Skipulags- og framkvæmdaráð
Dagskrá
1.Gjaldskrá hunda- og kattahalds í Norðurþingi 2022
Málsnúmer 202109131Vakta málsnúmer
Á fundinn kemur Guðný María Waage til að kynna fyrir nefndinni málefni er varða hunda og katta í Norðurþingi.
Skipulags- og framkvæmdaráð þakkar Guðnýju Waage fyrir kynninguna á málefnum hunda og katta í Norðurþingi. Ráðið felur framkvæmda- og þjónustufulltrúa að endurskoða hunda- og katta samþykkt Norðurþings og leggja fyrir ráðið að nýju.
2.Verkefni vegna innleiðingar hringrásarhagkerfis
Málsnúmer 202111014Vakta málsnúmer
Á fundinn koma Smári Lúðvíksson verkefnastjóri umhverfismála hjá SSNE og Stefán Gíslason sérfræðingur í Umhverfismálum inná fundinn til að kynna Svæðisáætlun fyrir meðhöndlun úrgangs á Norðurlandi.
Skipulags- og framkvæmdaráð þakkar þeim Smára Lúðvikssyni og Stefáni Gíslasyni fyrir kynninguna á Svæðisáætlun á meðhöndlun úrgangs á Norðurlandi.
3.Gjaldskrár framkvæmdasviðs 2023
Málsnúmer 202210007Vakta málsnúmer
Fyrir Skipulags- og framkvæmdaráð eru gjaldskrá Sorphirðu fyrir árið 2023.
Skipulags- og framkvæmdaráð samþykkir fyrirliggjandi gjaldskrá og vísar henni til kynningar í byggðaráði og staðfestingar í sveitarstjórn.
4.Framkvæmdaáætlun 2023
Málsnúmer 202210015Vakta málsnúmer
Fyrir skipulags- og framkvæmdaráði liggur framkvæmdaáætlun ársins 2023, útgönguspá ársins 2022 og þriggja ára áætlun 2024-2026
Lagt fram til kynningar
5.Notendaráð fatlaðs fólks í Norðurþings 2022-2026
Málsnúmer 202208006Vakta málsnúmer
Á 128. fundi fjölskylduráðs 27. september 2022, var eftirfarandi bókað: Fjölskylduráð vísar lið 3 til skipulags- og framkvæmdaráðs.
Skipulags- og framkvæmdaráð felur framkvæmda- og þjónustufulltrúa að kynna verkefnið Römpum upp Ísland að heimasíðu sveitarfélagsins. Ráðið felur framkvæmda- og þjónustufulltrúa að láta gera úttekt á aðgengi í eignum sveitarfélagsins.
6.Erindi frá nemendum Borgarhólsskóla varðandi leiktæki á skólalóð
Málsnúmer 202110127Vakta málsnúmer
Á 129. fundi fjölskylduráðs 4. október 2022, var eftirfarandi bókað: Fjölskylduráð þakkar nemendum 7. bekkjar Borgarhólsskóla fyrir erindið. Á þessu ári var unnið að endurnýjun sparkvalla við skólann og nú er að hefjast vinna við hönnun skólalóðarinnar. Þegar hönnun liggur fyrir er hægt að fara í frekari kaup á leiktækjum á skólalóðina.
Fjölskylduráð óskar eftir því við skipulags- og framkvæmdaráð að hugmyndir nemenda verði hafðar til hliðsjónar við hönnun skólalóðarinnar.
Fjölskylduráð óskar eftir því við skipulags- og framkvæmdaráð að hugmyndir nemenda verði hafðar til hliðsjónar við hönnun skólalóðarinnar.
Skipulags- og framkvæmdaráð þakkar nemendum 7. bekkjar Borgarhólsskóla fyrir erindið og mun leitast við að hafa hugmyndir nemenda til hliðsjónar við hönnun skólalóðarinnar.
7.Húsnæði fyrir frístund barna
Málsnúmer 202111135Vakta málsnúmer
Fyrir fundinum er til kynningar minnisblað um stöðu á verkefninu um byggingar á nýju húsnæði fyrir frístund barna.
