Byggðarráð Norðurþings

Formleg ósk hefur borist frá forsvarsmönnum Íslandsþara ehf. um úthlutun lóðar undir vinnslu á stórþara á Húsavík.

Í erindinu kemur fram að "Íslandsþari ehf. kt. 440693-2889 hyggi á uppbyggingu og rekstur stórþaravinnslu á Norðurlandi á næstu árum. Unnin verða verðmæt lífvirk efni úr þaranum sem mikil eftirspurn er eftir á alþjóðlegum mörkuðum. Gert er ráð fyrir því að starfsemin byggist upp á 5-6 árum og muni skapa allt að 85 bein störf í landi sem mörg hver krefjast fjölbreyttrar menntunar og sérhæfingar, auk 15 beinna starfa við útgerð."

Jafnframt segir að alls sé "þörf á um 4.000 m2 húsnæði undir vinnslu, skrifstofur, rannsóknarstofur og gestastofu. Þegar starfsemin verður komin í fullan gang er áætlað að starfrækja 2-3 þaraöflunarskip sem munu landa allt að 40 þúsund tonnum af stórþara árlega. Staðsetning með góðu aðgengi að hafnarkanti er því mikilvæg fyrir svo hafnsækna starfsemi. Þörf er á töluverðum varma við vinnsluna og tryggt langtímaaðgengi að jarðhita er því einnig mikilvægt.

Íslandsþari óskar eftir viðræðum við sveitarfélagið um úthlutun 10.000 m2
iðnaðarlóðar við Húsavíkurhöfn undir starfsemina ásamt aðgengi að nauðsynlegum innviðum, s.s. jarðhita, veitum og hafnaraðstöðu. Starfsemi fyrirtækisins mun byggja á nýjustu tækni og ströngum viðmiðum um hreinlæti, sjálfbærni og umhverfisvernd."

Erindið liggur fyrir til umræðu í byggðarráði.

Íbúafundur var haldinn á Raufarhöfn þann 23. febrúar. Á fundinum voru áform Bjargar Capital um uppbyggingu á SR lóðinni kynnt. Á mælendaskrá voru: Kristján Þór Magnússon - Sveitarstjóri, Jóhann R. Ólafsson - Björg Capital, Rögnvaldur Guðmundsson - SSNE.
Alls tóku tæplega 100 manns þátt í fundinum, bæði á staðnum og gegnum fjarfundarbúnað.

Fyrir byggðarráði liggur erindi frá Öryggisnefnd FÍA. Erindið snýr að gæðum og stöðugleika raforku, vandamál sem þarf að leysa eins fljótt og verða má. Það er með öllu óviðunandi að afhent raforka á áætlunarflugvelli sé ekki af eðlilegum gæðum.

Fyrir byggðarráði liggur að taka afstöðu um forkaupsrétt á skipi Nönnu Ósk II ÞH 133 s.s.k. 2793.
Þar sem um þilskip (dekkað skip) er að ræða og verið er að selja skip milli sveitarfélaga á neðangreint sveitarfélag forkaupsrétt á skipinu.

Fyrir byggðarráði liggja drög að samningi milli Norðurþings og Tjörneshrepps um kaup Tjörneshrepps á þjónustu skipulags- og byggingafulltrúa Norðurþings. Samingurinn hefur verið samþykktur af sveitarstjórn Tjörneshrepps.

Samþykkt var í byggðarráði á fundi 383 þann 6. jan síðastliðinn að bjóða Tjörneshreppi samning.

Fyrir byggðarráði liggur til umræðu. Kostnaðarþátttaka Norðurþings í endurskoðun svæðisáætlunar um meðhöndlun úrgangs á Norðurlandi.

Fyrir byggðarráði liggur að tilnefna fulltrúa í starfshóp um samgöngu- og innviðastefnu.
SSNE leitar eftir einum fulltrúa frá Norðurþingi í starfshópinn. SSNE leggur það í hendur sveitarfélagsins að ákveða hvort fulltrúi þess er kjörinn fulltrúi eða starfsmaður sveitarfélagsins. Þess er óskað að tilnefning fulltrúa í starfshópinn berist SSNE eigi síðar en 11. mars n.k.

Til kynningar í byggðarráði er auglýsing eftir framboðum í stjórn Lánasjóðs sveitarfélaga.
Frestur til að skila framboðum eða tilnefningum til kjörnefndar rennur út kl. 12 á hádegi miðvikudaginn 9. mars 2022.

Fyrir byggðarráði liggur til kynningar 906. fundargerð stjórnar Sambands íslenskra sveitarfélaga.

Fyrir byggðarráði liggur til kynningar fundargerð 35. fundar frá 09.02.2022.

Fyrir byggðarráði liggur til kynningar fundargerð frá 87. fundi haldinn þann 08.02.2022 í svæðisráði Vatnajökulsþjóðgarðs.

Fyrir byggðarráði liggja til kynningar fundargerðir Húsavíkurstofu frá desember 2021, janúar og febrúar 2022.

Umhverfis- og samgöngunefnd Alþingis óskar eftir umsögn um tillögu til þingsályktunar um áætlun um vernd og orkunýtingu landsvæða, 332. mál.

Sama nefnd óskar einnig eftir umsögn um frumvarp til laga um breytingu á lögum um fjarskipti, 43. mál.

Til umsagnar í byggðarráði. Velferðarnefnd Alþingis sendir yður til umsagnar frumvarp til laga um breytingu á lögum um málefni innflytjenda, nr. 116/2012 (móttaka einstaklinga með vernd, innflytjendaráð), 271. mál.