Grunnskóli Raufarhafnar - Starfsemi 2023-2024

Í ljósi þess að ekki hefur borist svar frá Menntamálaráðuneytinu við umsókn um þróunarskólaleyfi vegna skólastarfs á Raufarhöfn samþykkir fjölskylduráð fyrirliggjandi tillögu að útfærslu á skólahaldi á Raufarhöfn á komandi skólaári.

Tillagan felur í sér að eldri börnum skólans verði kennt í Ásgarðsskóla - Skóla í skýjunum en yngri börnum kennt á staðnum. Áfram verður samstarf við Öxarfjarðarskóla. Ráðið felur fræðslufulltrúa að kynna útfærsluna fyrir foreldrum.

Fjölskylduráð samþykkir tillögu fræðslufulltrúa varðandi samstarf Grunnskóla Raufarhafnar og Öxarfjarðarskóla og breytingu á skólaakstri sem það felur í sér.

Fjölskylduráð samþykkir erindið og felur fræðslufulltrúa að útbúa viðauka vegna málsins og leggja fyrir ráðið að nýju.

Lagt fram til kynningar.

Fjölskylduráð metur það svo að gæta þurfi meðalhófs gagnvart nemendum Grunnskóla Raufarhafnar og foreldrum þeirra og að ekki sé forsvaranlegt að stokka upp skólastarf í Grunnskólanum á Raufarhöfn á miðju skólaári.
Fjölskylduráð samþykkir að nýta næstu mánuði til að endurskoða fyrirkomulag grunnskólaþjónustu á Raufarhöfn til framtíðar frá og með skólaárinu 2024-2025. Lagt er til að stofnaður verði starfshópur og leitað utanaðkomandi ráðgjafar varðandi framtíðar fyrirkomulag skólastarfsins.
Fræðslufulltrúa er falið að undirbúa erindisbréf vegna skipunar hópsins og leggja fyrir á næsta fundi.

Formaður fjölskylduráðs leggur til að sveitarstjóra verði falið að óska eftir leiðbeiningum frá mennta- og barnamálaráðuneyti varðandi framkvæmd skólahalds á Raufarhöfn í kjölfar þess að ráðuneytið synjaði Norðurþingi um þróunarskólaleyfi vegna skólahalds á Raufarhöfn.

Fjölskylduráð samþykkir tillögu formanns.

Fjölskylduráð felur fræðslufulltrúa að ljúka við erindisbréf starfshópsins og leggja fyrir á næsta fundi ráðsins.

Fjölskylduráð samþykkir fyrirliggjandi erindisbréf starfshópsins.

Í hópinn eru eftirtaldir tilnefndir:
Fulltrúi Velferðarsviðs: Jón Höskuldsson, fræðslufulltrúi.
Pólitískt kjörnir fulltrúar:
Bylgja Steingrímsdóttir, fjölskylduráði, formaður starfshópsins.
Helena Eydís Ingólfsdóttir, formaður fjölskylduráðs.




Ingibjörg Hanna Sigurðardóttir, áheyrnafulltrúi í fjölskylduráði.
Fulltrúi foreldra skólans:
óskað er eftir tilnefningu frá skólaráði.

Starfsfólk hópsins: Jón Höskuldsson og Gunnar Gíslason forstöðumaður Miðstöðvar skólaþróunar Háskólans á Akureyri.

Fjölskylduráð felur fræðslufulltrúa að óska eftir að skólaráð Grunnskólans á Raufarhöfn tilnefni fulltrúa foreldra í starfshópinn.
Starfshópurinn flokkist sem sérskipuð nefnd skv. d. lið 3. greinar samþykktar um kjör fulltrúa í stjórnum, ráðum og nefndum Norðurþings og fái greitt skv. því.