Fræðslu- og menningarnefnd Norðurþings

Eyrún gerði grein fyrir fjárhagsáætlun bókasafnsins á Húsavik vegna 2016, áætlunin er innan þess ramma sem safninu var markaður.

Samningurinn lagður fram til kynningar.

Drög að leiðbeinandi matsviðmiðum fyrir 4. og 7. bekk lögð fram til kynningar.

Viðgerð á verkinu er lokið, kostnaður fór nokkuð fram úr áætlun. Kostnaður greiðist úr lista- og menningarsjóði en kemur ekki til skerðingar á úthlutunarfé yfirstandandi árs.

Samningur um Mærudag 2015 kynntur nefndinni.

Fræðslu- og menningarnefnd leggur til að umsýsla menningarmála verði á hendi verkefnisstjóra atvinnumála. Fyrst um sinn heyri menningarmál undir fræðslu- og menningarnefnd, í tengslum við nýjar samþykktir sveitarfélagsins verði tekin afstaða til þess hvaða nefnd fer með málaflokkinn.

Fræðslu- og menningarnefnd leggur til að utanumhald um vinabæjasamskipti flytjist til tómstunda- og æskulýðsnefndar og tómstunda- og æskulýðsfulltrúa.

Samantekt fræðslu- og menningarfulltrúa um sérfræðiþjópnustu við skóla í Norðurþingi lögð fram til kynningar. Nefndin tekur undir þau sjónarmið sem fram koma og tekur málið til frekari umfjöllunar.

Fræðslu- og menningarfulltrúi gerði grein fyrir stöðu málaflokksins miðað við sjö mánuði.

Fræðslu- og menningarfulltrúi gerði grein fyrir stöðu málaflokksins miðað við 7 mánuði.

Fræðslu- og menningarnefnd felur fræðslu- og menningarfulltrúa að leita umsagnar Sambands íslenskra sveitarfélaga um tillögu að endurskoðuðum viðmiðunarreglum um skólaakstur.

Stefanía gerði grein fyrir fjárhagsáætlun bókasafns Öxarfjarðar vegna ársins 2016, áætlunin er innan ramma.

Fulltrúar bókasafnanna viku af fundi kl. 12:40.

Guðrún S. Kristjánsdóttir fylgdi skýrslu ársskýrslu Öxarfjarðarskóla vegna skólaársins 2014-2015 úr hlaði.

Fræðslu- og menningarnefnd staðfestir tillögu forstöðumanna að gjaldskrá bókasafnanna í Norðurþingi verði óbreytt fyrir árið 2016.

Erla og Eyrún gerðu grein fyrir stöðu mála og áætlun um framhald vinnunnar.

Fræðslu- og menningarnefnd samþykkir fyrirliggjandi reglur leikskóladeildar Grunnskóla Raufarhafnar.

Fulltrúar Grunnskóla Raufarhafnar viku af fundi kl. 12:00.

Birna Björnsdóttir gerði grein fyrir fjárhagsáæltun skólans, hún er innan þess ramma sem að skólanum var úthlutað, nokkur óvissa er um þörf fyrir stuðning einkum vegna tvítyngis nemenda.

Birna Björnsdóttir skólastjóri gerði grein fyrir starfsáætlun skólaárið 2015-2016. Fyrirsjáanleg er fjölgun nemenda bæði í leik- og grunnskóla nemendur í grunnskóla eru nú 9 og 8 í leikskóla. Vegna breyttrar aldurssamsetningar í grunnskóla og fjölda nemenda með annað móðurmál en íslensku er aukið stöðuhlutfall í kennslu. Stöðugildi við skólann eru 5,3.

Skýrsla skólaársins 2014-2015 lögð fram.

Fræðslu- og menningarnefnd býður Birnu Björnsdóttur velkomna til starfa sem skólastjóra og hlakkar til samstarfs við hana.

Birna Björnsdóttir og Guðrún S. Kristjánsdóttir skólastjórar gerðu grein fyrir áætlun um samstarf skólanna á komandi skólaári.
Nefnidn staðfestir áætlunina.

Fulltrúar Öxarfjarðarskóla viku af fundi kl. 11:40.

Hrund og Stefán véku af fundi við afgreiðslu málsins.

Fræðslu- og menningarnefnd felur fræðslu- og menningarfulltrúa ásamt fjármálastjóra að ganga til samninga við Kristinn Rúnar Tryggvason á Hóli um akstur á skólabörnum frá Reistarnesi.

Guðrún S. Kristjánsdóttir kynnti drög að fjárhagsáætlun skólans sem rúmast innan þess fjárhagsramma sem að skólanum hefur verið úthlutað. Óvissa er um verkefni svo sem rekstur leikskóladeildar á Kópaskeri og breytingar á skólaakstri.

Skólinn hefur verið valinn til forprófunar á rafrænni fyrirlögn samræmdra prófa, skólinn fagnar því tækifæri.

Guðrún S. Krisjánsdóttir gerði grein fyrir starfsáætlun skólans skólaárið 2015-2016 stöðugildi eru 15,8 og starfsmenn 20. Starfsmannahald er stöðugt og mannabretyingar litlar. Nemendur í grunnskóla verða 32, í leikskóladeildum eru nú 11 en gætu orðið 15 um áramót. Skólinn tekur þátt í þróunarverkefnum svo sem byrjendalæsi og læsi til náms og er að hefja samstarf við HA um stærðfræði.