Hverfisráð Reykjahverfis 2017

Lagt fram til kynningar.

Lagt fram til kynningar.

Byggðarráð þakkar Aðalheiði fyrir komuna.

Byggðarráð vísar fundargerðinni til umfjöllunar í Framkvæmdanefnd og stjórn Orkuveitunnar.

Framkvæmdanefnd fagnar þeim fyrirspurnum sem bárust frá hverfisráði Reykjahverfis eftir fund ráðsins þann 13. febrúar sl.

1. Lagningu ljósleiðara um Reykjahverfið er nú að mestu lokið þótt mögulega séu einhverjar eftirstöðvar í frágangi og tiltekt.
Unnið er að því að tengja strenginn úr Norðurþingi yfir í Þingeyjasveit með tengingu milli Laxamýrar og Tjarnar og verður flugvöllurinn í Aðaldal tengdur samhliða því.

2. Stefnt er að því að takmarka umferðarhraða um þéttbýliskjarna Reykjahverfis eða öllu heldur við Hveravelli, en sú vinna verður að fara fram í samvinnu við Vegagerðina.
Snjómokstur og viðhald heimreiða er alfarið á hendi Vegagerðar. Að sama skapi er það Vegagerðarinnar að viðhalda þjóðvegum landsins og er það eins með þjóðveginn um Reykjahverfið. Sveitarfélagið mun áfram þrýsta á Vegagerðina að sinna skyldum sínum.

3. Vonir standa til þess að hægt verði að stækka íbúabyggð í Hrísateigi til samræmis við ríkjandi deiliskipulag á því svæði. Sveitarfélagið hefur lýst sig reiðubúið til þess að standa að þeirri gatnagerð og veituframkvæmdum sem nauðsynlegar eru til þess að hægt sé að nýta þær lóðir sem lausar eru.

Stjórn Orkuveitu Húsavíkur þakkar hverfisráði Reykjahverfis fyrir erindið.
Í sögulegu samhengi var talið nauðsynlegt að fá niðurstöðu í þau ágreiningsmál sem uppi voru milli GR og OH og nú liggur fyrir endanleg niðurstaða hvað þau varðar.
Varðandi hugmyndir um nýja hitaveitulögn um Reykjahverfi, þá hafa líkurnar aukist á því að háþrýst hitaveitulögn til orkustöðvarinnar á Húsavík verði notuð áfram í þeim tilgangi sem hún hefur þjónað.
Því er ljóst að leggja þarf nýja lögn í stað þeirrar gömlu.
Framkvæmdastjóra falið að finna leiðir, kostnaðargreina framkvæmdina og leggja fyrir stjórn OH.

Byggðarráð þakkar hverfisráði Reykjahverfis vandaða umfjöllun um málefni Heiðarbæjar. Fyrir liggur sú ályktun af íbúafundi að „íbúar Reykjahverfis hafi aðgang að sal og félagsaðstöðu í Heiðarbæ. Eignarhald verði annað hvort á hendi núverandi eigenda eða einstaklings eða lögaðila sem hafi lögheimili í Reykjahverfi.“ Þá er þess farið á leit að í fundargerð íbúafundar að Norðurþing hafi samráð við íbúa um framgang málsins.

Byggðarráð telur mikilvægt að íbúar sjálfir hafi beina aðkomu að afgerandi ákvörðunum um framtíð félagsheimila í sinni sveit, einkum mögulegri sölu úr samfélagseigu. Í ljósi þessa telur byggðarráð eðlilegt að hverfisráð fjalli áfram um málið með áframhaldandi samráði við íbúa, með íbúafundi og/eða -kosningu í Reykjahverfi.

Sveitarstjóra er falið að eiga samtal við lóðarhafa Heiðarbæjar um málið.

Byggðarráð tekur undir hvatningu hverfisráðs Reykjahverfis til íbúa um að yfirfara brunavarnir á heimilum sínum og í fyrirtækjum.
Máli númer 5 er vísað til skipulags- og framkvæmdaráðs.

Lagt fram til kynningar.

Skipulags- og framkvæmdaráð þakkar hverfisráði Reykjahverfis ábendinguna.

Byggðarráð felur sveitarstjóra að svara lið 1 í fundargerðinni um greiðslur fyrir fundarsetu í samræmi við 7. gr. samþykkta um hverfisráð Norðurþings þar sem kveðið er á um að greitt sé fyrir fundi hverfisráða á sama hátt og setu í nefndum sveitarfélagsins.
Byggðarráð vísar liðum 2, 3, 4 og 6 til skipulags- og framkvæmdaráðs.
Til upplýsingar varðandi lið 5 þá hefur sveitarstjóra þegar verið falið að kanna rekstrarmöguleika Heiðarbæjar til framtíðar.
Lagt fram til kynningar.

Skipulags- og framkvæmdaráð þakkar erindið.
Á síðasta ári tók gildi ný fráveitusamþykkt í Norðurþingi þar sem umsjón með tæmingu rotþróa var aftur sett á forsjá sveitarfélagsins, en áður höfðu rotþróaeigendur sjálfir umsjón með tæmingu sinna rotþróa.
Á síðasta ári stóð sveitarfélagið að tæmingu rotþróa í Reykjahverfi, en á þessu ári stendur til að tæma rotþrær í Kelduhverfi, Öxarfirði og á Sléttu. Mun tæming fara fram annað hvert ár, en innheimta rotþróargjalda mun fara fram samhliða innheimtu fasteignagjalda á sama hátt og innheimtu fráveitugjalda er háttað í þéttbýli.

Viðhald heimreiða í dreifbýli er á forsjá Vegagerðarinnar en ekki sveitarfélaga og því yrði áætlun skipulags- og framkvæmdaráðs hvað það varðar algerlega marklaus, hvort sem hún yrði unnin í samstarfi við Vegagerðina eða ekki. Hins vegar hefur byggðarráð óskað eftir fundi með Vegagerðinni til þess að ræða vegamál í sveitarfélaginu almennt og munu þessi mál verða rædd á þeim fundi.

Að beiðni verktaka og í ljósi minnkandi framlegðar við smærri verkefni, þá gildir sá samningur sem sveitarfélagið hefur gert við Malbikun Akureyrar ehf., aðeins vegna verkefna á vegum sveitarfélagsins.

Skipulags- og framkvæmdaráð þakkar erindið og hugmyndina en hyggst ekki framkvæma verkið.

Skipulags- og framkvæmdaráð þakkar erindið og mun nota sumarið til að endurskoða þessi mál.

Silja Jóhannesdóttir vék af fundi kl. 10:45.

Byggðarráð vísar í fyrri svör vegna liðar 3. í fundargerðinni samanber 7. grein samþykktar Norðurþings um hverfisráð og samþykktar Norðurþings um kjör kjörinna fulltrúa.