Skipulags- og byggingarnefnd Norðurþings

Björn Jóhannsson kynnti tillögu að deiliskipulagi suðurhluta iðnaðarsvæðis að Bakka auk tilheyrandi breytingar á aðalskipulagi Norðurþings vegna tilfærslu spennivirkis. Skipulags- og byggingarnefnd leggur til við bæjarstjórn að haldinn verði almennur kynningarfundur um skipulagstillögurnar þriðjudaginn 26. febrúar n.k. til samræmis við 2. mgr. 30. gr og 4. mgr. 40. gr skipulagslaga nr. 123/2010.

Umsagnir um skipulagslýsingu deiliskipulagsins hafa borist frá tveimur aðilum. Minjastofnun/Minjavörður Norðurlands eystra gerir ekki athugasemd við skipulagslýsinguna. Skipulagsstofnun telur skipulagslýsingu ekki nægilega skýra hvað varðar:1. Gera þarf nánari grein fyrir umfangi urðunar, nánar tiltekið áætluðum vinnslutíma og magni úrgangs sem gert er ráð fyrir að urða á svæðinu. Ljóst þarf að vera að fyrirhugað deiliskipulag samræmist stefnu aðalskipulags hvað varðar umfang sorpförgunar og heildarmagn efnis til urðunar.2. Setja þarf skilmála í deiliskipulagstillöguna um frágang svæðisins að vinnslutíma loknum.3. Í umhverfisskýrslu þarf að gera grein fyrir viðmiðum og umhverfisverndarmarkmiðum úr stefnu stjórnvalda, lögum og reglugerðum sem lögð verða til grundvallar matinu. Skipulags- og byggingarnefnd fellst á að nauðsynlegt sé að upplýsingar um ofangreind atriði liggi fyrir þegar tillögudrög verða kynnt skv. 4. mgr. 40. gr. skipulagslaga.

Kynntar voru athugasemdir og hugrenningar Sigurjóns Benediktssonar vegna stjórnunar- og verndaráætlunar Vatnajökulsþjóðgarðs. Lagt fram.

Óskað er eftir framlengingu stöðuleyfis fyrir söluhúsi Heimaxar við verslunina Ásbyrgi þar til gengið hefur verið frá deiliskipulagi svæðisins. Skipulags- og byggingarnefnd leggur til við bæjarstjórn að samþykkt verði stöðuleyfi fyrir húsinu til tveggja ára frá samþykki í bæjarstjórn.

Óskað er eftir stöðuleyfi fyrir 15 m² bjálkahúsi á lóð Garðarsbrautar 6 sem söluaðstöðu fyrir hvalaskoðunarferðir. Nefndin frestar afgreiðslu erindisins og óskar eftir skýrari myndum af útliti og afstöðu.