Hverfisráð Raufarhafnar 2017

Dregið var úr tilnefningum og tekið tillit til kynjahlutfalla og er niðurstaðan að aðalmenn eru;
Adriana Haugiu
María Peters Sveinsdóttir
Gísli Briem

Varamenn eru;
Ingibjörg Hanna Sigurðardóttir
Þóra Soffía Gylfadóttir

Byggðarráð vísar fundargerð 2. fundar til umfjöllunar í Framkvæmdanefnd. Byggðarráð tekur undir áhyggjur heimamanna af stöðu sjúkraflutningamála.

Framkvæmdanefnd fagnar þeirri umræðu og þeim fyrirspurnum sem komu fram á fundi ráðsins.

1-7. Ástand fasteigna og umferðarmannvirkja er víða ábótavant í sveitarfélaginu öllu. Unnið er að endurbótum eftir því sem fjárhagur sveitarfélagsins leyfir.

8. Framkvæmdanefnd tekur undir athugasemdir hverfisráðsins varðandi staðsetningu og umgengni um gámasvæði á Raufarhöfn.
Frá því á síðasta ári hafa staðið yfir framkvæmdir í gömlu síldarþrónni við hlið mjölskemmunnar í samvinnu við Sel sf sem hefur séð alfarið um framkvæmdina. Markmiðið er að þar verði gámasvæði til flokkunar og förgunar á sorpi á Raufarhöfn, en gert er ráð fyrir því að þeim framkvæmdum ljúki nú í sumar.

9. Framkvæmdanefnd tekur undir og fagnar áformum hverfisráðs Raufarhafnar um að virkja heimamenn til þess að halda þorpinu snyrtilegu með hreinsun á því rusli sem safnast hefur fyrir í skurðum og mýrum á staðnum.

10. Uppsetning hraðahindrana á þjóðvegi Vegagerðarinnar verður að vinnast í samvinnu við Vegagerðina og að öllum líkindum verður stuðst við hraðamælingar til staðfestingar á þörfinni. Þetta mál er á dagskrá á fyrirhuguðum fundi sem haldinn verður með Vegagerðinni á næstu dögum.

Byggðarráð færir Gísla þakkir og óskar eftir áframhaldandi góðu samstarfi við hverfisráð Raufarhafnar.

Byggðarráð óskar eftir því að framkvæmdanefnd og Orkuveita Húsavíkur taki til umfjöllunar þá liði fundargerðarinnar sem snúa að umhverfis- og veitumálum á Raufarhöfn.

Framkvæmdanefnd felur framkvæmda- og þjónustufulltrúa að kanna þörf á bættri götulýsingu á Raufarhöfn.

4. fundur 23/7:
Liður 3 - úthlutun sértæks byggðakvóta:
-Byggðarráð felur sveitarstjóra að koma á fundi hverfisráðs með sveitarstjórn og þeim aðilum sem málið varðar að ósk hverfisráðs.

5. fundur 7/9:
Mál 1. Net- og símasamband
-Byggðarráð felur sveitarstjóra að hafa samband við þjónustuaðila sem bera ábyrgð á síma- og netsambandi á svæðinu og ýta á að þjónusta sé tryggð með fullnægjandi hætti.
Mál 2. Slökkvilið Raufarhafnar
Byggðarráð felur sveitarstjóra að láta taka saman upplýsingar um stöðu slökkviliðs á Raufarhöfn m.t.t. þjálfunar og reykköfunarréttinda og upplýsa hverfisráð.
Mál 3. Áningarstaður við gatnamóta á Hólaheiði
Byggðarráð vísar erindinu til skipulags- og framkvæmdanefndaráðs og leggur til að samráð verði haft við Vegagerðina varðandi málið.
Mál 4. Markaðssetning Raufarhafnar:
Byggðarráð felur sveitarstjóra í samráði við þróunarfulltrúa Atvinnuþróunarfélags Þingeyinga að taka hugmyndir hverfisráðsins upp varðandi markaðssetningu Raufarhafnar sem búsetukosts fyrir fjölskyldufólk. Sérstaklega verði skoðaðar þær hugmyndir sem fram koma varðandi ívilnanir fyrir þennan hóp. Þessir þættir verði kannaðir í samhengi við vinnu sem nú stendur yfir við fjárhagsáætlun fyrir árið 2019.
Mál 5. Fegrun Raufarhafnar vor og sumar 2019 og mál 6. fasteignir sveitarfélagsins.
Byggðarráð vísar erindunum til skipulags- og framkvæmdaráðs. Málið verði skoðað í samhengi við fegrunaraðgerðir í miðsvæðum/miðbæjum þéttbýliskjarna í Norðurþingi fyrir komandi sumar.
Mál 7. Borun eftir heitu vatni
Byggðarráð vísar erindi varðandi styrkumsóknir til að bora eftir heitu vatni á Raufarhöfn til Orkuveitu Húsavíkur.

