Skipulags- og framkvæmdaráð

Til kynningar fyrir skipulags- og framkvæmdaráð liggja drög að samkomulagi milli Norðurþings annarsvegar og Bakkakróks ehf. hinsvegar varðandi vegagerð og greiðslu gatnagerðargjalda á lóð E1 á Bakka sem Bakkakrókur ehf. hefur fengið úthlutað undir starfsemi sína þar.

Á 341. fundi byggðaráðs var eftirfarandi bókað : Byggðarráð felur sveitarstjóra, fyrir hönd Víkur hses., að ganga til samninga við tilboðsgjafa á grunni þess tilboðs sem barst. Heildartilboðsfjárhæð í íbúðakjarna fyrir fatlaða með VSK hljóðaði upp á 178.311.750 krónur.
Byggðarráð vísar verkefninu til kynningar í skipulags- og framkvæmdaráði og fjölskylduráði.

Eitt tilboð barst í tengslum við útboðsferli vegna byggingar kjarnasambýlis sem fyrirhugað er að reisa að Stóragarði 12. Tilboð frá Trésmiðjunni Rein ehf. er til kynningar fyrir skipulags- og framkvæmdaráð.

Fyrir liggja drög að verksamningi við verkaðila vegna niðurrifs og förgunar síupoka við sorpstöð í Víðimóum 3. Óskað er afstöðu skipulags- og framvkæmdaráðs og samþykkis til þess að halda áfram með málið á þeim nótum sem þar er tiltekið.

Mikilvægt er að umræða fari fram um hvernig mæta skuli auknum kostnaði við sorphirðu innan þéttbýlis Húsavíkur og í Reykjahverfi í tengslum við sorphirðusamning milli Norðurþings og Íslenska Gámafélagsins ehf.

Óskað er afstöðu skipulags- og framkvæmdaráðs til gjaldskrár þjónustumiðstöðvar Norðurþings.

Á 77. fundi skipulags- og framkvæmdaráðs var eftirfarandi erindi tekið fyrir, "Þjónustumiðstöð Norðurþings á Húsavík hefur um allnokkurt skeið leigt gámaeiningar fyrir skrifstofu og starfsmannaaðstöðu. Bergur Elías Ágústsson óskar að lagðir verið fram leigureikningar fyrir framangreindar einingar frá upphafi og til dagsins í dag. Jafnframt er þess óskað að tekin verið afstaða til þess hvort hagkvæmara sé að leigja áfram eða finna aðrar lausnir fyrir starfsemi Þjónustumiðstöðvar á Húsavík."
Niðurstaða þess fundar var eftirfarandi: Skipulags- og framkvæmdaráð felur framkvæmda- og þjónustufulltrúa að leggja fram sviðsmyndir að varanlegri lausn þessara mála. Málið verður tekið aftur fyrir á fyrsta fundi ráðsins í október 2020.
Nú liggja fyrir gögn frá framkvæmdasviði varðandi málið og er óskað eftir afstöðu skipulags- og framvkæmdaráðs til þessa verkefnis og þarf að skýra eftirfarandi:
1. Ákvörðun um staðsetningu áhaldahússreksturs á Húsavík til framtíðar.
2. Ákvörðun um hvort fjarlægja skuli leigugáma og ráðast í framkvæmdir innanhúss til þess að bæta aðstöðu áhaldahúss á Húsavík.
3. Ákvörðun um kostnaðarlega framvindu uppbyggingarverkefnis í tengslum við húsnæði þjónustumiðstöðvar, verði því fleytt á milli ára.

Samstarfsverkefni Orkuveitu Húsavíkur ohf. og Norðurþings sem snýr að yfirborðsfrágangi efri hluta Ásagarðsvegar að Fossbergi ásamt endurnýjun veitulagna og framræsingu yfirborðsvatns úr Grundargarði.
Útboðsferli vegna ofangreindra framkvæmda er að baki og liggja upphæðir innsendra tilboða fyrir, en Höfðavélar ehf. áttu lægsta tilboð í verkefnið.

Kallað er eftir ákvörðun skipulags- og framkvæmdaráðs varðandi gatnagerðarhluta verkefnisins.

Til kynningar fyrir skipulags- og framkvæmdaráð eru tilboð sem bárust.

Fyrir fundi liggur uppfærð framkvæmdaáætlun ársins 2020 með samþykktum breytingum undanfarinna funda ráðsins og útgönguspá fyrir árið 2020.

Elvar Árni Lund, f.h. lóðarhafa, óskar þess að gerður verði lóðarsamningur vegna lóðarinnar Röndin 5 á Kópaskeri á grundvelli fyrirliggjandi lóðarblaðs sem dags. er 14. desember 1994. Flatarmál lóðarinnar er 2.343 m².

Rifós hf. óskar eftir að fá lóðinni Röndin fiskeldi úthlutað undir uppbyggingu fiskeldis til samræmis við gildandi deiliskipulag. Lóðin er 34.375 m² að flatarmáli eins og nánar kemur fram í hnitsettu lóðarblaði.

Rifós hf. óskar eftir leyfi til framkvæmda á lóðinni Röndin fiskeldi L230573. Framkvæmdir við fyrsta áfanga fela í sér uppbyggingu þjónustuhúss, kerjapalls fyrir 8 útiker, þrjú fóðursíló og seyrutank. Fyrstu framkvæmdir fela í sér undirbúning lóðarinnar undir þessi mannvirki, þ.m.t. fyllingar undir mannvirki, og frágang umferðarleiða og bílastæða innan lóða. Ekki liggja fyrir hönnunargögn vegna einstakra mannvirkja en sótt verður um byggingarleyfi fyrir þeim þegar gögn þar að lútandi eru tilbúin. Fyrirhugaður framkvæmdatími er frá október 2020 með verklokum að vori 2021. Skipulagsstofnun úrskurðaði þann 21. september s.l. um að fyrirhuguð framkvæmd væri ekki líkleg til að hafa með sér veruleg umhverfisáhrif og sé því ekki háð mati á umhverfisáhrifum.

Skipulags- og byggingarfulltrúi hefur samþykkt byggingaráform fyrir seiðahúsi við fiskeldisstöð fyrirtækisins að Lóni í Kelduhverfi. Húsið er 748,7 m² að flatarmáli. Byggingarfulltrúi kynnti þau gögn sem lágu til grundvallar afgreiðslunni.

Íslandsþari ehf. óskar eftir lóð undir uppbyggingu stórþaravinnslu á Húsavík. Sótt er um lóðina að Hrísmóum 3, en jafnframt óskað eftir forgangi að lóðinni að Hrísmóum 5 til allt að þriggja ára með það í huga að sameina lóðirnar. Fram kemur í umsókn að aðrar lóðir á sama iðnaðarsvæði kæmu einnig til greina en áætluð þörf fyrir lóð er um 8.000 m².

Fyrir ráðinu liggja drög að fjárhagsáætlun hafnasjóðs fyrir árið 2021.

Umræða um gjaldskrár hafna fyrir árið 2021.

Til skoðunar er að ráðast í viðhaldsdýpkun hafna á Húsavík, á Raufarhöfn og eftir atvikum á Kópaskeri. Meta þarf þörf til dýpkunar á Raufarhöfn eftir mælingar sem fyrirhugaðar eru innan skamms. Tilkynna þarf um framkvæmdir til UST og Skipulagsstofnunar að undangengnu áliti sveitarstjórnar um matsskyldu framkvæmda. Óskað er eftir því að ráðið taki afstöðu til fyrirhugaðra dýpkunarframkvæmda og óski eftir afstöðu sveitarstjórnar til málsins.