Lagt fram til kynningar.
8.Ályktun frá aðalfundi Skógræktarfélags Íslands 2022
Málsnúmer 202209088Vakta málsnúmer
Skógræktarfélag Íslands hefur sent frá sér ályktun til sveitarfélaga um skipulagsáætlanir og framkvæmdaleyfi til skógræktar.
Ályktunin var lögð fram til kynningar.
9.Ósk um leyfi til deiliskipulagsgerðar á landi Akursels
Málsnúmer 202205073Vakta málsnúmer
Samherji fiskeldi ehf hefur sent sveitarfélaginu skipulags- og matslýsingu fyrir deiliskipulag jarðarinnar Akursels í Öxarfirði.
Skipulags- og framkvæmdaráð leggur til við sveitarstjórn að skipulags- og byggingarfulltrúa verði falið að kynna skipulagslýsinguna.
10.Umsókn um stöðuleyfi fyrir skilti við PCC á Bakka
Málsnúmer 202209131Vakta málsnúmer
PCC BakkiSilicon hf óskar eftir leyfi til að setja skilti á fyrirliggjandi undirstöður við PCC á Bakka eins og nánar er sýnt á útlitsmynd.
Skipulags- og framkvæmdaráð heimilar uppsetningu skiltisins.
11.Íslandsþari ehf.óskar eftir lóð að Hraunholti 19-21
Málsnúmer 202210019Vakta málsnúmer
Íslandsþari óskar eftir að fá lóðinni að Hraunholti 19-21 úthlutað til uppbyggingar lítils fjölbýlishúss.
Skipulags- og framkvæmdaráð leggur til við sveitarstjórn að lóðinni verði úthlutað til Íslandsþara.
12.Íslandsþari ehf.óskar eftir lóð að Hraunholti 15-17
Málsnúmer 202210018Vakta málsnúmer
Íslandsþari óskar eftir að fá lóðinni að Hraunholti 15-17 úthlutað til uppbyggingar lítils fjölbýlishúss.
Skipulags- og framkvæmdaráð leggur til við sveitarstjórn að lóðinni verði úthlutað til Íslandsþara.
13.Íslandsþari ehf.óskar eftir lóð að Hraunholti 23-25
Málsnúmer 202210020Vakta málsnúmer
Íslandsþari óskar eftir að fá lóðinni að Hraunholti 23-25 úthlutað til uppbyggingar lítils fjölbýlishúss.
Skipulags- og framkvæmdaráð leggur til við sveitarstjórn að lóðinni verði úthlutað til Íslandsþara.
14.Umhverfis- og samgöngunefnd Til umsagnar stefnur, lög og frumvörp 2022
Málsnúmer 202202078Vakta málsnúmer
Umhverfis- og samgöngunefnd Alþingis óskar umsagnar um frumvarp til laga um breytingu á skipulagslögum, nr. 123/2010 (uppbygging innviða), 144. mál.
Skipulags- og framkvæmdaráð Norðurþings gerir ekki athugasemdir við frumvarpið.
15.Áætlanir vegna ársins 2023
Málsnúmer 202205060Vakta málsnúmer
Á 408. fundi byggðarráðs 6. október 2022, var eftirfarandi bókað: Byggðarráð samþykkir framlagða fjárhagsramma vegna fjárhagsáætlunar 2023 og vísar þeim til umfjöllunar annars vegar í fjölskylduráði og hins vegar í skipulags og framkvæmdaráði.
Rammar voru kynntir. Framkvæmda- og þjónustufulltrúa og skipulags- og byggingarfulltrúa er falið að gera tillögu að fjárhagsáætlun m.v. uppsetta ramma.
Fundi slitið - kl. 16:20.
Gaukur Hjartarson skipulags- og byggingarfulltrúi sat fundinn undir liðum 3-15
Guðný María Waage kom á fundinn undir lið 1.
Smári J. Lúðvíksson frá SSNE kom á fundinn undir lið 2.
Stefán Gíslason frá Environice sat fundinn í fjarfundi undir lið 2.