Skipulags- og framkvæmdaráð

Fundargerð 406 frá Hafnasambandi Íslands lögð fram.

Óskað var leyfis til að breyta gluggum á austur- og vesturhlið hússins skv. framlögðum teikningum.

Í samráði við slökkviliðsstjóra heimilaði skipulags- og byggingarfulltrúi breytingarnar 17. október 2018.

Alexander Gunnar Jónasson óskar eftir úthlutun byggingarlóðar að Hraunholti 27 á Húsavík.

Fyrir ráðinu liggur beiðni um samstarf árið 2019 við íslensku sjálfboðaliðasamtökin SEEDS. SEEDS tekur á móti erlendum sjálfboðaliðum til þess að sinna fjölþættum verkefnum á sviði umhverfis-, menningar- og félagsmála í samstarfi við einstaklinga, félagasamtök, stofnanir og sveitarfélög.
Ef gengið er til samstarfs við samtökin skuldbindur sveitarfélagið sig til að útvega fæði, húsnæði og einhverja afþreyingu á meðan verkefninu stendur.
Verkefnin eru alla jafna tvær vikur með 6 - 16 sjálfboðaliðum í hverju verkefni. Verkefnin skulu fela í sér eitthvert fræðslu- eða menntunargildi til að tryggja að sjálfboðaliðarnir öðlist nýja reynslu og þekkingu. Verkefnin skulu vera til framdráttar fyrir samfélagið og sjálfboðaliðum skulu ekki vera falin störf sem alla jafna væri greitt fyrir. SEEDS sér um alla umsýslu við móttöku sjálfboðaliðanna, og kemur sjálfboðaliðunum alla jafna til og frá áfangastað. SEEDS sér einnig til þess að allir sjálfboðaliðarnir séu sjúkra- og slysatryggðir.
Verið er að leita eftir verkefnum fyrir sumarið 2019, júlí, ágúst og september í samstarfi við sveitafélög víða um land.

Á 3. fundi skipulags- og framkvæmdaráðs 10.07.2018 var eftirfarandi bókað: Skipulags- og framkvæmdaráð felur framkvæmda- og þjónustufulltrúa að vinna að nauðsynlegum úrbótum varðandi aðgengi að ruslatunnum á áningarstöðum í þéttbýli í sveitarfélaginu. Jafnframt felur ráðið umhverfisstjóra að teikna upp kort af því hvar ruslatunnur eru aðgengilegar í dag og afla upplýsinga um flokkunartunnur fyrir næsta ráðsfund.
Á 6. fundi sama ráðs 28.08.2018 var bókað: Skipulags- og framkvæmdaráð felur umhverfisstjóra að koma með tillögu að staðsetningum á ruslatunnum og hafa í huga m.a. hafnarsvæði í Norðurþingi, svæðið í suðurbæ Húsavíkur, bílastæði fyrir húsbíla á Húsavík og bera undir næsta fund ráðsins. Jafnframt að fara í samtal við rekstraraðila um losun rusls.
Samkvæmt ofangreindum bókunum er lögð fram tillaga umhverfisstjóra að staðsetningu ruslatunna og hvernig staðið skuli að rekstri þeirra.

Á 8. fundi fjölskylduráðs 15.10.2018 var bókað;
Ráðið telur brýnt að hafist verði handa við undirbúning byggingar 6 íbúða búsetukjarna við Pálsreit í samræmi við knýjandi þörf í sveitarfélaginu fyrir þess háttar búsetuúrræði.

Fjölskylduráð vísar tillögunni til byggðarráðs til afgreiðslu.

Byggðarráð tekur undir með fjölskylduráði og telur rétt að hafist verði handa við undirbúning bygginga búsetukjarna við Pálsreit. Greina þarf þarfir og kostnað við verkefnið og ennfremur athuga hvort tekjur eru raunhæfar af sölu annarra eigna og stofnframlaga ríkisins.
Byggðarráð vísar erindinu til skipulags- og framkvæmdaráðs og felur því að hefja vinnu við verkefnið sem fyrst og fjalli m.a. um fjárþörf til undirbúningsvinnunnar og/eða fyrstu áfanga verkefnisins fyrir lok fjárhagsáætlunargerðar fyrir árið 2019

Með bréfi dags. 19. október 2018, tilkynnir Vegagerðin fyrirhugaða niðurfellingu á veghaldi Núpskötluvegar nr. 8952.

Verkefnastjóri framkvæmdasviðs óskar eftir söluheimild á íbúð Norðurþings í Garðarsbraut 73.

Verkefnastjóri framkvæmdasviðs óskar eftir söluheimild á íbúð Norðurþings í Garðarsbraut 69.

Skipulags- og framkvæmdaráð hefur til umfjöllunnar fundargerð hverfisráðs Raufarhafnar frá 15. október þar sem fram koma óskir ráðsins varðandi viðhald á eignum Norðurþings á Raufarhöfn.

Fyrir liggja tvö tilboð frá verktökum sem tilbúnir eru að taka að sér smíði, flutning og uppsetningu á þremur fuglaskoðunarskýlum Fuglastígs á Norðausturlandi.

Drög að húsnæðisáætlun kynnt.