstigi byggingar verði náð fyrir árslok 2024. Afsláttur af öðrum lóðum fellur niður um komandi áramót til samræmis við fyrri ákvörðun.