Bæjarstjórn Norðurþings

Fyrir bæjarstjórn liggur til afgreiðslu erindi sem tekið var fyrir á 125. fundi skipulags- og byggingarnefndar. Eftirfarandi er afgreiðsla nefndarinnar:

Óskað er eftir samþykki fyrir stofnun 0,5 ha lóðar undir íbúðarhús í landi Sandfellshaga 2. Meðfylgjandi umsókn er rissmynd með gps-hnitsetningu hornpunkta lóðarinnar.

Skipulags- og byggingarnefnd leggur til við bæjarstjórn að stofnun lóðarinnar verði samþykkt með fyrirvara um skil á fullnægjandi afstöðumynd lóðarinnar, sem m.a. sýnir aðkomu að lóðinni, staðfestingu á eignarhaldi lands og samþykki nágranna.

Fyrir bæjarstjórn liggur til kynningar fundargerð 131. fundar bæjarráðs.

Fyrir bæjarstjórn liggur til kynningar fundargerð 51. fundar framkvæmda- og hafnanefndar.

Fyrir bæjarstjórn liggur til kynningar fundargerð 50. fundar framkvæmda- og hafnanefndar.

Fyrir bæjarstjórn liggur til kynningar fundargerð 125. fundar skipulags- og byggingarnefndar.

Fyrir bæjarstjórn liggur til kynningar fundargerð 39. fundar tómstunda- og æskulýðsnefndar.

Fyrir bæjarstjórn liggur til kynningar fundargerð 130. fundar bæjarráðs.

Fyrir bæjarstjórn liggur til kynningar fundargerð 129. fundar bæjarráðs.

Fyrir bæjarstjórn liggur til kynningar fundargerð 128. fundar bæjarráðs.

Fyrir bæjarstjórn liggur til afgreiðslu erindi sem tekið var fyrir á 128. fundi bæjarráðs. Eftirfarandi er afgreiðsla bæjarráðs:
Ákvörðun um að taka láni Lánasjóðs sveitarfélaga sem tryggt er með veði í tekjum sveitarfélagsins.
Bæjarráð leggur til við bæjarstjórn Norðurþings að samþykkt verði að taka lán hjá Lánasjóði sveitarfélaga að fjárhæð allt að 445.000.000.- til 20 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til að fjármagna kaup sveitarfélagsins á húsnæði í eigu Fasteignarfélagsins Fasteignar, sbr. 3. gr. laga um stofnun opinbers hlutafélags um Lánasjóð sveitarfélga nr. 150/2006.
Jafnframt er Kristjáni Þór Magnússyni, kt. 120279-4599, veitt fullt og ótakmarkað umboð til þess f.h. Norðurþings að undirrita lánasamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Fyrir bæjarstjórn liggur til afgreiðslu erindi sem tekið var fyrir á 125. fundi skipulags- og byggingarnefndar. Eftirfarandi er afgreiðsla nefndarinnar:
Skipulags- og byggingarfulltrúi kynnti drög að skipulagslýsingu fyrir s.k. Öskjureit.

Skipulags- og byggingarnefnd telur að afmarka þurfi reitinn skýrar í skipulagslýsingu. Skipulagssvæðið verði afmarkað af Garðarsbraut í norðri og austri, Árgötu í suðri og Stangarbakka í vestri. Horft verði til þess að frumtillaga að deiliskipulagi verði lögð fyrir fund nefndarinnar í mars n.k. og tillaga til almennrar kynningar verði tilbúin inn á fund skipulagsnefndar í apríl. Tímaramma skipulagsferlis verði breytt í samræmi við þessar hugmyndir í skipulagslýsingu.

Nefndin áréttar að rekstur Öskju var á afmarkaðri lóð í afmarkaðan tíma á svæðinu. Vert væri að leita lengra aftur í söguna að heiti á skipulagssvæðið. Húsavík hefur verið fastur verslunarstaður frá öndverðri 17. öld og væntanlega hefur verslun lengst af verið rekin á þessu svæði.

Skipulags- og byggingarnefnd leggur til við bæjarstjórn að skipulagslýsingin verði sett í kynningu skv. ákvæðum skipulagslaga með ofantöldum breytingum.

Fyrir bæjarstjórn liggur til afgreiðslu erindi sem tekið var fyrir á 125. fundi skipulags- og byggingarnefndar. Eftirfarandi er afgreiðsla nefndarinnar:
Nú er lokið kynningu deiliskipulags móttökusvæðis jarðvegs við Skjólbrekku.

Engar athugasemdir bárust við skipulagstillöguna á kynningartíma.

Skipulags- og byggingarnefnd leggur til við bæjarstjórn að deiliskipulagstillagan verði samþykkt óbreytt frá kynningu. Skipulags- og byggingarfulltrúa verði falið að senda skipulagstillöguna til yfirferðar á Skipulagsstofnun skv. 1. mgr. 42. gr. skipulagslaga nr. 123/2010 og auglýsa gildistöku skipulagsins ef ekki eru gerðar athugasemdir við deiliskipulagið af hálfu Skipulagsstofnunar.

