Byggðarráð Norðurþings

Borist hefur ósk frá Örlygi Hnefli Örlygssyni, fyrir hönd Könnunarsafnsins, um niðurfellingu fasteignaskatts á Héðinsbraut 3a. Óskað er eftir undanþágu frá greiðslu fasteignaskatts og endurgreiðslu fasteignaskatts fyrir árin 2015, 2016, 2017, 2018 og 2019.

Til umræðu í byggðarráði er framtíð rekstrar í Heiðarbæ í Reykjahverfi til næstu ára. Uppgjör við núverandi rekstraraðila mun liggja fyrir eigi síðar en 10. október n.k. og mun þá liggja fyrir hvort auglýst verði eftir nýjum rekstraraðilum.

Bergur Elías Ágústsson hefur óskað eftir að farið verði yfir stöðu fjárfestinga á árinu og yfirlit yfir viðhald ársins.

Bergur Elías Ágústsson hefur óskað eftir að lagt verði fram yfirlit yfir kostnað við vatnsrennibraut við sundlaug Húsavíkur, óskað er eftir yfirliti yfir allan kostnað frá upphafi til loka verksins.

Undanfarin ár hefur Gallup mælt viðhorf íbúa til þjónustu stærstu sveitarfélaga landsins. Niðurstöður nýtast við mat á frammistöðu sveitarfélaga bæði í samanburði við önnur sveitarfélög og fyrri frammistöðu. Eins nýtast þær við forgangsröðun á aðgerðum sveitarfélaga. Samanburður er sýndur milli viðhorfa þeirra sem nota viðkomandi þjónustu reglulega og þeirra sem nota hana ekki.

Á 42. fundi fjölskylduráðs var tekin til umræðu bygging á íbúðakjarna fyrir fatlaða. Á fundi ráðsins var bókað;

Fjölskylduráð samþykkir að fara í framkvæmd á búsetuúrræði fyrir fatlaða og að sótt verði um stofnframlög til verkefnisins.

Málinu er vísað til skipulags-og framkvæmdaráðs og byggðarráðs.

Borist hefur erindi frá Ólafi Jónssyni þar sem hann hvetur sveitarstjórnir og sambönd sveitarfélaga á Norðurlandi um að sameinast um það að koma á laggirnar verkefnahóp sem myndi skoða möguleika á tvennum jarðgöngum, sem færu úr Hörgárdal yfir í Skíðadal, sem er inn af Svarfaðardal, og þaðan vestur í Kolbeinsdal í Skagafirði.

Á 42. fundi fjölskylduráðs var tekin fyrir gjaldskrá vegna "þjónustan heim" fyrir árið 2020. Á fundi ráðsins var bókað;
Fjölskylduráð samþykkir gjaldskrá "Þjónustan heim" fyrir árið 2020 og vísar henni til staðfestingar í sveitarstjórn.

Fyrir byggðarráði liggur fundargerð hverfisráðs Reykjahverfis frá 2. september s.l.

Fyrir byggðarráði liggja fundargerðir 319. til 324. funda Eyþings, ásamt fundargerð aukaaðalfundar frá 9. apríl 2019 og skýrslu stjórnar.

Fjármálastjóri fer yfir stöðu vinnunnar við fjárhagsáætlunargerðina, breytingar á römmum vegna innri leigu, tekjuáætlun 2020 og rekstur málaflokkanna; 21 Sameiginlegur kostnaður, 57 Félagslegar íbúðir, 13 Atvinnumál og 07 Brunamál og almannavarnir.
Einnig verður farið yfir fjármál leikskóla að beiðni Bergs Elíasar Ágústssonar.