Byggðarráð Norðurþings

Á fund byggðarráðs koma Óli Halldórsson, Lilja Berglind Rögnvaldsdóttir og Stefán Pétur Sólveigarson frá Þekkkingarneti Þingeyinga og kynna framvindu verkefnanna Hraðið og Fab Lab Húsavík.

Fyrir byggðarráði liggja fyrstu drög að römmum vegna fjárhagsáætlunar 2022.
Drögin byggja á samþykktri áætlun ársins 2022 í þriggja ára áætlun fyrir árin 2022-2024.

Á 370. fundi byggðarráðs óskaði Bergur Elías Ágústsson eftir umræðu um VII kafla í samþykktum Norðurþings, sem og framkvæmd þeirra.
Á fundinum var bókað;
Byggðarráð mun fjalla áfram um málið á næsta fundi sínum.
Fyrir byggðarráði liggur minnisblað fjármálastjóra um starfsmannamál á framkvæmdasviði.

Vinnuskjal um mögulega sviðsmynd að uppbyggingu og afnotum Verbúða á Hafnarstétt á Húsavík liggur fyrir byggðarráði. Minnisblaðið er unnið af Arngrími Jóhannssyni f.h. Norðurslóðasetursins, fulltrúum Steinsteypis ehf og Reinar ehf.

Bergur Elías Ágústsson óskar eftir að atvinnumál verði tekin til umræðu sem og staða mála við atvinnustefnu sveitarfélagsins.

Er þess óskað að farið verði yfir stöðum mála hjá Eim. Eimur er samstarfsverkefni Landsvirkunar, Norðurorku og SSNE. Markmið verkefnisins er að bæta nýtingu orkuauðlinda og auka nýsköpun í orkumálum á Norðausturlandi. Ætlunin með samstarfinu er meðal annars að byggja upp atvinnulíf og auka verðmætasköpun á svæðinu, með sérstakri áherslu á sjálfbærni, grænar lausnir, nýsköpun og hátækni.


Jafnframt er þess óskað að gerð verði grein fyrir þeim aðilum sem áhuga hafa á iðnaðarsvæðinu á Bakka og hvar þeir aðilar eru staddir í sinni ákvörðunartöku.

Á 364. fundi byggðarráðs var bókað;
Byggðarráð felur sveitarstjóra að útbúa minnisblað um ástand húsnæðisins og kostnaðargreina viðhaldsþörf þess. Sömuleiðis að halda samtalinu áfram um framtíð Skjálftasetursins og uppfærslu þess í húsnæðinu.

Þegar boðað hefur verið til almennra alþingiskosninga skulu sveitarstjórnir gera kjörskrár á grundvelli kjörskrárstofna sem Þjóðskrá Íslands lætur þeim í té.
Þegar sveitarstjórn hefur lokið yfirferð sinni um kjörskrárstofninn og samningu kjörskrár er þar með lokið, skal hún undirrituð af oddvita sveitastjórnar eða framkvæmdastjórna sveitarfélags, sbr. 2. mgr. 24. grein kosningalaga og lögð fram. Nægilegt er að staðfest endurrit sé lagt fram, sbr. 3. mgr. 26. gr. laganna.
Á 115. fundi sveitarstjórnar var bókað;
Sveitarstjórn samþykkir samhljóða að veita byggðarráði umboð til þess að staðfesta kjörskrá fyrir alþingiskoningar 2021.

Á 104. fundi skipulags- og framkvæmdaráðs var bókað;
Skipulags- og framkvæmdaráð samþykkir að óska eftir viðauka vegna bílakaupa til byggðarráð að upphæð 10 milljónir króna.

Borist hefur kauptilboð frá Rakel Heru Júlíusdóttur í fasteignina Garðarsbraut 83, íbúð 302 að fjárhæð 15.800.000 krónur.
Ásett verð eignarinnar er 17.500.000 krónur.

Borist hefur ósk frá Rán ehf. um að kaupa svokallað Beinahús á verksmiðjulóð við Aðalbraut 20-22 á Raufarhöfn.

Borist hefur bréf frá Samgöngu- og sveitastjórnarráðuneytinu þar sem kynntar eru breytingar á leiðbeiningum um ritun fundargerða nr. 22/2013 og leiðbeiningum um notkun fjarfundarbúnaðar nr 1140/2013.

Borst hefur erindi frá félagsmálaráðuneytinu og Unicef á Íslandi þar sem óskað er eftir umsóknum áhugasamra sveitarfélaga um þáttöku í verkefninu Barnvæn sveitarfélög.

Boðað er til rafræns aukaþings SSNE þann 1. október nk.

Boðað er til aðalfundar Greiðrar leiðar ehf. þriðjudaginn 14. september nk. Fundurinn verður fjarfundur á Teams.

Fyrir byggðarráði liggur fréttabréf Húsavíkurstofu í ágúst 2021.