Skipulags- og framkvæmdaráð

Fyrir skipulags- og framkvæmdaráði liggur erindi Bakkakróks ehf. varðandi lóðina að Bakkavegi 4. Annars vegar er um að ræða ósk um breytingu á nýtingarhlutfalli lóðarinnar og hins vegar er óskað eftir fundi til að gera samkomulag um lagningu bráðabirgðavegar inn á lóðina, væntanlega frá núverandi vegi að verksmiðju PCC og áfram í vestur.


Á 314. fundi byggðarráðs Norðurþings var eftirfarandi bókað um málið: Byggðarráð felur sveitarstjóra að koma á fundi með forsvarsmönnum Bakkakróks ehf. og fulltrúum skipulags- og framkvæmdaráðs og byggðarráðs. Einnig felur ráðið sveitarstjóra að funda áfram um vegalagningu á Bakka með fulltrúum viðeigandi ráðuneyta.

Nú er lokið grenndarkynningu á breytingu deiliskipulags íbúðarsvæðis Í5. Engar athugasemdir bárust.

Árni Pétur Aðalsteinsson og Kaja Martina Kristjánsdóttir óska eftir byggingarleyfi fyrir viðbyggingu við húseign sína að Sólbrekku 21 á Húsavík.
Viðbygging, sem hugsuð er sem geymsla, er steinsteypt, 77,3 m² og að mestu niðurgrafin. Þak byggingarinnar er hugsað sem útivistaraðstaða á lóðinni. Fyrir liggur skriflegt samþykki aðliggjandi nágranna að Sólbrekku 23. Teikning er unnin af Vigfúsi Sigurðssyni byggingartæknifræðingi.

Óskað er eftir tilfærslu fjármagns á framkvæmdaáætlun hafnasjóðs 2019 að upphæð 2,3 m.kr. til að hægt sé að klára verkið. Fjárhæð þessi rúmast innan framkvæmdaáætlunarinnar og er því einungis um tilfærslu að ræða.
Fjármagn færist af verkinu - Ófyrirséður kostnaður á Bökugarði.

Fyrir skipulags- og framkvæmdaráði liggja til kynningar 419. fundargerð hafnasambands Íslands og 20. fundargerð Siglingaráðs.

Fyrir skipulags- og framkvæmdaráði liggur erindi frá Valdimar Halldórssyni varðandi ástand göngustígs frá Húsavíkurkirkju á hafnarsvæði.

Til kynningar fyrir skipulags- og frakmvæmdaráði eru þau tilboð sem bárust í verkefnið "Gatnaframkvæmdir við Reykjaheiðarveg" sem sett hefur verið á framkvæmdaáætlun 2020.

Fyrir skipulags- og framkvæmdaráði liggja drög að tímabundnum samningi vegna snjómoksturs í Reykjahverfi og er gert ráð fyrir að samningurinn muni gilda út apríl 2020. Óskað er afstöðu ráðsins til fyrirliggja samningsdraga og ákvörðunar um val á verktaka svo hægt sé að ganga frá snjómoksturssamningi í Reykjahverfi hið fyrsta.

Fyrir fundi liggur kynning á framvindu fjárfestingar framkvæmdasviðs á nýju ökutæki.
Vinnutækið er Iveco Daily 70S18HA8 WX 4X4 og verður útbúin 3way sturtupalli og Palfinger PK4200A krana.
Mun nýr bíll leysa af hólmi eldri og óhagkvæma Man vörubifreið, eldri Iveco Daily bifreið auk Ford transit pallbíl sem þegar hefur verið færður yfir til hafnarinnar.
Uppsetning bílsins miðast við að geta sinnt öllum daglegum verkefnum Þjónustumiðstöðvar allt árið um kring, bæta vinnuaðstöðu og sjálfbærni starfsfólks í verkefnum þar sem færa þarf þunga hluti/tæki eða við smávægilega efnisflutninga. Ásamt því er bíllinn þannig útbúinn að hann geti unnið við erfiðar aðstæður þar sem aðgengi er ekki gott.
Lagt er upp með að tækið verði selt út á daggjaldi samkvæmt gjaldskrá Þjónustumiðstöðvar Norðurþings.

Hverfisráð Öxarfjarðar sendi erindi og bað um að fá þetta mál til umsagnar vegna nálægðar lands við þorpið, fyrirætlanir um að nýta lífrænan úrgang sem áburð og hættu á foki.

Fyrir ráðinu liggur fundargerð fundar Hverfisráðs Raufarhafnar og fulltrúa Norðurþings frá því 30. janúar síðastliðinn. Mikið var rætt um framtíð Breiðabliks og SR - lóðarinnar. Til kynningar fyrir ráðið og umræðu.

Fyrir skipulags- og framkvæmdaráði liggur erindi frá SSNE vegna byggðaáætlunar-náttúruvernd og efling byggða. SSNE óskar eftir hugmyndum að mögulegum verkefnum sem falla undir þann lið byggðaáætlunarinnar.

Norðurþing var eins og undanfarin ár þátttakandi í árlegum spurningavagni Gallup um þjónustu sveitarfélaga á Íslandi. Könnunin fór fram í nóvember og desember 2019 og liggja niðurstöður nú fyrir til kynningar.

Þekkingarnet Þingeyinga hefur gefið út þrjár skýrslur sem hagnýta má til grundvallar stefnumörkun og ákvarðanatöku á ýmsum sviðum. Skýrslurnar eru; samantekt á mannfjöldaþróun í Þingeyjarsýslum á tímabilinu 2010-2019 og niðurstöður viðhorfsrannsóknar um búsetugæði í Þingeyjarsýslum árið 2018 og samanburður við hliðstæða könnun frá 2009.
Sú þriðja fjallar um niðurstöður rannsóknar um svæðisbundna stýringu hafsvæða með Skjálfanda sem raundæmi. Þar er tekið á skipulagi haf- og strandsvæða og ferlinu í kringum það. Skýrslan liggur hér fyrir til kynningar.