Fyrir bæjarstjórn liggur til afgreiðslu erindi sem tekið var fyrir á 125. fundi skipulags- og byggingarnefndar. Eftirfarandi er afgreiðsla nefndarinnar:
Nú er lokið kynningu aðalskipulagsbreytingar vegna móttökusvæðis jarðvegs við Skjólbrekku.

Engar athugasemdir bárust við skipulagstillöguna. Hinsvegar kom í ljós að lega háspennulínu að Bakka var ekki færð réttilega inn á uppdráttinn.

Skipulags- og byggingarnefnd felur skipulagsráðgjafa að færa rétta legu háspennulínu inn á skipulagsuppdráttinn og leggur til við bæjarstjórn að þannig verði hann samþykktur. Skipulags- og byggingarfulltrúa verði falið að senda skipulagstillöguna til staðfestingar skv. 2. mgr. 32. gr. skipulagslaga nr. 123/2010.

Fyrir bæjarstjórn liggur til afgreiðslu erindi sem tekið var fyrir á 125. fundi skipulags- og byggingarnefndar. Eftirfarandi er afgreiðsla nefndarinnar:
Skipulags- og byggingarfulltrúi kynnti sameiginlega skipulagslýsingu fyrir breytingu aðalskipulags vegna efnistökusvæðis í Skurðsbrúnum norðan Húsavíkurfjalls og deiliskipulags sama svæðis. Breytingin innifelur tilfærslu og stækkun efnistökusvæðis E26 þannig að þar megi taka allt að 150.000 m³ af klapparefni til hafnargerðar og sem fyllingarefni.

Skipulags- og byggingarnefnd leggur til við bæjarstjórn Norðurþings að skipulags- og matslýsingin verði kynnt skv. ákvæðum skipulagslaga.

Fyrir bæjarstjórn liggur til afgreiðslu erindi sem tekið var fyrir á 125. fundi skipulags- og byggingarnefndar. Eftirfarandi er afgreiðsla nefndarinnar:
Skipulags- og byggingarfulltrúi kynnti sameiginlega skipulagslýsingu fyrir breytingu aðalskipulags vegna efnistökusvæðis í Skurðsbrúnum norðan Húsavíkurfjalls og deiliskipulags sama svæðis. Breytingin innifelur tilfærslu og stækkun efnistökusvæðis E26 þannig að þar megi taka allt að 150.000 m³ af klapparefni til hafnargerðar og sem fyllingarefni. Þar sem mögulega raskast litlar uppsprettur við Bakkaá er gert ráð fyrir að skilgreint vatnsverndarsvæði uppsprettanna verði fellt úr gildi meðan á framkvæmdunum stendur.

Skipulags- og byggingarnefnd leggur til við bæjarstjórn Norðurþings að skipulags- og matslýsingin verði kynnt skv. ákvæðum skipulagslaga.

Fyrir bæjarstjórn liggur til afgreiðslu erindi sem tekið var fyrir á 130. fundi bæjarráðs. Eftirfarandi er afgreiðsla bæjarráðs:

Bæjarráð leggur til við bæjarstjórn að fyrirliggjandi tillaga stjórnar Lífeyrissjóðs starfsmanna sveitarfélaga verði samþykkt.

Fyrir bæjarstjórn liggur til afgreiðslu erindi sem tekið var fyrir á 130. fundi bæjarráðs. Eftirfarandi er afgreiðsla bæjarráðs:
Fyrir bæjarráði liggja samningsdrög að kaupsamningi sem felur í sér eftifarandi:

Norðurþing kt., 640169-5599 samþykkir að selja eignina að Höfða 9 á Húsavík og Gullmolar ehf. kt. 540194-2119 samþykkir að kaupa. Samkvæmt Fasteignaskrá Íslands er um að ræða 458,2 fm húseign sem byggð er árið 1986 og 1988 úr forsteyptum einangruðum einingum.

Kaupverð eignarinnar er 26.000.000.- Tuttuguogsexmilljónir króna.
Húseignin staðgreiðist við undirritun kaupsamnings og samþykki bæjarstjórnar.

Í samningnum er kvöð um forkaupsrétt sveitarfélagsins sem verður þinglýst með samningnum en hún felur í sér að Norðurþing hefur 8 ára forkaupsrétt á verðtryggðu söluverði (NVT).

Afhending eignarinnar er 1 maí. 2015.

Samhliða kaupsamningi gera aðilar með sér sérstakan samstarfssamning um atvinnuuppbyggingu á Húsavík.

Bæjarráð leggur til við bæjarstjórn að fyrirliggjandi sala eignarinnar að Höfða 9 verði samþykkt eins og samningsdrögin fela í sér. Jafnfram er bæjarstjóra, Kristjáni Þór Magnússyni veitt fullt og ótakmarkað umboð til þess f.h. Norðurþings að undirrita kaupsamning sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast sölu þessari.