Fræðslunefnd

Sigríður Valdís, leikskólastjóri Grænuvalla, kynnti skýrsluna og fór yfir starfsemi skólans á skólaárinu. Mikið álag er á starfsfólki leikskóla og forföll þess vegna umtalsverð. Leikskólastjóri sér fram á að geta ráðið fleira starfsfólk með haustinu og létt á álagi vegna undirmönnunar. Eftir sem áður munu stjórnendur leikskólans leita leiða til að létta enn frekar á álagi starfsfólks.

Birna, skólastjóri Grunnskóla Raufarhafnar, kynnti ársskýrsluna og starfssemi skólans á skólaárinu. Samstarfi Grunnskóla Raufarhafnar og Öxarfjarðarskóla verða gerð skil sérstaklega á næsta fundi nefndarinnar. Erfið staða smærri skóla þegar kemur að því að þjónusta nemendur með annað móðurmál en íslensku og aukið álag vegna þjónustu við þá rædd. Fræðslufulltrúa er falið að kanna hvaða þjónusta er í boði.

Fræðslunefnd samþykkir uppbyggingu rannsóknaraðstöðu í Grunnskóla Raufarhafnar.

Gengið hefur verið frá ráðningu Birnu Björnsdóttur í starf skólastjóra Grunnskóla Raufarhafnar. Birna, sem var eini umsækjandinn um stöðuna, hefur undanfarin tvö ár gegnt starfi skólastjóra tímabundið.

Birna kynnti skóladagatal skólaársins 2017-2018. Fræðslunefnd staðfestir fyrirliggjandi tillögu að skóladagatali.

Guðrún, skólastjóri Öxarfjarðarskóla, kynnti skýrsluna og starfssemi skólans á skólaárinu 2016-2017.

Guðrún skólastjóri Öxarfjarðarskóla gerði grein fyrir starfsáætluninni. Skólastjórar Öxarfjarðarskóla og Grunnskóla Raufarhafnar munu taka til endurskoðunar samstarf skólanna sem hefur verið með þeim hætti að nemendur Grunnskóla Raufarhafnar hafa verið einu sinni í viku í Öxarfjarðarskóla. Fræðslunefnd ítrekar að haldið verði í sérstöðu hvers skóla fyrir sig svo sem þátttöku nemenda Öxarfjarðarskóla í sauðburði.

Þar sem viðmiðum um skráningar fjögurra barna á leikskóladeildinni á Kópaskeri hefur verið náð mun deildin verða rekin áfram skólaárið 2017-2018. Þá vísar fræðslunefnd einnig til bókunar sinnar frá fundi 10. maí sl. um eflingu deildarinnar.

Erindinu er hafnað með atkvæðum Berglindar Jónu, Jóns, Sigríðar og Olgu.
Stefán Leifur vill samþykkja erindið.

Samstarfssamningur Norðurþings við Langanesbyggð, Skútustaðahrepp og Tjörneshrepp um ráðgjafarþjónustu í félags- og skólamálum rann út í lok árs 2015 en framlengist um eitt ár í senn sé honum ekki sagt upp. Viðræður um endurnýjun samningsins eru hafnar. Skólaþjónusta Norðurþings hefur fram til þessa verið undir félagsþjónustusviði og því verið velt upp hvort eðlilegra sé að þjónustan tilheyri fræðslusviði. Við skólaþjónustu Norðurþings starfa nú tveir sálfræðingar í samtals rétt rúmlega einu stöðugildi og sérkennsluráðgjafi í einu stöðugildi. Erfitt hefur reynst fyrir skólaþjónustuna að sinna lögbundnu hlutverki sínu er varðar stuðning við skóla og starfsfólk þeirra. Mikilvægt er að Skólaþjónusta Norðurþings verði efld þannig að hún geti sinnt hlutverki sínu í skólaþróun, við gerð og mótun stefnu sveitarfélagsins í skólamálum, við endurmenntun og fræðslu kennara og í almennum stuðningi við skóla eftir þörfum hvers og eins. Fræðslunefnd óskar eftir að málefni skólaþjónustu verði færð undir fræðslusvið með það að markmiði að efla hana.