Mál 3. Verið er að vinna að umsókn í framlög úr stefnumótandi byggðaáætlun 2018-2024 vegna þessa áningastaðar. Ef ekki kemur framlag þá verður þetta erindi tekið upp aftur fyrir áramót 2018/2019.
Mál 5. Fegrun Raufarhafnar. Verið er að vinna að því að fjarlægja rusl úr þorpinu og ráðið tekur vel í erindið um að vinna í opnum svæðum en beinir til Hverfisráðs að gera yfitlitskort yfir þau svæði sem vilji er til að taka út.
Mál 6. Fasteignir sveitafélagsins. Ráðið beinir til Hverfisráðs að lista upp um hvaða fasteignir ræðir og hvaða fegrun þyrfti.

Stjórn Orkuveitu Húsavíkur þakkar erindið.
Verið er að vinna að uppsetningu á varmadælu við skóla og íþróttamiðstöð á Raufarhöfn.
Þegar reynsla verður komin á þá framkvæmd mun Orkuveita Húsavíkur ohf marka stefnu um framhald í þeim efnum.

Byggðarráð þakkar hverfisráði Raufarhafnar fyrir fundargerðina og vísar henni til skipulags- og framkvæmdaráðs til umfjöllunar.

Skipulags- og framkvæmdaráð þakkar hverfisráði Raufarhafnar listann og mun horfa til skjalsins við gerð viðhaldsáætlunar Norðurþings.

Byggðarráð vísar erindum um lýsingu, hjartastuðtæki og skoðun á húsnæði eldri borgara til skipulags- og framkvæmdaráðs.

Skipulags- og framkvæmdaráð þakkar ábendingarnar.
1) Ráðið felur framkvæmdafulltrúa að gera úttekt á lýsingu í bænum og gera nauðsynlegar úrbætur.
2) Ráðið vísar kaupum á hjartastuðtæki fyrir grunnskólann til fjölskylduráðs.
3) Ráðið telur ástand núverandi húsnæðis að Ásgötu 1 (Breiðablik) óviðunandi og hvetur félag eldri borgara á Raufarhöfn til að taka upp samtal við fjölskylduráð Norðurþings um hentugt húsnæði fyrir félagsstarf sitt.

Fjölskylduráð synjar erindinu en vísar til yfirstandandi vinnu við skipulagningu viðbragðsteyma í Norðurþingi á vegum Slökkviliðs Norðurþings.

Fjölskylduráð tekur jákvætt í erindið og lýsir sig reiðubúið til viðræðna við félag eldri borgara á Raufarhöfn um framtíðarhúsnæði félagsins.

Skipulags- og framkvæmdaráð þakkar hverfisráði umræðurnar.

Byggðarráð vísar erindi um gámasvæði og merkingar á gámum til skipulags- og framkvæmdaráðs.
Lagt fram til kynningar.

Þegar farið var af stað í að færa gáma til sorpmóttöku á Raufarhöfn í gömlu síldarþrónna, var áætlaður kostnaður við framkvæmdina töluvert lægri en raunverulegur kostnaður við verkefnið. Lagt var upp með að svæðið yrði girt af, það upplýst og á opnunartíma yrði þar starfsmaður þjónustumiðstöðvar á Raufarhöfn sem myndi sjá um rekstur svæðisins. Því miður hefur ekki verið unnt að veita öllu því viðbótar fjármagni til verkefnisins sem nauðsynlegt er svo hægt sé að ljúka því, en stefnt er að því að svo verði.
Skipulags- og framkvæmdaráð felur framkvæmda- og þjónustufulltrúa að koma upp viðunandi merkingum við gámana.

Byggðarráð felur sveitarstjóra að hafa samband við stjórn Rannsóknarstöðvarinnar Rifs til að kanna mögulega aðkomu sveitarfélagsins að starfseminni. Sveitarstjóra er einnig falið að skipuleggja heimsókn byggðarráðs í minni byggðarkjarna sveitarfélagsins.
Málefnum eldri borgara og leikskólans er vísað til fjölskylduráðs, öðrum málum fundargerðarinnar er vísað til skipulags- og framkvæmdaráðs.

Fjölskylduráð tekur heilshugar undir með Hverfisráði Raufarhafnar varðandi leiksskólamál.

Málefni eldri borgara í tengslum við húsnæðið Breiðablik eru í farvegi innan stjórnsýslunar með framtíðarskipulag í huga.

Skipulags- og framkvæmdaráð þakkar ábendingarnar. Það sem verið er að fara í er að skipta um glugga í sundarlaugarhúsi í október.
Endurbæta þarf einnig loftræstibúnað í sundlaugarhúsi. Þessar endurbætur munu fylgja framkvæmdum í október vegna glugga.

Öðrum verkþáttum verður vísað til ákvörðunartöku við fjárhagsætlunargerð árs 2020.
Framkvæmda- og þjónustufulltrúa er falið að svara varðandi sorpmál. Ráðið vísar fyrirspurn varðandi Kottjörn til Orkuveitu Húsavíkur.

Fyrir liggur svar við fyrirspurn hverfisráðs Raufarhafnar.
Framkvæmdastjóra falið að senda svar til ráðsins.