Erindi Bakkakróks til Norðurþings vegna Bakkavegs 4

Fyrir byggðarráði liggur erindi Bakkakróks ehf. varðandi lóðina að Bakkavegi 4. Annars vegar er um að ræða ósk um breytingu á nýtingarhlutfalli lóðarinnar og hins vegar er óskað eftir fundi til að gera samkomulag um lagningu bráðabirgðavegar inn á lóðina, væntanlega frá núverandi vegi að verksmiðju PCC og áfram í vestur.

Fyrir skipulags- og framkvæmdaráði liggur erindi Bakkakróks ehf. varðandi lóðina að Bakkavegi 4. Annars vegar er um að ræða ósk um breytingu á nýtingarhlutfalli lóðarinnar og hins vegar er óskað eftir fundi til að gera samkomulag um lagningu bráðabirgðavegar inn á lóðina, væntanlega frá núverandi vegi að verksmiðju PCC og áfram í vestur.


Á 314. fundi byggðarráðs Norðurþings var eftirfarandi bókað um málið: Byggðarráð felur sveitarstjóra að koma á fundi með forsvarsmönnum Bakkakróks ehf. og fulltrúum skipulags- og framkvæmdaráðs og byggðarráðs. Einnig felur ráðið sveitarstjóra að funda áfram um vegalagningu á Bakka með fulltrúum viðeigandi ráðuneyta.

Á 57. fundur skipulags- og framkvæmdaráðs var eftirfarandi bókað:
Skipulags- og framkvæmdaráð tekur jákvætt í erindið og leggur til við sveitarstjórn að nýtingarhlutfallið lóðarinnar verði 0,15 í stað 0,40 í ljósi annmarka á nýtingarmöguleikum á lóðinni. Ráðið felur framkvæmda- og þjónustufulltrúa og sveitarstjóra að hefja viðræður um mögulega uppbyggingu innviða á svæðinu.

Til umræðu í byggðarráði eru forsendur samkomulags sem unnið er að um það hvernig ljúka megi vegtengingu frá þjóðvegi 85 norðan Húsavíkur við hafnarsvæðið um Húsavíkurhöfðagöng. Sömuleiðis er til umræðu og afgreiðslu forsendur samkomulags við lóðarhafa að Bakkavegi 4 um greiðslu gatnagerðargjalda í tengslum við uppbyggingu vegarins að lóð þeirra á Bakka.

Til kynningar fyrir skipulags- og framkvæmdaráð liggja drög að samkomulagi milli Norðurþings annarsvegar og Bakkakróks ehf. hinsvegar varðandi vegagerð og greiðslu gatnagerðargjalda á lóð E1 á Bakka sem Bakkakrókur ehf. hefur fengið úthlutað undir starfsemi sína þar.

Á 80. fundi skipulags- og framkvæmdaráðs 13. október 2020 var eftirfarandi bókað:
Skipulags- og framkvæmdaráð vísar drögunum til sveitarstjórnar.